Kreu i Partisë Mundësia organizoi sot në Tiranë një tryezë të hapur për mbrojtjen e drejtësisë në luftën e saj ndaj korrupsionit. Pjesë e tryezës ishin anëtarë të shoqërisë civile dhe jo vetëm politikanë opozitarë.
Shehaj theksoi se qytetarët sot nuk e kanë humbur pulsin opozitar, por kërkojnë besueshmëri nga aktorët politikë kundër qeverisë.
Shehaj përmendi se edhe politikanë me pushtet politik sot janë në hetim nga drejtësia, prandaj kjo e fundit po merr sulme nga pushteti që kërkon tëe minojë punën e saj.
Agron Shehaj: Arsyeja pse jemi mbledhur kështu është se ndërkohë që shoqëria shqiptare sheh dritë në fund të tunelit, shohim një sulm të paprecedent ndaj drejtësisë dhe një reagim të partive opozitare që nuk ka ndezur tek qytetarët një reagim. Dhe pyesim veten cfarë po ndodh, duan që ti vjedhin?!
Ne perceptojmë çdo ditë mbështetje të jashtëzakonshme për drejtësinë por nuk shohim mbështetje për alternativën politike opozitën. Disa thonë se partitë duhen bërë bashkë. Nuk besoj se mjafton. Duhet një bashkim përtej partive politike. Duhet një bashkim përtej partive politike se mendoj se njerëzit do dalin në shesh në mbrojtje të drejtësisë ditën që do drejtohet nga subjektet që kanë besueshmëri. Nuk mjafton të jesh opozitar, duhet të kesh besueshmëri. Kjo është ajo që mendoj duhet të fitojmë te qytetarët. Ti bëjmë gjyqin qytetarët, një debat që bëhet mos është shoqëria që nuk bën, që ka humbur nervin opozitar, mendoj se ne duhet të fitojmë besimin e qytetarëve. Dua të shpjegoj arsyen e kësaj tryeze. Për pjesën më të madhe prej jush, nuk është e lehtë të vish në një tryezë. Prapë keni sikletin të jeni në një tryezë ku ka politikanë.
Nuk dua ta zgjas shumë, e kotë të them kërcënimet nga të gjitha anët ndaj drejtësisë. Jam i bindur se është vetëm, fillimi. Edhe për sa iu takon luftës ndaj drejtësisë. Është dhe fillimi i reagimit të politikës ndaj drejtësisë. Do përdorin parlamentin për të ndryshuar kushtetutën. Qëllimi i këtij takimi të diskutojmë, të shkëmbejmë mendime si të mbrojmë këtë drejtësi. Kam rezerva si po bëhet, por flasim për një drejtësi që më në fund ekziston. Kjo që shohim as nuk e imagjinonim që të ndodhte.
Tag: qytetarët
-
“Drejtësia po sulmohet”/Shehaj: Duhet një bashkim përtej partive politike! Nuk mjafton të jesh opozitar, qytetarët duan…
-
‘Drejtësia po sulmohet nga ata që e dinin veten të paprekshëm’, Shehaj: Duhet një bashkim përtej partive politike
Kreu i Partisë Mundësia organizoi sot në Tiranë një tryezë të hapur për mbrojtjen e drejtësisë në luftën e saj ndaj korrupsionit. Pjesë e tryezës ishin anëtarë të shoqërisë civile dhe jo vetëm politikanë opozitarë.
Shehaj theksoi se qytetarët sot nuk e kanë humbur pulsin opozitar, por kërkojnë besueshmëri nga aktorët politikë kundër qeverisë.
Shehaj përmendi se edhe politikanë me pushtet politik sot janë në hetim nga drejtësia, prandaj kjo e fundit po merr sulme nga pushteti që kërkon tëe minojë punën e saj.
Agron Shehaj: Arsyeja pse jemi mbledhur kështu është se ndërkohë që shoqëria shqiptare sheh dritë në fund të tunelit, shohim një sulm të paprecedent ndaj drejtësisë dhe një reagim të partive opozitare që nuk ka ndezur tek qytetarët një reagim. Dhe pyesim veten cfarë po ndodh, duan që ti vjedhin?!
