Zbulohet peshku i rrallë me ngjyrë portokalli në Amazonë, shkencëtarët zbulojnë rrezikun që i kanoset

Një peshk i vogël me njolla portokalli të ndezura është zbuluar në Amazonën braziliane, por shkencëtarët paralajmërojnë se kjo specie e sapoidentifikuar mund të jetë tashmë në rrezik zhdukjeje. I gjetur në disa pellgje pyjore të kërcënuara nga aktivitetet njerëzore, ky peshk shumëngjyrësh i ka nxitur studiuesit të bëjnë thirrje për marrjen e masave urgjente për ruajtjen e tij. Specia e re, e quajtur Laimosemion laranja, i përket një grupi peshqish të vegjël të ujërave të ëmbla, të njohur si killifish. Gjatësia e tij standarde është më pak se tre centimetra, por pamja e tij është gjithçka tjetër veçse e zakonshme. Meshkujt kanë rreshta njollash portokalli të ndezura përgjatë gjysmës së përparme të trupit, të ndjekura nga modele të theksuara në formë shigjete, gjithashtu në...