Lajmidites.com

Tag: protestës

  • Bullgari/ Gjithçka duhet të dini rreth protestës ‘Dorëheqje, Peevski dhe Borisovi larg pushtetit’ që mblodhi mbi 150,000 qytetarë në kryeqytet

    Bullgari/ Gjithçka duhet të dini rreth protestës ‘Dorëheqje, Peevski dhe Borisovi larg pushtetit’ që mblodhi mbi 150,000 qytetarë në kryeqytet

    Mbi 150,000 qytetarë u mblodhën mbrëmjen e së mërkurës në të ashtuquajturin “trekëndëshi i pushtetit”, duke zhvilluar një nga protestat më të mëdha të viteve të fundit në Bullgari.

    Demonstrata, nën sloganin “Dorëheqje. Peevski dhe Borisovi larg pushtetit”, u organizua nga opozita “Ne Vazhdojmë Ndryshimin – Bullgaria Demokratike” (PP-DB) dhe tejkaloi edhe protestën e madhe të 1 dhjetorit. Ngjarja tërhoqi vëmendje ndërkombëtare dhe u transmetua nga agjencia Reuters.

    Presion ndaj qeverisë mes votimit të mosbesimit

    Protesta vjen vetëm një ditë para votimit të mocionit të mosbesimit ndaj qeverisë së kryeministrit Rosen Zhelyazkov. Pavarësisht debatit të ashpër në parlament, pritet që shumica qeverisëse – GERB, BSP, ITN dhe krahu i Delyan Peevskit në DPS- ta mbrojë kabinetin.

    Në protestë, deputetët e PP-DB iu drejtuan turmës duke kërkuar “një dhuratë për Krishtlindje” nga shumica: të votojë dorëheqjen e qeverisë.

    Zërat e protestës: “Bullgaria nuk është njerkë”

    Mesazhet kryesore të tubimit u dhanë nga përfaqësues të komuniteteve të ndryshme – studentë, mjekë të rinj, minoritete etnike dhe qytetarë të zakonshëm. Atmosfera u ngjit

    nga këngëtarë dhe grupe muzikore, ndërsa turma brohoriste në mënyrë të vazhdueshme “Dorëheqje!”.

    • Zhana, një bullgare me origjinë turke, deklaroi se MRF dhe Peevski nuk mund ta përfaqësojnë, duke shtuar: “Nuk do të lejojmë të na vidhet e ardhmja”.

    • Përfaqësues të komunitetit rom akuzuan politikanët për blerje votash për 30 vite, duke e quajtur këtë praktikë “prostitucion politik”.

    • Mjekët e rinj kritikuan qeverinë për përjashtim dhe mosreformim, duke premtuar të “qëndrojnë deri në fund”.

    • Studentët mbajtën pankartë gjigante “Studentët kundër mafies”.

    Pretendime për ndërhyrje në sinjalin celular

    Para protestës, PP-DB njoftoi se kishte zbuluar anomali në sinjalin celular rreth parlamentit, duke akuzuar qeverinë për përdorim pajisjesh që mbingarkojnë rrjetin. Operatorët celularë thanë se kishin instaluar qeliza shtesë për shkak të fluksit të madh të njerëzve, ndërsa autoritetet matën nivelin e emetimeve.

    Pjesë e turmës marshoi pas mbylljes së protestës

    Edhe pas përfundimit zyrtar rreth orës 21:20, pjesë të protestuesve marshuan drejt Orlov Most, duke bllokuar trafikun dhe krijuar tensione të lehta me policinë. Një trolejbus u bllokua nga persona me kapuçë, ku policia ndërhyri për të rikthyer rendin.

    Mesazhi final: “Askush nuk mund ta qeverisë Bullgarinë kundër popullit”

    Liderët e PP-DB, përfshirë Asen Vassilevin, kërkuan dorëheqjen e menjëhershme të qeverisë, duke theksuar se protesta ka treguar vullnetin e qytetarëve. Në fund, Vassilev këndoi himnin bullgar “Mila Rodino” së bashku me turmën.
    Organizatorët paralajmëruan gatishmëri për protesta të mëtejshme nëse qeveria nuk jep dorëheqjen.

