Banania 6 milionë dollarëshe që tronditi botën e artit, historia e pazakontë pas veprës kontroverse

Një banane e ngjitur në mur me shirit ngjitës mund të duket si një shaka, por për artistin italian Maurizio Cattelan ajo u shndërrua në një nga veprat më të diskutuara të artit bashkëkohor. “Comedian”, e prezantuar për herë të parë në Art Basel Miami Beach në vitin 2019, shkaktoi menjëherë reagime të forta. Disa e cilësuan si një tallje me botën e artit, ndërsa të tjerë e panë si një koment mbi vlerën, tregun dhe mënyrën se si përcaktohet se çfarë konsiderohet art. Në ditën e prezantimit, dy edicione të veprës u shitën për nga 120 mijë dollarë secili. Edicioni i tretë dhe i fundit u shit pak ditë më vonë për 150 mijë dollarë. Blerësit nuk merrnin thjesht një banane dhe një copë...