Lajmidites.com

Tag: provat

  • I dënuar për vrasjen e kryepolicit dhe djalit 8-vjeçar/ Mediat kanadeze: Shqiptari nuk do ekstradohet, provat nuk janë të plota

    I dënuar për vrasjen e kryepolicit dhe djalit 8-vjeçar/ Mediat kanadeze: Shqiptari nuk do ekstradohet, provat nuk janë të plota

    Nga Michael Nguyen, JOURNAL DE MONTREAL

    Një shtetas shqiptar, i cili jetonte i fshehur në Kebek të Kanadasë pasi ishte dënuar në vendin e tij të origjinës për vrasjen e një oficeri policie dhe të një fëmije 8-vjeçar, nuk duhet të ekstradohet, konfirmoi këtë javë Gjykata e Apelit.

    “Gjykatësi [i shkallës së parë] me të drejtë ka konsideruar se provat në tërësinë e tyre nuk ishin të mjaftueshme për të urdhëruar burgosjen,” thuhet në vendimin e nxjerrë të premten në Montreal.

    Ëngjëll Brahimi, 62 vjeç, nuk ka më pse të shqetësohet për t’u kthyer në Evropën Lindore, ku përballet me një dënim të gjatë me burg lidhur me vrasjen e përgjakshme të një oficeri të lartë policie dhe të fëmijës së tij 8-vjeçar, ngjarje e ndodhur 25 vite më parë.

    Masakër me armë automatike

    Sipas autoriteteve shqiptare, Brahimi kërkonte hakmarrje për vdekjen e vëllait të tij dhe dyshohet se kishte vënë në shënjestër shefin e hetimeve të një rrethi, ndërsa ky po shkonte në plazh me familjen e tij.

    “Një automjet Audi doli nga një pyll i vogël dhe u bëri pritë,” thuhet në dokumentin e gjykatës. “Një burrë doli nga makina duke mbajtur një armë automatike. Ai qëlloi disa herë […].”

    Një fëmijë 8-vjeçar vdiq gjatë sulmit, ndërsa oficeri i policisë arriti të largohej. Megjithatë, një nga sulmuesit e gjeti pranë një lumi, ku ai u ekzekutua.

    Gruaja e viktimës e identifikoi Brahimin rreth pesë muaj më vonë përmes një parade fotografish. Autoritetet shqiptare më pas u përpoqën të arrestonin të dyshuarin, por ai tashmë ishte arratisur — fillimisht në Greqi, e më pas në Kanada, ku madje përfitoi edhe shtetësinë.

    Prova të pabesueshme

    Megjithatë, e shkuara e Brahimit e përndoqi dhe ai u gjet. Ekipi i tij ligjor arriti të dëshmojë se procesi gjyqësor i zhvilluar në Shqipëri kishte qenë i mangët.

    “Provat janë aq të dëmtuara dhe të pasigurta, saqë ekstradimi do të ishte një padrejtësi e rëndë,” shpjegoi gjykatësi Alexandre Boucher në vitin 2023, duke theksuar se gjatë gjyqit atje, gruaja e viktimës madje kishte kundërshtuar vetveten duke zgjedhur fotografinë e gabuar për të identifikuar të dyshuarin.

    Prokurori i Përgjithshëm i Kanadasë, duke vepruar në emër të Republikës së Shqipërisë, kishte apeluar vendimin, duke pretenduar se gjykatësi kishte bërë disa gabime. Por në fund të procesit, gjykata më e lartë e Kebekut vendosi se nuk kishte pasur shkelje.

    “Ajo verifikoi mjaftueshmërinë dhe besueshmërinë e provave të certifikuara të paraqitura në mbështetje të kërkesës për ekstradim,” vendosi Gjykata e Apelit. “Ajo arriti në përfundimin se ato kishin mangësi të dukshme dhe se ekzistonte një rrezik real që ato të ishin thelbësisht të gabuara.”

    Për më tepër, edhe pse arratisja e Brahimit mund të sugjeronte sjelljen e një personi fajtor, ajo mund të përkonte gjithashtu me dikë që dëshiron të “shmangë një akuzë të padrejtë,” u theksua në vendim.