Ne perceptojmë çdo ditë mbështetje të jashtëzakonshme për drejtësinë por nuk shohim mbështetje për alternativën politike opozitën. Disa thonë se partitë duhen bërë bashkë. Nuk besoj se mjafton. Duhet një bashkim përtej partive politike. Duhet një bashkim përtej partive politike se mendoj se njerëzit do dalin në shesh në mbrojtje të drejtësisë ditën që do drejtohet nga subjektet që kanë besueshmëri. Nuk mjafton të jesh opozitar, duhet të kesh besueshmëri. Kjo është ajo që mendoj duhet të fitojmë te qytetarët. Ti bëjmë gjyqin qytetarët, një debat që bëhet mos është shoqëria që nuk bën, që ka humbur nervin opozitar, mendoj se ne duhet të fitojmë besimin e qytetarëve. Dua të shpjegoj arsyen e kësaj tryeze. Për pjesën më të madhe prej jush, nuk është e lehtë të vish në një tryezë. Prapë keni sikletin të jeni në një tryezë ku ka politikanë.
Nuk dua ta zgjas shumë, e kotë të them kërcënimet nga të gjitha anët ndaj drejtësisë. Jam i bindur se është vetëm, fillimi. Edhe për sa iu takon luftës ndaj drejtësisë. Është dhe fillimi i reagimit të politikës ndaj drejtësisë. Do përdorin parlamentin për të ndryshuar kushtetutën. Qëllimi i këtij takimi të diskutojmë, të shkëmbejmë mendime si të mbrojmë këtë drejtësi. Kam rezerva si po bëhet, por flasim për një drejtësi që më në fund ekziston. Kjo që shohim as nuk e imagjinonim që të ndodhte. -
“Qytetarët nuk janë prioritet i Ramës”/ Tedi Blushi ndan shqetësimin për rritjen e çmimeve
Sekretari i Përgjithshë i Partisë së Lirisë, Ted Blushi nëpërmjet një reagimi në Facebook ka ndarë një shqetësim lidhur rritjen e çmimeve.
Blushi thekson se ulja e TVSH për produktet bazë të shportës ushqimore, nga 20% në 5%, është një masë emergjente dhe jetike për mijëra familje në nevojë.
Tedi Blushi është shprehur kritik ndaj qeverisë, duke thënë se qytetarët nuk janë prioritet i kryeministrit Rama.
REAGIMI I PLOTË:
Ulja e TVSH-së për produktet bazë të shportës ushqimore, nga 20% në 5%, është një masë emergjente dhe jetike për mijëra familje në nevojë. Ky është thelbi i projektligjit të Partisë së Lirisë, që prezantuam sot në Komisionin e Ligjeve, së bashku me kolegen Erisa Xhixho.
Miratimi i këtij projektligji do të ulte ndjeshëm çmimet, të cilat parashikohen të rriten me rreth 3% vitin e ardhshëm, dhe do të lehtësonte kostot gjithnjë e më të papërballueshme të jetesës, veçanërisht për pensionistët.
Megjithatë, PS e rrëzoi propozimin tonë, sepse prioriteti i tyre nuk është interesi publik. Por çfarë mund të jetë më jetike për një pensionist, për një familje në vështirësi ose për çdo qytetar që jeton ndershmërisht, sesa ulja e çmimeve për 23 produktet bazë të shportës? Nga mielli, makaronat dhe orizi, te buka, mishi, frutat e perimet, të cilat sot kushtojnë deri 50% më shtrenjtë se në vendet e BE-së, ku të ardhurat janë shumëfish më të larta.
Qytetarët nuk janë prioritet i Edi Ramës. Nëse për oligarkët klientelistë detyrimin tatimor e uli në 6%, për ushqimet e shportës ai i detyron pensionistët të paguajnë TVSH 20%. Pa përmendur që pasanikëve që blejnë jahte ua hoqi krejtësisht TVSH-në.
Ne kemi mbajtur fjalën dhe do të vazhdojmë të luftojmë çdo ditë për interesat e shqiptarëve.
