Aksident i rëndë në Himarë/ Përmbyset automjeti, plagosen tre persona

Një aksident rrugor është regjistruar në orët e para të mëngjesit në zonën e Porto Palermos, në Himarë. Ngjarja është raportuar rreth orës 05:00, kur shërbimet janë njoftuar për një automjet që kishte dalë nga rruga dhe ishte përmbysur. Menjëherë pas marrjes së njoftimit, drejt vendngjarjes është nisur grupi i shërbimit. Me mbërritjen në zonë, shërbimet kanë konstatuar tre persona të aksidentuar. Të tre të dëmtuarit janë transportuar me ambulanca drejt spitalit, ku po marrin ndihmën e nevojshme mjekësore. Ende nuk dihen rrethanat e plota të aksidentit, ndërsa nuk ka informacion zyrtar për gjendjen shëndetësore të tre personave.