Grushte e sende të forta/ Sherr i dhunshëm mes disa personave në Sarandë, 6 të shoqëruar

Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarandës, në vendin e quajtur “Ekualipsi”. Disa persona janë përfshirë në një konflikt për motive të dobëta duke u goditur me grushta e sende të forta. Forca të shumta policie dhe FNSH kanë shkuar në vendin e ngjarjes dhe kanë shoqëruar në Komisariatin e Policisë Sarandë 6 shtetas ndërkohë që mësohet se të dëmtuar janë paraqitur edhe në spitalin e Sarandës për të marrë ndihmë mjekësore. Policia ka nisur hetimet dhe po punon për dokumentimin e plotë të ngjarjes.