Përcillet për në banesën e fundit vajza e futbollistit të KF Tiranës/ Tragjedia që ‘bashkoi’ Shqipërinë me Kosta Rikën

Me zemrën e thyer, por duke e ditur se vajza e tij e dashur, Irina Alvarez Esquivel, tani është një engjëll në qiell, futbollisti i KF Tiranës, Freddy Alvarez, dha për herë të parë një mesazh, pas tragjedisë në të cilën vajza e tij e madhe, vetëm nëntë vjeçe, humbi jetën në Shqipëri. Futbollisti mbërriti të enjten në territorin kombëtar së bashku me bashkëshorten e tij Maria Fernanda Esquivel dhe djalin e tyre pesë vjeçar. Ata udhëtuan me të njëjtin fluturim me të cilin mbërriti edhe trupi i vogëlushes, vdekja e së cilës tronditi vendin një javë më parë. Sipas asaj që mësoi La Nación, në aeroport i priste Jose Luis Rodriguez nga ‘Fútbol Consultants’, i cili është përfaqësuesi i futbollistit. Është e kuptueshme që mesfushori dhe bashkëshortja e tij nuk kishin forcë mendore për t’u marrë me këto çështje...