Vrasja e turistit në Ksamil, 4 të arrestuar nga Gjirokastra, mes tyre punonjës i policisë bashkiake dhe i kufirit

Për llogari të hetimeve për vrasjen e turistit portugez në Ksamil, në pranga janë vënë edhe 4 persona nga Gjirokastra, dy prej të cilëve punonjës policie. Shtetasi M.M është punonjës i Kufirit dhe Migracionit në Drejtorinë Rajonale të Gjirokastrës, ndërsa R.SH punonjës e Policisë Bashkiake Gjirokastër. Më poshtë njoftimi i plotë i Policisë së Shtetit. Në vijim të veprimeve për zbardhjen e rrethanave, dokumentimin ligjor, kapjen dhe arrestimin e autorit, si dhe të personave të tjerë të përfshirë në vrasjen e 20-vjeçarit portugez, mëngjesin e sotëm në Ksamil, Sarandë, ju informojmë se: Si rezultat i veprimeve të shpejta profesionale dhe hetimore, në bashkëpunim me Prokurorinë, si dhe koordinimit të punës mes Komisariatit të Policisë Sarandë, Drejtorisë Vendore të Policisë Vlorë dhe Drejtorisë Vendore të Policisë...