Kjo është fytyra e kësaj Qeverie, që i zhvat qytetarët që luftojnë për bukën e gojës dhe u hap rrugën investitorëve miliarderë, që ndërtojnë kulla, pallate e resorte, ndërsa tokat publike ua jep me 1 euro për metër katror. -
‘Shqipëria Bëhet’ protestë para Kryeministrisë, i bashkohen edhe qytetarët
Rreth 30 qytetarë i janë bashkuar Kreut të “Shqipëria Bëhet”, Adriatik Lapaj, përpara Kryeministrisë për të protestuar kundër pushtetit që sipas tyre ka kapur gjithçka.
Ndërsa një natë më parë vetëm Lapaj qëndroi gjithë natën, sot do të qëndrojnë të gjithë si grup.
Ata thonë se nuk kanë dalë në emër të partisë për të protestuar por si aktivistë edhe qytetarë të thjeshtë.
Qytetarët thonë se presin edhe të tjerë që t’i bashkohen kësaj proteste. -
E kaloi natën në karrige para Kryeministrisë, Lapaj: Jam shkëndija që duhet t’i ndezë qytetarët
Kryetari i Lëvizjes “Shqipëria Bëhet”, Adriatik Lapaj, ka nisur një formë të pazakontë proteste para Kryeministrisë, i ulur në një karrige dhe pa asnjë logo partie. Ai deklaroi në Dita Jonë në A2 CNN se ka dalë si qytetar dhe aktivist, i zhgënjyer nga mungesa e reagimit shoqëror ndaj situatës politike dhe ekonomike në vend.
Lapaj theksoi se kishte pritur protesta dhe përballje publike në dhjetor, sidomos për çështje që prekin të rinjtë dhe studentët, për ikjen masive nga vendi dhe mungesën e shpresës. “Mendova të bëhem një shkëndijë. Një shkrepëse e vogël që mund të ndezë një lëvizje që Shqipëria e ka shumë nevojë,” u shpreh ai, duke theksuar se problemet e sotme nuk i zgjidh asnjë parti e vetme.
Ai akuzoi kryeministrin Edi Rama se po ushtron presion ndaj institucioneve të drejtësisë, sidomos ndaj Gjykatës Kushtetuese, ndërsa mbrojtja e zëvendëskryeministres Belinda Balluku sipas tij tregon frikën e Ramës nga përparimi i hetimeve. “Po dal për pavarësinë e gjyqësorit. Ky është moment historik. O vendoset drejtësia, o ky shtet shkon drejt shkatërrimit,” tha Lapaj.
Sa i përket qëndrimit në protestë, Lapaj u shpreh se do të rrijë aq sa ta mbajnë forcat. “Do qëndroj derisa misioni të përmbushet. Uroj që qindra e mijëra qytetarë t’i bashkohen kësaj thirrjeje. Nëse ndodh shpejt, aq më mirë të kthehem te vajza ime,” deklaroi ai.
Lapaj tregoi se gjatë natës nuk ka qenë i vetëm. Qytetarë kanë shkuar për ta mbështetur, disa për disa orë, të tjerë duke i sjellë ujë të ngrohtë dhe batanije. Ai beson se protesta do të rritet në përmasa dhe se është koha që rinia, studentët, fermerët dhe të gjithë ata që ndihen të papërfaqësuar nga politika të reagojnë.
“Shteti nuk është pronë personale. Na duhet ta mbyllim tranzicionin dhe të ndërtojmë institucione të drejta, që qytetarët t’u besojnë taksave dhe ligjit,” tha Lapaj në Dita Jonë. -
Pas tragjedisë që i mori jetën 159 personave, Hong Kongu shkon drejt kutive të votimit
Hong Kongu po voton sot për të zgjedhur ligjvënësit e rinj vendorë sipas rregullave të vendosura nga Pekini në vitin 2021, teksa autoritetet vendore përpiqen të inkurajojnë qytetarët të marrin pjesë pas zjarrit vdekjeprurës që Hong Kongu ka përjetuar prej dekadash.
Qytetarët e ish-kolonisë britanike, e cila iu rikthye Kinës në vitin 1997 dhe tani është një rajon i veçantë administrativ dhe metropol financiar, do të mund të votojnë nga ora 07:30 për të zgjedhur 90 anëtarët e këshillit legjislativ të Hong Kongut vetëm 20 nga vendet përcaktohen me votim të drejtpërdrejtë.
