Kili nën “pushtetin” e flakëve, shkon në 15 numri i viktimave, shpallet gjendja e jashtëzakonshme në dy provinca

Numri i të vdekurve nga zjarret që kanë shpërthyer në dy provinca të Kilit është rritur në të paktën 15 persona, duke detyruar më shumë se 50,000 njerëz të evakuohen nga shtëpitë e tyre. Presidenti kilian në largim, Gabriel Boric, shpalli gjendjen e jashtëzakonshme në zonat e prekura. “Duke pasur parasysh zjarret serioze që po shpërthejnë, kam vendosur të shpall gjendje të jashtëzakonshme për provincat e Nuble dhe Biobio”, njoftoi ai në X. Zjarret në pyje shpërthyen të shtunën e kaluar, në mes të verës në hemisferën jugore, për shkak të temperaturave të larta dhe erërave të forta. Sipas agjencisë pyjore të Kilit, forcat zjarrfikëse po luftojnë 24 zjarre aktive në të gjithë vendin, me shpërthimet më të mëdha që vazhdojnë në Nuble dhe Biobio,...