Pas denoncimeve të vazhdueshme për mungesën e ilaçeve dhe pajisjeve në Spitalin Onkologjik, në adresë të Gazetarit Osman Stafa ka mbërritur një mesazh kërcënues, me qëllim intimidimin, frikësimin dhe tërheqjen e tij nga investigimet në këtë spital. Përmes një adrese anonime në rrjetet sociale, gazetarit Stafa i kërkuar me një gjuhë banale, fyese dhe kërcënuese të mos paraqitet më në ambientet e Onkologjikut dhe të heqë dorë nga denoncimet mbi korrupsionin dhe abuzimet mbi pacientët.
Pas marrjes së mesazhit, gazetari, Stafa i është drejtuar Policisë së Shtetit, ku ka bërë kallëzim penal, për kërcënim për shkak të detyrës. Autoritetet kanë nisur hetimet për të zbuluar personin përgjegjës dhe se kush fshihet pas këtij kërcënimi. I ndodhur përballë presioneve dhe kërcënimeve, gazetari Osman Stafa, siguron se do të vijojë denoncimet e tij për situatën në Spitalin Onkologjik. Duke theksuar se nuk i frikësohet asnjë lloj kërcënimi ai shprehet i vendosur për të hedhur dritë dhe për t’i dhënë fund abuzimeve që u kushtojnë jetën pacientëve të prekur nga sëmundjet tumorale.
Prej disa vitesh gazetari Stafa ka investiguar dhe më pas ka denoncuar publikisht situatën e vështirë me të cilën përballen pacientët në Spitalin Onkologjik. Ndër denoncimet më të forta janë: Mungesa e brakiterapisë, një trajtim për gratë që vuajnë nga kanceri gjinekologjik; mungesa e pet-scanit, një diagnostikim tjetër mjaft i rëndësishëm për pacientët e Onkologjikut; mungesën e ilaçeve kimio për pacientët, si dhe ka evidentuar rastet e korrupsionit dhe abuzimit mbi pacientët nga bluzat e bardha, siç është rasti i trafikimit të biopsive nga publiku drejt privatit etj.
Tag: pacientët
-
“Hiq dorë!”/ Denoncimet për Onkologjikun, kërcënohet me jetë gazetari Osman Stafa
-
Kërcënohet me jetë gazetari Osman Stafa, publikohet sms-ja: Hiq dorë nga denoncimet për Onkologjikun
Gazetari Osman Stafa ka marrë një mesazh kërcënues me qëllim intimidimin, frikësimin dhe tërheqjen e tij nga investigimet në spitalin e Onkologjikut. Pas marrjes së mesazhit, gazetari i është drejtuar Policisë së Shtetit ku ka bërë kallëzim penal, për kërcënim për shkak të detyrës. Autoritetet kanë nisur hetimet për të zbuluar personin përgjegjës dhe se kush fshihet pas këtij kërcënimi.
Duke theksuar se nuk i frikësohet asnjë lloj kërcënimi ai shprehet i vendosur për të hedhur dritë dhe për t’i dhënë fund abuzimeve që u kushtojnë jetën pacientëve të prekur nga sëmundjet tumorale. Prej disa vitesh gazetari Stafa ka investiguar dhe më pas ka denoncuar publikisht situatën e vështirë me të cilën përballen pacientët në Spitalin Onkologjik.
Ndër denoncimet më të forta janë: Mungesa e brakiterapisë, një trajtim për gratë që vuajnë nga kanceri gjinekologjik; mungesa e pet-scanit, një diagnostikim tjetër mjaft i rëndësishëm për pacientët e Onkologjikut; mungesën e ilaçeve kimio për pacientët, si dhe ka evidentuar rastet e korrupsionit dhe abuzimit mbi pacientët nga bluzat e bardha, siç është rasti i trafikimit të biopsive nga publiku drejt privatit etj. -
Shkeljet e rënda në koncesionin e hemodializës, vonesa, kosto të fryra, sorollatje dhe pagesa të dyfishta nga…
Auditimi i Kontrollit të lartë të Shtetit (KLSH-së) mbi zbatimin e kontratës së koncesionit për shërbimin e hemodializës ka zbuluar probleme serioze që prekin drejtpërdrejt pacientët me sëmundje akute dhe kronike të veshkave. Sipas gjetjeve, pacientëve që përballen me raste akute nuk u ofrohet menjëherë shërbimi i urgjencës pranë qendrave të koncesionarit në rajonet ku ata banojnë, përpara se të kalojnë në një procedurë burokratike për miratimin paraprak nga FSDKSH. Në situata urgjente, spitalet publike detyrohen t’i dërgojnë pacientët drejt QSUNT me ambulancë dhe me mjekun specialist, duke krijuar vonesa të rrezikshme për trajtimin. Institucionet përgjegjëse argumentojnë se shërbimi i hemodializës, si akut ashtu edhe kronik, u është ofruar të gjithë pacientëve në strukturat adekuate, duke theksuar se programi i dializës peritoneale funksionon që nga viti 2005 dhe se pacientët me insuficiencë renale kronike marrin materialet e nevojshme falas për trajtimin në banesë.