  • Situatë e tensionuar/ Pas bllokimit të akseve, ministri grek fton fermerët: Ju jeni prioritet

    Situatë e tensionuar/ Pas bllokimit të akseve, ministri grek fton fermerët: Ju jeni prioritet

    Protesta e fermerëve në Greqi shkaktoi kaos në të gjithë vendin. Fermerët prej disa ditësh kanë bllokuar akset kryesore. Protestës së tyre i bashkuar edhe blegtorët. Ditën e sotme Porto i Volos gjithashtu u bllokua nga peshkatarët që iu bashkuan protestës.
    Ata janë shprehur të bindur se nuk do të heqin dorë nga protesta deri në plotësimin e kërkesave të tyre. Një reagim ka ardhur Ministri i Zhvillimit Rural grek, Costas Tsiaras, i cili ka thënë se dialogu është mënyra e vetme për të gjetur zgjidhje. Gjithashtu ai tha se i ka bërë edhe ftesë të hapur për diskutim.
    “Me dialog mund të zgjidhim gjithçka. Patëm një diskutim intensiv, por përmbajtësor me kolegët tanë deputetë, për të gjitha problemet që i shqetësojnë ata. Qeveria ka dëshmuar se qëndron pranë fermerëve, prodhuesve. Qëllimi ynë ishte dhe është të mbështesim sektorin bujqësor.”

  • Lapaj “e gdhiu” në karrige para Kryeministrisë, dhjetëra qytetarë i bashkohen protestës (VIDEO)

    Lapaj “e gdhiu” në karrige para Kryeministrisë, dhjetëra qytetarë i bashkohen protestës (VIDEO)

    pamje nga protesta e lapaj

    TIRANË- Kreu i “Shqipëria Bëhet”, Adriatik Lapaj, ka nisur një protestë përpara Kryeministrisë që prej mbrëmjes së djeshme, ndërsa qendra ka vazhduar edhe sot. Por, protestës së Lapajt, pasditen e sotme i janë bashkuar edhe qytetarë të ndryshëm.
    Lapaj u bëri thirrje qytetarëve që t’i bashkohen protestës së tij çdo ditë në orën 5 të pasdites. Nga ana tjetër, qytetarët janë shprehur se nuk kanë dalë për të protestuar në emër të partisë. Ata thonë se kanë si qytetarë të thjeshtë, teksa presin që edhe të tjerë t’i bashkohen protestës. 

    Ndërkohë, mbrëmjen e djeshme, Lapaj ka protestuar i vetëm, i ulur në një karrige përpara Kryeministrisë. Ai është shprehur se protesta po zhvillohet për mbrojtjen e Kushtetutës dhe drejtësisë nga “kërcënimet” që sipas tij, po i bën Kryeministri Edi Rama./ZËRI

  • VIDEO-Të rinjtë demokratë inskenojnë…/ Simbolikat gjatë protestës së opozitës!

    VIDEO-Të rinjtë demokratë inskenojnë…/ Simbolikat gjatë protestës së opozitës!

    Gjatë protestës që Partia Demokratike po zhvillon mbrëmjen e sotme para kryeministrisë, 2 pjesëmarrës inskenuan një takim mes kryeministrit Edi Rama dhe zëvendëskryeministres Belinda Balluku, të formësuar sipas akuzave që opozita ka për dyshen qeverisëse.
    Të ulur në një tavolinë, personazhet Rama dhe Balluku duket se po pijnë verë, e cila simbolizon verën e shtrenjtë që Partia Demokratike thotë se kreu i qeverisë konsumon në ambientet e kryeministrisë.
    Një tjetër detaj është një valixhe në këmbët e “Ramës”, në buzë të të cilës duken disa euro të dala, pavarësisht se është e mbyllur, duke simbolizuar paratë e shqiptarëve që sipas Partisë Demokratike janë vjedhur nga Rama dhe Balluku.