  • “Balluku, mund të prishë provat”/ Reagon ashpër Kuçana: Duhet të kishte dhënë vet dorëheqjen

    “Balluku, mund të prishë provat”/ Reagon ashpër Kuçana: Duhet të kishte dhënë vet dorëheqjen

    Anëtarja e Këshillit Kombëtar të PD Ilirjana Kuçana, ka deklaruar se ka marrë ftesë nga Ervin Salianji për t’u bërë pjesë e takimeve që ai ka zhvilluar me demokratët, por nuk është bërë pjesë e tyre.
    E ftuar në një studio televizive, ajo tha se në Partinë Demokratike nuk janë penguar asnjëherë mendimet ndryshe.
    ‘Unë kam marrë ftesë për të qenë në takim nuk kam kompleks që të komunikojë dhe të ulem me demokratët, por nuk kam marrë pjesë. Unë i qëndroj besnik demokratëve që më kanë votuar. PD s’mund të ketë më ndarje, është parti mendimit dhe fjalës së lirë çdo lëvizje brenda PD në shërbim të forcimit të PD që bëhet për demokratët është në të mirë të PD’, tha ajo.
    Kuçana ka zbuluar edhe pjesë nga biseda që ka pasur me Ervin Salianji, të cilën e ka cilësuar si një bisedë të hapur.
    ‘Biseda ime me Salianjin ka qenë shumë e hapur. Përgjigjja e tij ka qenë se kjo është lëvizje për të rizgjuar strukturat e PD dhe jo kundër liderit të PD. Sa kohë është në shërbim të strukturave të PD nuk mendoj se duhet komentuar më shumë’, tha ajo.
    Teksa u ndal tek marrja e Belinda Ballukut si e pandehur, anëtarja e Këshillit Kombëtar të PD, tha se ajo duhet që të kishte dhënë dorëheqjen nga posti. Sipas saj, Balluku ka fuqinë që të prishë provat.
    ‘Ballukut duhet që të kishte dhënë vet dorëheqjen, sepse ajo ka mundësi që të prishë provat. U detyrua drejtësia që ta pezullojnë nga detyra se mund të prishë provat pasi nuk e dha vet dorëheqjen. Po Rama duke qenë se ajo e kërcënonte se do të marr pas vetes ai ndihet i kërcënuar dhe ai sa herë ka halle i bënë presione institucioneve të drejtësisë. Zv.kryeministrja shpërndante tendera me telefon, paratë e shqiptarëve shpërndahen nga telefoni i Ballukut’, tha ai.

  • Shtyhet seanca paraprake për ish-Presidentit, zbulohet data e gjyqit të radhës/ Gjykata urdhëron SPAK t’i dërgojë fashikujt Metës

    Shtyhet seanca paraprake për ish-Presidentit, zbulohet data e gjyqit të radhës/ Gjykata urdhëron SPAK t’i dërgojë fashikujt Metës

    Është shtyrë për në datën 22 dhjetor seanca paraprake për ish-presidentin Ilir Meta.

    Anila Hoxha mëson se seanca e radhës do të mbahet më 22/12/ 2025, në orën 14:30.
    Meta pretendon se nuk është njohur me fashikujt dhe gjykata urdhëroi SPAK t’i dërgojë brenda javës.
    “Dua të njihem me fashikullin e hetimit. Jeni të lutur të më vendosni të dispozicion materialet. Po më shkelen të drejtat kushtetuese, duke mos më dhënë aktet, duke mos më vendosur asnjë provë që unë të bëj prapësimet. Po mbahem në paraburgim pa të drejtë sepse nuk kam asnjë mundësi reale të prish provat, të i intimidoj dëshmitarët, skam publik dhe asnjë mundësi reale të prish provat”, mësohet të ketë thënë Meta
    Pasi doli nga seanca avokati i Metës, Kujtim Cakrani, në një prononcim për mediat u shpreh se “Nuk është faji ynë që prokuroria e merr apriori, por sa të jem unë përfaqësues i Metës mos mendoni se gjykata dhe prokuroria do bëjë shkelje të procedurës. Meta e ka kohën e mjaftueshme, or edhe kolegu do njihet me 77 mijë faqe. Nëse nuk marrim kohë për tu njohur me provat… se këta i bëjnë nga 2 herë që të bëhet dosja e madhe që të duket sikur ka shumë prova. Kjo gjykatë po i merr peng të pandehurit e saj. E patë Mogherinin që po hetohet në liri. Ky është standardi që po përdor gjykata. Një standard që po bie ndesh me konventën e të drejtave të njeriut. Është një betejë për zotin Meta dhe ne do ta fitojmë.”
    Për 21 Janarin, ku vetë Meta ka bërë kërkesë që të pyetet, nuk është vendosur gjë, tha Cakrani.

