Tre të burgosurit të përfshirë në konflikt ishin shokë, detaje nga sherri në burgun e Fierit

Dalin detaje të reja rreth konfliktit mes të burgosurve në burgun e Fierit, ku tre të dënuarit, Denij Bajoviç, Aldo Gjini dhe Jurgen Zotaj, u përfshinë në një konflikt në ambientet e burgut të Fierit. Sipas të dhënave paraprake, bëhet fjalë për një zënkë të momentit, pasi të tre personat kishin marrëdhënie të mira dhe ishin shokë me njëri-tjetrin. Të dëmtuarit kanë marrë ndihmën mjekësore dhe kanë lënë spitalin, duke u rikthyer në ambientet e burgut. Për zbardhjen e plotë të dinamikës së ngjarjes pritet të verifikohen pamjet e kamerave të sigurisë.