     

  • VIDEO- Protestës së opozitës i bashkohen Ervin Salianji, krah Berishës qëndrojnë Noka e Balliu

    VIDEO- Protestës së opozitës i bashkohen Ervin Salianji, krah Berishës qëndrojnë Noka e Balliu

    Protestës së Partisë Demokratike i është bashkuar dhe ish-deputeti demokrat Ervin Salianji.
    Salianji tashmë ndodhet kah demokratëve të tjerë, si Oerd Bylykbashi e Elda Hoti. Ndërkohë Sali Berisha u pa krah 2 besnikëve të tij, Flamur Noka e Klevis Balliu.

     

  • Paralizohet transporti publik në Prishtinë, punonjësit kërkojnë zgjidhje urgjente, protestës i bashkohet edhe kryetari i bashkisë

    Paralizohet transporti publik në Prishtinë, punonjësit kërkojnë zgjidhje urgjente, protestës i bashkohet edhe kryetari i bashkisë

    Prishtina mbetet pa autobusë të Trafikut Urban, punonjësit protestojnë për krizën financiare
    Që nga mëngjesi i së hënës, autobusët e Trafikut Urban në Prishtinë nuk kanë dalë në qarkullim për shkak të vështirësive serioze financiare dhe mungesës së karburanteve. Ndërmarrja kishte paralajmëruar një ditë më parë se do të ndërpriste të gjitha linjat për shkak të pamundësisë për të vazhduar operimin.
    Punëtorët e kompanisë janë mbledhur jashtë objektit të ndërmarrjes, ku kanë protestuar dhe kanë kërkuar ndërhyrje urgjente nga Komuna e Prishtinës. Ata theksojnë se situata financiare ka arritur në nivel kritik, duke rrezikuar jo vetëm funksionimin e ndërmarrjes, por edhe transportin publik nga i cili varen mijëra qytetarë çdo ditë.

    Sipas Sindikatës së Trafikut Urban, ndërmarrja përballet me borxhe të mëdha, si ndaj Komunës së Prishtinës ashtu edhe ndaj furnitorëve. Mungesa e mjeteve financiare ka sjellë pamundësinë për të siguruar karburant, për të kryer shërbime teknike dhe për të paguar pagat e prapambetura të punëtorëve.
    Gjatë protestës, sindikata kërkoi që Komuna të marrë përgjegjësinë e saj dhe të sigurojë mbështetjen e nevojshme për të shmangur kolapsin e plotë të shërbimit të transportit publik, nga i cili përfitojnë rreth 60 mijë pasagjerë në ditë.
    Kryetari i Prishtinës, Përparim Rama, iu bashkua protestës, duke shprehur mbështetje për punëtorët dhe duke theksuar se kriza financiare e Trafikut Urban kërkon ndërhyrje të shpejtë nga Qeveria dhe Ministria e Financave. Ai vlerësoi se situata ka ndikim të drejtpërdrejtë te punëtorët, qytetarët dhe sektori i transportit në tërësi, duke nënvizuar nevojën për një zgjidhje të menjëhershme institucionale.
    /vizionplus.tv

  • Zgjerohen hetimet e SPAK për “21 janarin”, Kuvendi detyrohet të dorëzojë dokumentet sekrete, pritet thirrja e të…

    Zgjerohen hetimet e SPAK për “21 janarin”, Kuvendi detyrohet të dorëzojë dokumentet sekrete, pritet thirrja e të…

