Valë sulmesh me dronë në Rusi, goditen uzina industriale, baza ajrore dhe objekte energjetike

Gjatë orëve të natës, territoret ruse dhe zonat kufitare janë bërë sërish shënjestër e një valë sulmesh me dronë, të cilat kanë prekur infrastrukturën ushtarake, industriale dhe objektiva të ndjeshëm energjetikë. Sipas mediave ndërkombëtare dhe raporteve të konfirmuara nga burimet ukrainase, operacionet kanë përfshirë disa rajone në thellësi të Rusisë. Në Oblastin e Bryanskut, trupat ukrainase kanë shënjestruar uzinën “Monolit” në Trubchevsk. Sipas të dhënave të publikuara nga Ukrainska Pravda, kompleksi industrial i është nënshtruar sulmit, ndërkohë që objekti në fjalë “specializohet në prodhimin e avionëve, duke përfshirë helikopterët, pjesët rezervë dhe komponentët për to, si dhe në përpunimin e metaleve”. Një tjetër objektiv ushtarak i goditur ka qenë aeroporti i Akhtubinskut, në Oblastin e Astrakhanit. Siç raporton gazeta Kyiv Independent, duke iu referuar vëzhgimeve...