Vrau dy vëllezërit dhe plagosi të tretin në Kamëz, gjykata lë në burg Ngushëllim Manzin

Gjykata e Tiranës ka vendosur masën e sigurisë “arrest me burg” për 40-vjeçarin Ngushëllim Manzi, i cili dy ditë më parë vrau me armë zjarri vëllezërit Selam dhe Nazmi Islamaj, si dhe plagosi vëllain e tyre, Shefqet Islamaj. Ngjarja e rëndë ndodhi në Kamëz, pas një konflikti mes palëve. Gjatë dëshmisë së tij, Manzi është shprehur i penduar për krimin, ndërsa në seancën gjyqësore nuk ka folur, për shkak të gjendjes së rënduar psikologjike. Përmes avokatit të tij, ai ka pretenduar se para ngjarjes, tre vëllezërit Islamaj e kishin dhunuar me sende të forta dhe leva atë, motrën dhe nënën e tij. Sipas versionit të paraqitur nga mbrojtja, pas këtij konflikti ai ka marrë armën dhe ka qëlluar në kushtet e një tronditjeje të rëndë...