    Prokuroria e Posaçme (SPAK) vë në lëvizje Kuvendin e Shqipërisë dhe kërkon t’i vihen disa shkresa me karakter shtetëror që lidhen me ngjarjet e dhunshme të 21 janarit 2011. Rezulton se shkresa ka mbërritur ditën e djeshme në Kuvend dhe dokumentet që kërkohen nga prokurori i posaçëm Alfred Shehu konsiderohen sekret shtetëror. Bëhet fjalë për korrespondencën mes institucioneve të sigurisë dhe Kuvendit para, gjatë dhe pas protestës së 21 janarit. SPAK i konsideron këto dokumente thelbësore për hetimin. Kuvendi është vënë në dijeni se materialet duhet të ruhen në sekret të plotë për shkak të rëndësisë që paraqesin. Gjithashtu  avokati i familjarëve të viktimave të 21 janarit është shprehur për gazetën “SOT” se pa thirrjen si dëshmitarë të tre figurave kyçe, Edi Rama, Ina Rama dhe Bamir Topi hetimi nuk mund të quhet i plotë. Mësohet se SPAK pritet t’i thërrasë në vijim për të dëshmuar.
    Çfarë po ndodh me hetimet?
    Së fundmi në Prokurorinë e Posaçme u paraqit Sali Berisha dhe Lulzim Basha. Mësohet se prova e re e dorëzuar nga familja e Aleks Nikës për krimin shtetëror të 21 janarit, kaseta me regjistrimin audio të disa komunikimeve në radio të zinxhirit komandues të Gardës së Republikës, nuk është ekspertuar dot nga laboratorët në Shqipëri. Laboratorët nuk kanë mundësi teknike për të kryer një ekspertim të tillë, ndaj SPAK i është drejtuar laboratorëve të tjerë jashtë vendit. Prokuroria e Posaçme ka kërkuar nga familjarët e të ndjerit Aleks Nika që të tregojnë mënyrën se si është siguruar audio regjistrimi si dhe pajisjen origjinale me të cilën është bërë regjistrimi, pasi kaseta e dorëzuar në SPAK është kopjo. Në materialin audio dëgjohet Ndrea Prendi, komandanti i atëhershëm i gardës, që jep urdhër të hapet zjarr luftarak mbi protestuesit, pra jo më plumba manovër.
    Audio regjistrimi që flitet se është 34 minuta është bërë nga një person që ka pasur akses në komunikimin e një kanali të konsideruar të sigurt që përdorej nga drejtues të lartë të Gardës, i cili ka regjistruar komandat dhe urdhrat e dhëna në momentet kur u vranë 4 protestuesit e paarmatosur para kryeministrisë të drejtuar nga Sali Berisha në atë kohë. Kujtojmë se në SPAK ka dëshmuar edhe Saimir Tahiri. Në kohën e protestës Tahiri ka pasur detyrën e deputetit të PS-së, ndërsa pas ardhjes së PS-së në qeveri u emërua në postin e ministrit të Brendshëm.  Në prill 2015 Tahiri atëherë në postin e ministrit të Brendshëm bëri një kallëzim penal për Lulzim Bashën, pasardhësin e tij, ish ministër i Brendshëm në kohën e protestës për  shpërdorim detyre duke e akuzuar se dha urdhër për hedhjen e lëndëve kimike mbi protestuesit.
    Dëshmi ka dhënë dhe deputeti i PS-së, Xhemal Qefalia, si person që ka dijeni për ngjarje pasi ka qenë një nga organizatorët e protestës së 21 janarit 2011 para kryeministrisë ku mbetën të vrarë 4 protestues. Në kuadër të këtij hetimi janë marrë në pyetje dhe ish drejtori i Përgjithshëm i policisë së shtetit Hysni Burgaj dhe një ditë më pas dëshmoi edhe zëvendësi i tij Agron Kuliçaj.  Të dy janë akuzuar për skandalin e zbatimit të urdhrave të arrestit të prokurorisë 18 ditë me vonesë, për Ndrea Prendin dhe 5 gardistët e tjerë, që dëmtoi rëndë hetimin. Po ashtu Prokuroria e Posaçme ka marrë në pyetje dhe dy vëllezërit e Hekuran Dedës, Agim dhe Zabit Deda.
    Dosja “21 janari”
    SPAK po heton ngjarjen që sistemi i vjetër e drejtësisë e gjykoi si “vrasje nga pakujdesia”. Insistimi i familjarëve të Aleks Nikës, viktima e vetme pa autor, bëri që dosja të rikthehej në vëmendje. Ishte Gjykata e Strasburgut që e cilësoi 21 Janarin krim shtetëror dhe në vazhdë të këtij vendimi, Gjykata e Lartë më 12 mars 2024 urdhëroi SPAK të nisë hetimet dhe të zbardhë përgjegjësitë e drejtuesve të lartë, përfshirë Berishën, Bashën dhe Ndrea Prendin, për vrasjen e katër protestuesve Hekuran Deda, Ziver Veizi, Faik Myrtaj dhe Aleks Nika. Fillimisht, Prokuroria e Tiranës çoi në gjyq vetëm ish-komandantin e Gardës, Ndrea Prendi, dhe ish-efektivin Agim Llupo, të dënuar respektivisht me 1 dhe 3 vite burg, të cilët prej kohësh janë të lirë. Më korrik 2024, SPAK regjistroi procedimin penal për tre akuza: “vrasje në rrethana të tjera cilësuese” në bashkëpunim, “shpërdorim detyre” dhe “pengim të zbulimit të së vërtetës”, të gjitha të kryera në bashkëpunim.

