Uji rikthehet pjesërisht në Vlorë, rregullohet defekti por qyteti nuk furnizohet me kapacitet të plotë

Vlora pas pesë ditësh thatësirë në rubineta, duket se po i kthehet normalitetit të furnizimit me ujë të pijshëm. Mbrëmjen e së hënës mbërriti nga Turqia, elektromanikota, e cila u vendos, ndërsa pas mesnate defekti i tubit kryesor u rregullua. Gjithcka përfundoi në orën 4:00 të mëngjesit, kur nisi edhe mbushja e depove. Sipas raportimeve me ujë po furnizohet i gjithë qyteti megjithatë rreziku nga presioni i lartë mbetet akoma, ndaj pajisja po mbahet nën monitorim. Sakaq autoritetet iu kanë bërë apel qytetarëve që të paktën deri në datën 1 të vitit të ri të mos e përdorin ujin për konsum apo për gatim. Një ditë më parë qytetarët mbajtën edhe një protestë para bashkisë, ku patën edhe përplasje me policinë. Të revoltuar për këtë...