Tubimi masiv/ Gazetari: Protesta ka zgjuar nervin qytetar dhe ka promovuar Shqipërinë pozitivisht

Gazetari Flori Gjini, i ftuar në nje studio televizive, komentoi protestat qytetare që po zhvillohen në Tiranë, duke i cilësuar ato si një shprehje të një fryme të gjerë demokratike që ka angazhuar shtresa të ndryshme të shoqërisë shqiptare, brenda dhe jashtë vendit. Sipas Gjinit, protestat kanë tërhequr vëmendjen e diasporës, të rinjve, përfaqësuesve të shtresës së mesme dhe sipërmarrësve, shumë prej të cilëve nuk preken drejtpërdrejt nga çështjet që ngre protesta, por kanë zgjedhur të bashkohen në emër të angazhimit qytetar dhe vlerave demokratike. Ai theksoi gjithashtu se protesta ka sjellë një ekspozim pozitiv të Shqipërisë në arenën ndërkombëtare ndërsa argumentoi se ajo ka dëshmuar se shqiptarët dinë të organizohen dhe të protestojnë në mënyrë qytetare, duke sfiduar stereotipet negative që shpesh lidhen me...