Analiza: Si po e detyron lëvizja Maga Donald Trump të ndryshojë kurs

Në ditët e fundit, Joe Kent ka qenë një i ftuar shumë i kërkuar nëpër podkaste, programe televizive dhe radiofonike amerikane. Ish‑përgjegjësi për luftën kundër terrorizmit në administratën Trump dha dorëheqjen javën e kaluar si shenjë proteste kundër luftës në Iran. Presidenti nuk ka treguar asnjë keqardhje për largimin e tij. Ai deklaroi se Kent ishte gjithsesi “shumë i dobët në çështjet e sigurisë”. Në të vërtetë, janë pikërisht zëra si ai i Joe Kent që e shtyjnë Trump-in drejt një daljeje nga angazhimi ushtarak në Lindjen e Mesme. Presionet nga ekonomia dhe sektori energjetik Në Uashington qarkullon ideja se sekretari i Energjisë, Chris Wright, nuk ishte informuar për sulmet kundër Iranit, edhe pse ishte e parashikueshme një bllokim i Ngushticës së Hormuzit, nyje kyçe për flukset...