    Top Channel

  • Balluku po prish provat”, Berisha: Për presonin që i bëri gjykatës, Ramës PD do ti hape padi penale

    Balluku po prish provat”, Berisha: Për presonin që i bëri gjykatës, Ramës PD do ti hape padi penale

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • Çështja Balluku/ “SPAK, vendim me ndikim të rëndë politik”- Beqiri: Provat janë mbledhur, s’mund të pezullohet se…

    Çështja Balluku/ “SPAK, vendim me ndikim të rëndë politik”- Beqiri: Provat janë mbledhur, s’mund të pezullohet se…

    Avokati Idajet Beqiri e cilësoi vendimin e SPAK sa i takon zëvendës kryeministres Balluku, si një vendim me ndikim të rëndë politik. Beqiri tha në studion e ‘Real Story’ se masat e pezullimit ndaj Ballukut nuk kanë pse të ndërmerren përsa kohë që provat janë marrë. 
    Më tej, Beqiri shtoi se Gjykata Kushtetuese nuk ka pse e cilëson vendimin e SPAK si kushtetues, dhe akuza e cila rëndon ndaj Balluku dënohet nga 5 ditë në 3 vite burg. 
    “Neni 103 e Kushtetutës e ndalon kategorikisht SPAK të marrë një masë pezullimi nga detyra. Thotë se ministri për imunitet barazohet me të deputetin, mbaron kjo histori. SPAK nuk duhet ta bënte një vendim të tillë, Gjykata Kushtetuese nuk mund ta thotë që është vendim kushtetues. 
    Kemi të bëjmë jo me një organ akuze, por me një kërkesë që hapur ka nuancat e një ndikimi të rëndë politik. SPAK kur nis një procedim penal e çon çështjen që kur të thotë je person në hetim, i ka mbaruar hetimet. 
    Derisa ti e çon në çështjen që po e regjistrove emrin e autorit si person në hetim do të thotë që hetimet kanë përfunduar. Në një situatë të tillë nuk ke pse i merr masat, sepse provat i ke marrë. 
    Po e regjistrove si person në hetim, i ke marrë të gjitha provat. Tani i thua ndalohet të dali jashtë shteti, por ke precendetin në Gjykatë Kushtetuese ku pasaporta të jepet por jo në korrupsion. Këtu kemi të bëjmë me një akuzë në ndikim në dhënie në tendera, nga 5 ditë në 3 vjet maksimale. “, tha avokati. 

  • “S’ka gjyqtar që i rrëzon këto akuza”, Tela paralajmëron: Balluku nuk ka shpëtim, provat vetëm rëndohen

    “S’ka gjyqtar që i rrëzon këto akuza”, Tela paralajmëron: Balluku nuk ka shpëtim, provat vetëm rëndohen

