Imuniteti i Ballukut, protestuesi thirrje SPAK-ut: Tregoni nëse ka një kërkesë të dytë të protokolluar në Kuvend

Një prej protestuesve gjatë tubimit para Kryeministrisë i bëri thirrje SPAK-ut që të tregonte nëse ka një kërkesë të dytë të protokolluar në Kuvend për heqjen e imunitetit të ish-zv.kryeministres Belinda Balluku. “Dhe një kërkesë të fundit për SPAK. Ju lutem ta bëjnë të qartë dhe pa nënkuptime. A ka një kërkesë të dytë të protokolluar në Kuvend për heqjen e imunitetit të Ballukut? Ju bëj thirrje edhe deputetëve që nëse ka një dokument të protokolluar nga SPAK për këtë çështje, ta bëjnë publike. Arrestoni Ballukun”, tha një protestues.