  • Nis ‘foltore 2’/ Pas protestës, Berisha mbledh me urgjencë Kryesinë në seli

    Nis ‘foltore 2’/ Pas protestës, Berisha mbledh me urgjencë Kryesinë në seli

    Sali Berisha nisi foltoren kundër Edi Ramës 6 muaj pas humbjes së zgjedhjeve.

    Opozita zbriti në shesh për të kërkuar jo vetëm dorëheqjen e numrit 1 të qeverisë, por edhe të zv.kryeministres Belinda Balluku.
    Gazetarja e Top Channel, Elda Menga raporton se pa protestës, Sali Berisha ka thirrur mbledhjen e kryesisë në orën 14:00 për të diskutuar mbi vijimin e aksionit opozitar.
    Kryedemokrati ka paralajmëruar që foltorja parë Kryeministrisë do mbahet një herë në javë ndërkohë që ai është në kerkim edhe të protestave kombëtare.
    Me të njëjtin mode që largoi Lulzim Bashën nga drejtimi i partisë, Sali Berisha shpreson të largojë nga drejtimi i qeverisë kundërshtarin politik.

    Top Channel

  • Pak para protestës, reagon Berisha: Në shesh deri sa Rama të japë dorëheqjen

    Pak para protestës, reagon Berisha: Në shesh deri sa Rama të japë dorëheqjen

    Kreu i Partisë Demokratike Sali Berisha ka reaguar pak minuta para nisjes së protestës së opozitës para Kryeministrisë.
    Në një postim në rrjetin social Facebook, Berisha shkruan se qytetarët do të dalin në shesh deri në dorëheqjen e Ramës, teksa shton se kryeministri nuk ikën përmes rotacionit me votë.
    Berisha akuzoi qeverinë për atë që ai e cilëson si farsë zgjedhore, teksa thekson se provat kombëtare dhe ndërkombëtare janë tashmë në duart e çdo shqiptari.

    “Opozita bëri gjithçka për një proces të ndershëm zgjedhor. Qeveria bëri gjithçka ta shndërrojë në farsë. Sot çdo shqiptar mban në dorë prova kombëtare e ndërkombëtare se me Edi Ramën nuk ka rotacion me votë. Prandaj nis sezoni i protestave të pandërprera deri në dorëheqjen e Ramës dhe Lubisë!”, shkruan Berisha./vizionplus.tv

  • Protesta e opozitës tek Kryeministria, nis vendosja e foltores ku do mbahen fjalimet

    Protesta e opozitës tek Kryeministria, nis vendosja e foltores ku do mbahen fjalimet

    Situata në bulevardin “Dëshmorët e Kombit” paraqitet ende e qetë, në më pak se një orë para nisjes së protestës së thirrur nga opozita përpara kryeministrisë. Siç tregojnë pamjet, grumbullimi i qytetarëve nuk ka filluar ende, ndërsa pjesa më e madhe e zonës mbetet bosh.
    Megjithatë, përpara godinës së Kryeministrisë ka nisur vendosja e foltores, ku pritet të flasin kreu i PD-së, Sali Berisha, si edhe deputetë të tjerë të opozitës gjatë zhvillimit të protestës.