    Gazetari Andi Tela, i ftuar në një emision televiziv ka folur në lidhje me dosjen Belinda Balluku dhe akuzat e ngritura ndaj saj.
    Gjatë bisedës, Tela u shpreh se, po të shikosh provat e deritanishme kupton se provat mbi zv/kryeministren Balluku tregojnë se vetëm mund të rëndohen. Ai u shpreh se Balluku nuk ka shpëtim.
    ‘SPAK për herë të parë ka prekur një qeveritar, një ministër, aq më tepër një zv/kryeministër. Kështu që është një moment për t’u theksuar, në punën që duhet të bëjë SPAK.
    Në rast se ne kemi, gazetarë, opozita që nga viti 2020–2021 që e sulmon Belinda Ballukun në pozicionin e ministres për afera të akuzuara, për korrupsion, tendera, ky është momenti që çfarë është thënë për 4 vite me radhë në parlament, studio televizive, të provohet.
    SPAK ka marrë përsipër që gjithë këtë akumulim ta provojë. Ka gjetur provat me anë të të cilave, që po t’i lexosh, ti e kupton fare mirë që Belinda Balluku nuk ka shpëtim.
    Provat që rëndojnë mbi të vetëm mund të rëndohen me kalimin e ditëve, nuk mund të pakësohen’, u shpreh Andi Tela.
    Sipas tij, ‘nuk mund të ketë një gjyqtar në botë që t’i rrëzojë këto akuza.’
    Për gazetarin Tela, ‘pse duhet gjejmë ne, pse duhet të fillojmë tani, që të gjejmë një arsye se pse prokurori, SPAK, kanë vendosur që të merren me numrin dy të qeverisë? Po merren me numrin 2 të qeverisë sepse kanë ca gjëra përpara që sado mund t’i kenë fshehur për 1 vit e ca, do të duhej.’
    ‘Nëse ka pasur një shtyrje nga jashtë, ok. Por SPAK po bën punën për të cilën paguhen mirë nga taksat tona që ta bëjnë këtë punë. SPAK po bën punën e vet.’, tha ndër të tjera gazetari Andi Tela.

  • “Balluku po prish provat, ditë e natë”/ Berisha reagon ashpër: Lubia paritet, lahet me para, duhej të ishte në burg

    “Balluku po prish provat, ditë e natë”/ Berisha reagon ashpër: Lubia paritet, lahet me para, duhej të ishte në burg

    Kryetari i PD-së, Sali Berisha lëshoi akuza të forta në drejtim të ish-zëvendëskryeministren Belinda Balluku, se kjo e fundit po prish çdo ditë provat, që e implikojnë sipas tij në skandalet për të cilat është marrë e pandehur nga SPAK. Ai tha se Balluku po ‘lahet’ në para.
    “Dua të garantoj çdo shqiptar dhe unë do të dal para jush që tua faktoj, se GJKKO dhe SPAK në vlerësimet e tyre nuk kanë shkelur asnjë ligj me kërkesën që kanë bërë për pezullimin nga detyra. Ato kanë shkelur me dy këmbë ligjin me moskualifikimin e veprës; grup i strukturuar kriminal dhe lëshimin e urdhrit të arrestit për Lubi Ballukun, që po vazhdon të prishë provat bashkë me aparatin e ministrisë, ditë e natë. Kjo është e vërteta.
    Ata që marrin në mbrojtje dhe pretendojnë se po ndërhyhet në pushtet e njëri-tjetrin, ata janë të paritur. Lubia bëri një gjë, e keni dëgjuar atë fjalën; paritje! Pra larje në flori, por kjo lahej në para. E futi një fjalë në gjuhën shqipe, nuk ia mohojmë dot. SPAK nuk mund të kishte asnjë devijim nga kualifikim i tyre si grup kriminal. Balluku, Rama, Berberi, kanë bashkëpunuar.”, tha Berisha.

  • ‘Provat kanë dalë sheshit! Ku shkuan 50 mln euro?’, Lubonja: Parimi i qeverisë, vidh që të marrësh pushtet

    ‘Provat kanë dalë sheshit! Ku shkuan 50 mln euro?’, Lubonja: Parimi i qeverisë, vidh që të marrësh pushtet

    Analisti Fatos Lubonja, foli sot në një studio televizive për çështjen e zv.kryeministres, Belinda Balluku, e cila është marrë e pandehur nga SPAK për shkelje të barazisë në tendera. Ndaj Ballukut GJKKO ka caktuar dy masa; pezullim nga detyra dhe bllokim të pasaportës.
    Lidhur me rastin analisti tha se provat lidhur me këtë aferë janë të qarta, dhe se ajo që e shqetëson atë është se ku kanë shkuar 50 mln euro të humbura nga tenderi për Tunelin e Llogarasë.
    Më tej ngriti shqetësim për mënyrën e qeverisjes në vendin tonë.
    Ai tha se parimi i qeveritarëve në Shqipëri është “Parimi i tyre është; ne do mbajmë klientelën tonë, do e shtojmë, sepse me këtë klientelën tonë bëjmë parimin tone vidh që të marrësh pushtet dhe mbaj pushtet që të vjedhësh. Provat janë sheshit. Rama e di shumë mirë”.
    Lubonja: A thua se bëhet fjalë për ca qeveritarë që nganjëherë u qëllon që të bëjnë shkelje në barazi në tendera. Për mua kjo që a ka prova a s’ka prova është debat kot.
    Këtu bëhet fjalë për mënyrë qeverisje. Pashë mesazhet Balluku-Berberi, sepse diku bëhej fjalë për një biznesmen të lidhur me PD dhe kjo i thoshte atij nuk dua ta shoh më fare në listën e tenderave.
    Parimi i tyre është; ne do mbajmë klientelën tonë, do e shtojmë, sepse me këtë klientelën tonë bëjmë parimin tone vidh që të marrësh pushtet dhe mbaj pushtet që të vjedhësh. Provat janë sheshit. Rama e di shumë mirë.
    Kur ka ardhur puna që është vënë në veprim SPAK. Mirë që i paskan humbur 50 mln euro, po ku kanë shkuar 50 mln euro?