Deri në mesditë, pjesëmarrja ishte 10.33%, nga 9.35% në zgjedhjet e fundit.
“Vota juaj është një votë që do të çojë përpara reformat dhe do të mbrojë ata që preken nga fatkeqësia”, u tha gazetarëve drejtori ekzekutiv vendor John Lee pasi hodhi votën e tij, duke u kërkuar bashkëqytetarëve të tij të bëjnë të njëjtën gjë.
Fushata zgjedhore u ndërpre papritur kur shkalla e shkatërrimit në kompleksin 30-katësh të apartamenteve Wang Ful Court në pjesën veriore të qytetit u bë e qartë më 26 nëntor. Fatkeqësia mori 159 jetë.
Disa banorë thanë se do të donin që “politikanët” të mbaheshin përgjegjës. Një banore tha se shpresonte për një “hetim të plotë” dhe që këshilli i ardhshëm legjislativ të “mbikëqyrte” ekzekutivin. Një tjetër banore e Tai Po, një mësuese 56-vjeçare, tha se përparësia kryesore e qeverisë duhet të jetë sigurimi i strehimit të përballueshëm dhe se ligjvënësit “duhet të takohen shpesh me qytetarët për të marrë mendimet e tyre”.
John Lee siguroi se një projektligj për lehtësimin dhe rindërtimin e ndërtesave të apartamenteve do të paraqitet në takimin e parë të këshillit të ri legjislativ.
Ai kishte njoftuar tashmë formimin e një “komisioni të pavarur”, të kryesuar nga një gjyqtar, për të kryer hetimin për zjarrin që shkatërroi pjesë të ndërtesave në rinovim.
Arrestimi i 15 personave
Mbrëmë, policia arrestoi 15 persona, punëtorë dhe drejtues të kompanive të ndërtimit, të cilët përballen me akuza për vrasje.
Policia arrestoi gjithashtu, sipas raportimeve të medias, të paktën tre persona të akuzuar për “kryengritje”, përfshirë Miles Kwan, një student 24-vjeçar i cili po shpërndante fletëpalosje duke kërkuar që qeveria të mbante përgjegjësi. I riu u lirua më vonë.
Shërbimi i Sigurisë Shtetërore të Hong Kongut (OSNS) i Kinës thirri përfaqësuesit e mediave ndërkombëtare, përfshirë AFP-në, për t’i informuar të mërkurën, duke kritikuar mediat e huaja për përhapjen e lajmeve të rreme në mbulimin e tyre.
Agjencia “nuk do të tolerojë asnjë veprim nga elementët anti-Kinë dhe shkaktarët e problemeve në Hong Kong”, tha ajo në një deklaratë.Top Channel
-
Ishte kthyer në makth, arrestohet 20-vjeçari që shantazhonte online qytetarët
Policia e Tiranës ka finalizuar operacionin e koduar “Online Threat”, duke arrestuar një 20-vjeçar që mashtronte dhe shantazhonte qytetarët në rrjetet sociale.
Sipas policisë, E. M., banues në Tiranë, u kërkonte viktimave të ndryshme shuma nga 500 deri në 1 mijë euro, në këmbim të mosbërjes publike të fotove të tyre personale.
Hetimet kanë dokumentuar dy raste konkrete të mashtrimit, ndërsa gjatë një periudhe dyjavore, i riu hapte profile false në rrjetet sociale dhe, pas sigurimit të fotove personale të viktimave, u kërkonte para me anë të shantazhit. Konkretisht, më 5 dhe 6 dhjetor 2025, ai ka përfituar 750 euro nga një 36-vjeçar.
Materialet procedurale janë dërguar në Prokurorinë e Tiranës për veprime të mëtejshme, ndërsa policia vijon monitorimin dhe goditjen e paligjshmërisë në fushën kibernetike. -
Alarmohet për trafikun në kryeqytet, PL: Tirana e mbingarkuar
Partia e Lirisë ngriti sot shqetësimin për gjendjen e trafikut në kryeqytet duke thënë se është bërë i pakalueshëm dhe se Tirana është kthyer në një qytet të mbingarkuar.
Këshilltari Bashkiak i Tiranës Artan Distafa kritikoi pushtetin lokal se është shkëputur nga qytetarët dhe nuk gjen zgjidhje për këtë problematikë.
