Dosja e SPAK, Ballukun e “tradhtuan” antenat e kompanisë celulare, si u skualifikuan padrejtësisht kompanitë e…

Prokuroria e Posaçme (SPAK) nuk ka asnjë dyshim se Vila në kompleksin turistik “White Rocks” në Dhërmi që formalisht rezulton në emër të ish futbollistit të njohur Igli Tare, i përket në fakt, ish-zëvendëskryeministres Belinda Balluku. Janë një sërë hetimesh dhe provash të grumbulluara, të pasqyruara në dosje, të cilat duket se nuk lënë shumë hapësirë për interpretim. Gazeta “SOT” raportoi në artikullin e kaluar se kontrolli në vilë ka zbuluar objekte që i përkasin familjarëve të saj, madje dhe llogaria në “Netflix” në televizorin e banesës, është hapur nga emaili i saj. Komunikimet e zbuluara në celularët dhe postën elektronike të vartësve të Ballukut e identifikojnë vilën si “të Belës” apo “shefes”. Të dhënat e telefonisë celulare, sipas SPAK, por edhe një llogari e...