Babai me dy fëmijët humbën orientimin në mal, shpëtohen tre turistët holandezë në Gjipe

Tre shtetas holandezë, një baba së bashku me dy fëmijët e tij të mitur, kishin humbur orientimin në zonën malore të Gjipesë. Pas marrjes së njoftimit, efektivët e Njësisë Speciale Delta nisën operacionin e kërkim-shpëtimit në terrenin e vështirë të Gjipesë. Mësohet se, pas kontrolleve në zonë, tre turistët janë lokalizuar dhe nxjerrë nga terreni. Ata kanë marrë ndihmën e parë në vendngjarje dhe, sipas informacionit paraprak, janë në gjendje të mirë shëndetësore. Turistët po transportohen drejt spitalit për një kontroll mjekësor.