Këshilli Bashkiak i Tiranës ka miratuar buxhetin për vitin 2026, me një vlerë totale prej afro 400 milionë eurosh, ndërsa vendimi u mor gjatë një mbledhjeje ku mungoi kryebashkiaku Erion Veliaj. Më herët, anëtarë të Këshillit kishin kërkuar që Veliaj të ishte i pranishëm në diskutimet mbi projektbuxhetin, por kjo kërkesë nuk u pranua nga SPAK. Buxheti i aprovuar përfshin një sërë masash sociale dhe mbështetëse. Parashikohet ndarja e 1500 kredive të buta për çiftet e reja, ofrimi i aboneve falas për studentët dhe pensionistët, si dhe dhënia e 1400 bonuseve të qirasë për familjet e prekura nga tërmeti dhe për përfituesit e ndihmës ekonomike. Një tjetër zë i rëndësishëm i buxhetit është ai për arsimin, ku janë planifikuar 9.2 milionë euro për rreth 12...