  • “Rëndohen hetimet”, Tabaku reagon ashpër: Balluku duhej të dorëhiqej menjëherë, qëndrimi i saj rrezikoi provat e SPAK

    “Rëndohen hetimet”, Tabaku reagon ashpër: Balluku duhej të dorëhiqej menjëherë, qëndrimi i saj rrezikoi provat e SPAK

    Deputetja e Partisë Demokratike, Jorida Tabaku, ka deklaruar se ish-ministrja e Infrastrukturës dhe Energjisë, Belinda Balluku, duhej të kishte dhënë dorëheqjen menjëherë pas marrjes së statusit të të pandehurës nga SPAK. Sipas saj, qëndrimi në detyrë për disa javë pas këtij momenti ka rrezikuar seriozisht dhe kompromentuar provat e hetimit.
    Gjatë një interviste televizive, Tabaku e cilësoi situatën si “të re”, ku numri dy i qeverisë ndodhet nën hetim ndërkohë që ishte ende në pushtet. Ajo theksoi se dorëheqja do të ishte veprimi i duhur për t’i hapur rrugë një hetimi të paanshëm dhe pa rrezikun e prishjes së provave. “Fakti që ajo u pezullua nga detyra dhe nuk dha dorëheqjen, për mua e rëndon akoma edhe më shumë pozicionin e saj,” u shpreh Tabaku.
    E pyetur nga moderator Bled Marku, nëse mbajtja e postit nga Balluku i ka dhënë asaj mundësinë për të manipuluar provat, deputetja demokrate u përgjigj me një “Absolutisht po”. Ajo argumentoi se që në momentin e parë që ish-ministrja u thirr për t’u marrë në pyetje, duhej të ishte larguar nga posti. Sipas Tabakut, rreziku i prishjes së provave ishte më i lartë në rastin e saj, pasi si një zyrtare e lartë në detyrë, ajo kishte akses te dosjet dhe vartësit e saj ishin ende në punë.
    Bled Marku: Por kam kënaqësinë të kem një komunikim në online në këto momente me deputeten e Partisë Demokratike, zonjën Jorida Tabaku. Zonja Tabaku, ju përshëndes.
    Jorida Tabaku: Përshëndetje Bledi, faleminderit ju për mundësinë dhe ndjesë që nuk jam dot në studio.
    Bled Marku: Sigurisht do kemi mundësi të tjera, patjetër. Por do ta nisim menjëherë bisedën zonja Tabaku, me atë se çfarë ka ndodhur javën e fundit. Pas dy-tre seancash, numri i dytë i qeverisë Rama u paraqit në Kuvend. Ditën e djeshme ju pezullua pasaporta, gjithashtu u pezullua edhe nga detyra. U zhvillua një takim mbi shtatë orë kokë më kokë me kryeministrin, më pas shkoi edhe ish-ministri i Drejtësisë, Ulsi Manja, dhe tashmë dihen pikat, nuk u respektua vendimi i GJKKO-së, madje po merret në mbrojtje disi edhe me anë të drejtësisë, me Gjykatën Kushtetuese, zonja Balluku. Por duke parë zhvillimet e fundit zonja Tabaku, a duket se kjo reforma në drejtësi për rastin Balluku po hidhet në erë për të mbrojtur miqtë e Ramës?
    Jorida Tabaku: Shiko, kjo që po ndodh me Belinda Ballukun në fakt ishte e pritshme mbas shumë dosjeve të cilat ishin në hetim. Unë mendoj që sot ndodhemi në një situatë të re, ku numri dy i qeverisë, dhe ky është i vetmi person që është në pushtet në qeveri, është marrë e pandehur dhe është pezulluar nga detyra. Dhe nuk besoj që është një lajm kaq i lehtë për mazhorancën. Nuk besoj që ka një vend tjetër, është rast unikal, ku dy ish-zëvendëskryeministra tashmë janë të pandehur, njëri në kërkim ndërkombëtar dhe një kryetar bashkie i cili është pas drejtësisë.
