Ylli Manjani: Deputetët nxitës të dhunës, duhet të mbajnë përgjegjësi penale

Ish-ministri i Drejtësisë, Ylli Manjani, ka reaguar lidhur me aktet e dhunës gjatë protestës së fundit, duke hedhur përgjegjësinë mbi drejtuesit politikë dhe jo mbi personat që i kryejnë ato. Sipas Manjanit, individët që përdorin mjete të rrezikshme gjatë protestave janë “të paguar, të gënjyer ose të çmendur” dhe, për këtë arsye, mbajnë pak ose aspak përgjegjësi ligjore. “Ata që hedhin lëndë djegëse të kombinuar me mjete piroteknike janë të paguar, të gënjyer ose të çmendur. Në të gjitha rastet pra, janë ligjërisht pak ose aspak përgjegjës. Përgjegjësia ligjore bie direkt mbi grupimin politik që i thërret, nxit drejton në akte dhune kundër rendit publik. Qëllimi i dhunës piroteknike dhe goditja e policisë është politik. Nuk ka asnjë lidhje me reagimet civile (jo partiake) të...