Tensionet e para në protestën e studentëve, koshat e mbeturinave përfshihen nga flakët! Policia nuk ndërhyn

foto TIRANË- Në protestën kombëtare të studentëve, e zhvilluar këtë të shtunë më katërmbëdhjetë nëntor është regjistruar edhe incidenti i parë. Disa prej protestuesve u kanë vënë flakën koshave të mbeturinave në hapësirën përpara Ministrisë së Arsimit. Flakët kanë shkaktuar re tymi në zonën ku po zhvillohet tubimi ndërsa situata është ndjekur edhe nga efektivët e policisë të pranishëm në terren, të cilët deri në këtë moment nuk kanë ndërhyrë. Protesta vijon para Ministrisë së Arsimit, ndërsa djegia e koshave është shënuar si një nga momentet e para të tensionit gjatë tubimit./ZËRI