Nga njeriu i dytë më i pasur i Azisë te burgimi i përjetshëm, biznesmenit në Kinë i “shembet” perandoria e ngritur prej vitesh

Themeluesi i China Evergrande Group, Hui Ka-yan, është dënuar me burgim të përjetshëm, duke i dhënë fund një prej historive më spektakolare të ngritjes dhe rënies në botën e biznesit kinez. Dikur një prej njerëzve më të pasur të Azisë, Hui e shndërroi Evergrande në një prej kompanive më të mëdha të pasurive të paluajtshme në Kinë, përpara se perandoria e tij të shembej nën peshën e borxheve dhe hetimeve për mashtrim financiar. Hui u dënua së bashku me 56 persona të tjerë të lidhur me Evergrande, mes tyre edhe dy djemtë e tij, Xu Zhijian dhe Xu Tenghe. Gjykata urdhëroi gjithashtu konfiskimin e aseteve të Hui-t, ndërsa Evergrande u gjobit me 8.82 miliardë juanë, rreth 1.3 miliardë dollarë. Hengda Real Estate, dega e kompanisë...