Izraeli godet Bejrutin, përplasje me Hezbollah dhe alarm për krizë humanitare

Izraeli ka rifilluar sulmet në periferitë jugore të Bejrutit, duke goditur objektiva të Hezbollahut. Përplasjet në jug të Libanit po intensifikohen, ndërsa bilanci i viktimave rritet. OKB paralajmëron për një krizë humanitare që mund të kthehet në katastrofë. Izraeli ka intensifikuar ofensivën në Liban, duke ndërmarrë një valë të re sulmesh ajrore në periferitë jugore të Bejrutit, zona të njohura si bastione të Hezbollahut. Ushtria izraelite deklaroi se objektivi i sulmeve është infrastruktura e grupit militant të mbështetur nga Irani, ndërsa u bëri thirrje banorëve të evakuohen nga disa lagje të rrezikuara. Mediat libaneze raportojnë për goditje të shumta, përfshirë një sulm pa paralajmërim që la të paktën dy viktima në jug të kryeqytetit. Paralelisht, përplasjet janë zhvendosur edhe në jug të Libanit, ku Hezbollah...