‘Kafazi është si hotel me 5 yje’, Ndreca komenton deklaratën e prokurorit Dado: I kërkuam gjykatës që të reagojë, por…

Gjykata e Posaçme e Apelit rrëzoi sot kërkesën e kryetarit të Bashkisë së Tiranës, Erion Veliaj, për shfuqizimin e një vendimi të Shkallës së Parë për pezullimin e afateve të paraburgimit.Avokati i tij mbrojtës, Plarent Ndreca tha se pezullimi i afateve është bërë në mënyrë kolektive, duke e cilësuar këtë një veprim antikushtetues. Për këtë qëllim, pala mbrojtëse do ta ndjekë në të gjitha shkallët e gjyqësorit. Ai kërkoi që mos të cenohen provat dixhitale të pahapura nga gjykata. “Është një standard me sa duket i vendosur në gjykatën e Shkallës së parë dhe të Apelit kur pezullimi i afatit të paraburgimit të bëhet edhe për arsye që nuk lidhen fare me personin në akuzë, pra përkthehet në një zgjatje të afateve të paraburgimit në...