Netanyahu urdhëron goditjen e Hezbollahut dhe përjashton tërheqjen nga Libani

Kryeministri izraelit Benjamin Netanyahu urdhëroi të martën forcat e armatosura izraelite të shkatërrojnë plotësisht atë që e cilësoi si infrastrukturën ushtarake të Hezbollahut në jug të Libanit. Deklarata u bë gjatë një vizite te trupat izraelite të dislokuara në zonë, ndërsa zyra e tij publikoi detaje të mesazhit përmes rrjetit social X. Netanyahu theksoi se operacionet duhet të përfshijnë çdo objekt të përdorur nga Hezbollahu, si mbi tokë ashtu edhe nën tokë, duke iu referuar veçanërisht rrjetit të tuneleve që, sipas Izraelit, përdoren për sulme ndaj veriut të vendit. “Ky është urdhri i ri, mos lini asgjë në këmbë dhe zbatojeni atë”, deklaroi ai para ushtarëve. Kryeministri izraelit u kërkoi forcave të veprojnë menjëherë sa herë që identifikohet një kërcënim, pa pritur urdhra të tjerë....