Deklarata e plotë
Sot Tirana po përballet me një krizë të shumëfishtë të qeverisjes vendore dhe qendrore, një krizë që ka emrin e qartë, keqqeverisje e qëllimshme. Kryeqyteti i Shqipërisë, në vend që të jetë model transparence, zhvillimi dhe shërbimesh cilësore, është shndërruar në një laborator eksperimentesh të dështuara, aferash korruptive dhe vendimmarrjesh që pasurojnë pak njerëz dhe varfërojnë mijëra qytetarë.
Prej vitesh qytetarët e Tiranës paguajnë me taksa dhe tarifa një incenerator që nuk ekziston. Një projekt fantazmë, që ka shpenzuar miliona euro nga buxheti publik dhe ende sot nuk ka asnjë linjë funksionale, asnjë impiant, asnjë zgjidhje për menaxhimin e mbetjeve.
Ndërkohë, plehrat rriten në çdo cep të Tiranës, ndërmarrja e pastrimit është në kolaps dhe qyteti mbytet nga ndotja, tymrat e djegieve dhe landfillet informale.
Kjo është vjedhje, jo dështim teknik apo paaftësi. Qeveria dhe bashkia vazhdojnë ta financojnë një impiant që ekziston vetëm në kontrata dhe jo në realitet.
Pushteti vendor e ka kthyer Tiranën në qytetin me taksat më të larta në Shqipëri, taksa prone, taksa ndertimi, tarifa parkingu, tarifa pastrimi, rritje çmimesh për çdo shërbim minimal. Të gjitha këto rriten çdo vit, por asnjë shërbim nuk përmirësohet.
Qytetarët paguajnë më shumë për të marrë më pak.
Tirana është sot një qytet i mbingarkuar, pa frymë, pa hapësira publike dhe pa vizion.
Lejet e ndërtimit jepen pa kriter, kulla rriten kudo, ndërsa infrastruktura rrënohet.
Trafiku është bërë i pakalueshëm, zgjidhjet inekzistente dhe planet urbanistike ndryshohen çdo 6 muaj sipas interesave klientelistë.
Ky është shkatërrim i qëllimshëm i qytetit, jo zhvillim urbanistik.
Asnjë tender nuk sqarohet. Asnjë kontratë nuk publikohet e plotë. Asnjë përgjegjësi nuk mbahet.
Pushteti vendor sot është i shkëputur nga qytetarët, por i lidhur fort me interesat klienteliste dhe grupet e përfitimit.
Është krijuar një kulturë e rrezikshme e pandëshkueshmërisë, askush nuk përgjigjet, askush nuk heton, askush nuk sqaron.
Ndërkohë që qyteti po degradon, pushteti prodhon vetëm spote marketingu, evente, video, shfaqje dhe premtime boshe. Realiteti është i zymtë, qytetarët përballen çdo ditë me ndotje, çmime të rritura, trafik, kaos dhe mungesë totale të kujdesit për mirëqenien publike.
Tirana sot është pasqyra më e qartë e një sistemi të kapur, ku paratë publike shkojnë për projekte fantazmë, ndërsa qytetarët marrin vetëm fatura të larta, ndotje dhe mungesë shërbimesh.
Ne, grupi i këshilltarëve të Partisë së Lirisë, në bashkinë e Tiranës, do të vazhdojmë të ngremë zërin derisa transparenca, llogaridhënia dhe drejtësia të rikthehen në këtë qytet. Tirana meriton më shumë. Qytetarët meritojnë më mirë. Dhe askush nuk mund të fshihet më pas propagandës.
Faleminderit! -
Kufizohen pagesat cash për qytetarët, eksperti: Bizneset duhet të kenë një mundësi për…
Shqipëria synon të ulë ndjeshëm përdorimin e parave CASH në ekonomi. Nisma Kombëtare pritet të nisë në janar të vitit të ardhshëm.
Eksperti bankar, Artur Ribaj në një intervistë në “Sheshi i Dollarit” në ABC News foli për rëndësinë e kësaj nisme. Ai u shpreh se bizneset duhet të kenë mundësi pagese elektronike.