    Unë nuk di të them hapat dhe strategjinë që ndoshta është ndjekur në këtë rast, po unë di vetëm të them që, që në momentin e parë që u mor e pandehur zonja Balluku, ajo duhet të kishte dhënë dorëheqjen. Duke dhënë dorëheqjen, i hapte rrugë një hetimi i cila nuk do të prishte provat dhe do të ndiqte një standart që në fakt duhet të ishte ndjekur nga të gjithë. Fakti që ajo u pezullua nga detyra, për mua e rëndon akoma edhe më shumë pozicionin e saj.
    Bled Marku: Sigurisht, pezullimi nga detyra e rëndon pozicionin e saj, por mbajtja në detyrë, a e lehtëson mundësinë për të manipuluar provat, pavarësisht asaj se çka kemi parë edhe në publik me mesazhet mes asaj dhe Evis Berberit?
    Jorida Tabaku: Absolutisht po. Mbajtja në detyrë, dhe këtë po e them, që në momentin e parë që ajo u thirr për t’u marrë në pyetje duhet, duhet të kishte dhënë dorëheqjen. Edhe vetë nuk e dha, duhej patjetër që të, të ishte liruar nga detyra në momentin kur u mor e pandehur. Dhe kanë kaluar plot, në mos gaboj, dy javë e gjysëm, tre javë që në momentin që ajo është marrë e pandehur. Rreziku i prishjes së provave është për atë më shumë se këdo tjetër, sepse ajo është personi i vetëm, bashkë me kryetarin e bashkisë, të cilët i janë marrë të pandehur ndërkohë që kanë qenë në detyrë. Vartësit janë atje në punë, dosjet janë atje. Pra, përveç mesazheve që janë bërë publike, që unë besoj që i referohen një kohe të mëparshme kur ka ndodhur procedurat e tenderit, është e nevojshme që edhe baza materiale, dosjet dhe të gjithë elementët e tjerë të hetimit të mbeteshin të pacënuar. Fakti që ajo ndejti në detyrë deri ditën e fundit, sigurisht që i ka, ka vendosur një pikëpyetje të madhe dhe e ka kompromentuar, edhe provat të cilat mund të merreshin…

  • Detajet – GJKKO: Balluku ka të gjitha mundësitë për të deformuar provat dhe intimiduar dëshmitarët…

    Detajet – GJKKO: Balluku ka të gjitha mundësitë për të deformuar provat dhe intimiduar dëshmitarët…

    Gjykata kundër korrupionit dhe krimoit të organizuar pezulloi gjatë ditës së sotme nga detyra zëvednësn e Ramës dhe i ndaloi asja daljne jashtë vendit. Ndërkohë që është marrë masë edhe për du bashkpunoitërë të nguste të Ballukut.

    Burimet për Syri-n shpjegojn se “GJKKO ka vlerësuar se influenca e Belinda Ballukut si numri 2 i qeverisë, pozicioni që e mban ndër vite, fakti që ka drejtuar Ministrinë me portofolin më të madh buxhetor, ka të gjitha mundësitë për të deformuar provat dhe intimiduar dëshmitarët”.

    Sipas GJKKO, mbajtja larg zyrës së zv/kryeministres dhe ministres së Transporteve e Energjisë, bën që ajo të mos dëmtojë provat dhe të mos ushtrojë presion mbi dëshmitarët.

    Balluku mund të dalë jashtë vendit vetëm me një leje të veçantë që prek rastet e familjarëve dhe të rënda shëndetësore.