Thasë të mbushur me euro, Europol nxjerr pamjet nga aksioni i call center-ave në Tiranë

Një rrjet kriminal që operonte një skemë mashtrimi në shkallë të gjerë online është shkatërruar nëpërmjet një hetimi bashkëpunues që përfshinte autoritetet austriake dhe ato shqiptare, me mbështetjen e Europol dhe Eurojust, raporton agjencia policore europiane. Operacioni, i cili zgjati më shumë se dy vjet, rezultoi në arrestimin e dhjetë personave, kontrollin e disa lokaleve dhe sekuestrimin e gati 900.000 eurove në para të gatshme. Sipas Europol, rrjeti kriminal që dyshohet se operonte disa qendra thirrjesh në Tiranë, besohet se ka shkaktuar dëme të konsiderueshme financiare, që arrijnë në total të paktën 50 milionë euro. Call Center-at ishin ngritur dhe organizuar profesionalisht, duke u ngjarë me struktura legjitime biznesi që shfaqnin një ndarje të qartë rolesh dhe menaxhim hierarkik. Premtime investimi shumë të mira për...