“E ke mbushur sallën me audiencë 5 mijë lekë personi”/ Rama i përgjigjet komentuesve: Kur mblidheni ju me blogerë e influencerë është “Shqipëri e re”, Zvërneci e Sazani nuk ndalen

Kryeministri Edi Rama ka reaguar ndaj kritikave dhe komenteve në rrjetet sociale lidhur me protestat kundër projekteve turistike në Zvërnec dhe Sazan. Në një postim të gjatë, kreu i qeverisë akuzoi organizatorët e protestave për standarde të dyfishta dhe theksoi se projektet strategjike të zhvillimit nuk do të ndalen. “Pra kur mblidheni ju me Rrethin Katror, e me blogerë e influencera që vijnë në bulevard për të marrë follouersa e llajke mbi tribunë, e me lloj-lloj qorrallapajsh rrotull dhe luftoni me tradhëtarë imagjinarë, kundër projektesh imagjinare, për të mbrojtur natyrën nga shkatërrimi imagjinar e për të shpëtuar flamingot nga vdekja imagjinare, kjo është “Shqipëria e Re”, “Shqipëria e Shqiptarëve”, “Shqipëria që nuk shitet”, ndërsa kur mblidhen të tjerët ju i jepni vetes të drejtën t’i...