“Nëse do kemi një rrjet të të gjithë inspektorëve që do ta bëjnë punë korrekte, në një vend të vogël si Shqipëria është lehtësisht e aksesueshme. Vetë bankat kanë mundësuar marrje pensionesh. Kur flasim për institucione financiare në radhë të parë është besim. I duam sepse na shërbejnë. Unë nuk kam pse të mbaj fare radhe, pra përdorimi i pagesave elektronik është mundësi shumë e mirë Por duhet punuar edhe më shumë, me gjëra konkrete që të çojnë në qasjen e përdorimit”, tha ai.
Nga ana e tij Dritan Vakaj u shpreh: “Ka një sërë elementësh që mund të rrisin qytetarët të rrisin përdorimin në këtë mënyrë. Por mund të them se momenti më i suksesshëm i luftës kundër informalitetit ka qenë bërja e gjërave më të thjeshta. Arsyeja kryesore e informalitetit është shmangia e tatimit. Duhet parë edhe nga pikëpamja fiskale”, tha ai. -
Reforma territoriale/ Berisha: Ne do synojmë ripopullimin e Shqipërisë! Edi Rama bëri një antireformë
Kreu i PD, Sali Berisha, tha se opozita do të angazhohet me seriozitet të plotë në reformën territoriale, duke theksuar se kjo reformë duhet t’i shërbejë ripopullimit të Shqipërisë dhe jo shkretimit të saj.
Berisha shtoi se kryeministri Rama se ka bërë një “antireformë territoriale”, e cila ka prodhuar pabarazi të mëdha mes qarqeve dhe ka rritur barrën mbi qytetarët.
Deklarata e plotë:
Natyrisht populli do i përgjigjet këtij qëndrimi.
Por e bëra këtë hyrje për të kuptuar pse jemi ne këtu.
Dhe i garantoj qytetarët se ne me seriozitetin më të madh do punojmë mbi rekomandimet e OSBE/ODIHR.
Ne kemi një mirënjohje të thellë ndaj tyre për raportin që bënë dhe qëndrimin e tyre të palëkundur në mbrojtje të të vërtetave që konstatuan në këto zgjedhje.
Po kjo është edhe për reformën territoriale.
Ky bëri një antireformë territoriale.
Qarku i Tiranës me mbi 1 milion banorë ka 4 bashki, qarku i Gjirokastrës me 120 mijë banorë, ka 7 bashki.
Kuptojeni vetë.
Pretendoi se me këtë reformë do të lehtësohej barra mbi qytetarët në rroga, është dyfishuar numri i parazitëve mbi qytetarët.
Por tashmë nuk janë të zgjedhur, janë të emëruar.
Shqipëria në raport me popullatën natyrisht duhet të ketë një numër jo shumë të madh të bashkive dhe komunave, por në raport me terrenin, nëse i qëndrojmë parimit që qytetarët duhet të kenë shërbime, duhet të kenë njerëzit e zgjedhur, duhet të kenë drejtimin, Shqipëria është tjetër.
E ka lënë të pavdekshme një kinez në vitet ’70. Udhëtoi nga Tirana në Fierzë, dhe u tha kolegëve të tij inxhinierë: pse thonë që Shqipëria është e vogël sepse vetëm Puka qenka sa Shqipëria. Sepse rruga ishte e gjatë.
Sot infrastruktura ka ndryshuar, por prapë kemi zona të largëta, kemi zona pothuajse pa infrastrukturë, që kur u bë reforma, ora për Shqipërinë rurale ndaloi.
Edhe një ligj që miratuam në vitin 2012 për të hequr 8 vite taksat për ata që investojnë në ato zona malore, e anuloi të parin.
Ka ndaluar ora atje.
Dhe tani do të shpërblejë kartelet me troje në male.
Ndaj edhe në këtë reformë ne do japim mendimet tona, kontributin tonë duke pasur parasysh, ne nuk i qëndrojmë skemës së mëparshme, nuk themi se do jenë 400 e ca bashki e komuna se disa prej tyre kanë ngelur stane bagëtish se njerëzit kanë ikur, por prapë se prapë aty ku ka mundësi dhe komunitete, ne do u qëndrojmë.
Ne do synojmë ripopullimin e Shqipërisë.
Dhe kjo reformë duhet të jetë edhe në funksion të këtij parimi.