Detajet
Por auditimi konstaton se Ministria e Shëndetësisë dhe FSDKSH nuk kanë hartuar rregulloren e posaçme që do të përshpejtonte procedurën e ofrimit të shërbimit të menjëhershëm për pacientët me sëmundje akute të veshkave. Rekomandimi i KLSH vlerësohet si i pranuar, por i pazbatuar, duke reflektuar mungesë angazhimi për rregullimin e një procesi që prek urgjencën dhe shpesh jetën e pacientëve. Auditimi ka identifikuar edhe një praktikë tjetër shqetësuese: raste të pagimit të dyfishtë për të njëjtën seancë dialize. Një situatë e tillë u evidentua në qendrën e koncesionit të Lezhës, ku një pacient kronik u faturua dy herë për një seancë – njëherë nga koncesionari, bazuar në projeksionet mujore dhe njëherë nga një spital jopublik që realisht e kishte kryer shërbimin. Ky problem shfaqet te pacientët që kanë ndryshuar vendbanim ose kanë zgjedhur të kryejnë trajtimin në qendra të tjera të hemodializës që nuk mbulohen nga koncesionari. Në këto raste, pagesa për një seancë dialize përfundon duke u bërë dy herë: një në projektim dhe një sipas shërbimit faktik. Ministria dhe FSDKSH deklarojnë se disponojnë regjistrin kombëtar të pacientëve që marrin hemodializë dhe se qendrat dërgojnë çdo muaj listat me pacientët, sipas detyrimeve kontraktore. Megjithatë, auditimi nënvizon se mekanizmi aktual nuk është i mjaftueshëm për të parandaluar mbivendosjet, pasi pagesat nga koncesionari bazohen tek projeksionet, ndërsa pagesat tek spitalet jopublike bazohen në seancat reale të kryera. Kjo mospërputhje krijon kosto të panevojshme për buxhetin publik. Rekomandimi kërkon që koncesionari të dërgojë çdo muaj të dhëna të detajuara pranë degëve rajonale të FSDKSH për identifikimin e pacientëve që kryejnë seanca në qendrat e tij, në mënyrë që të shmangen pagesat e dyfishta dhe të reduktohen kostot e panevojshme të transportit”, raporton “Ekofin.al”. Debatet mes institucioneve tregojnë se sistemi ekzistues i raportimit nuk siguron kontroll të saktë të qarkullimit të pacientëve, ndërsa auditimi tërheq vëmendjen se problemet vazhdojnë të jenë të pranishme pavarësisht procedurave të përcaktuara në aktet nënligjore. -
Hemodializa nën lupën e KLSH: Pacientët në rrezik dhe abuzime me pagesat
Auditimi i Kontrollit të Lartë të Shtetit ka nxjerrë në pah shkelje të rënda në zbatimin e kontratës së koncesionit të shërbimit të hemodializës, duke evidentuar pasoja të drejtpërdrejta për pacientët me insuficiencë akute dhe kronike të veshkave.
Sipas auditimit, pacientët me gjendje të rënduar akute nuk marrin shërbim të menjëhershëm në qendrat e koncesionarit pranë vendbanimit, pasi fillimisht duhet të kalojnë në një procedurë burokratike miratimi nga FSDKSH. Kjo situatë detyron spitalet publike të transportojnë urgjencat drejt QSUNT, me ambulancë dhe mjek specialist, duke shkaktuar vonesa kritike për trajtimin që mund të rrezikojnë jetën e pacientëve.
Edhe pse institucionet përgjegjëse pretendojnë se shërbimi i hemodializës u ofrohet të gjithë pacientëve, auditimi nënvizon se Ministria e Shëndetësisë dhe FSDKSH nuk kanë hartuar ende rregulloren e posaçme për trajtimin urgjent të pacientëve akutë, pavarësisht rekomandimeve.
KLSH ka identifikuar edhe një tjetër problem madhor: dyfishim pagese për të njëjtin shërbim.
Rast tipik u konstatua në qendrën e koncesionit në Lezhë, ku një pacient kronik u faturua në dy mënyra: një herë nga koncesionari, sipas projeksioneve mujore dhe një herë nga një spital jopublik që e kishte kryer realisht seancën.
Ky fenomen shfaqet kryesisht te pacientët që ndryshojnë vendbanim ose i kryejnë seancat në qendra të tjera jashtë sistemit të koncesionarit. Si pasojë, buxheti publik paguan dyfish për të njëjtin shërbim. Edhe pse Ministria dhe FSDKSH deklarojnë se mbajnë një regjistër kombëtar të pacientëve dhe marrin çdo muaj listat nga qendrat e dializës, auditimi evidenton se: raportimet nga koncesionari bazohen në projeksione, jo në numër real seancash ndërsa spitalet jopublike faturon seancat reale, duke krijuar mbivendosje dhe abuzime të mundshme.
KLSH i rekomandon koncesionarit të dërgojë çdo muaj të dhëna të plota në degët rajonale të FSDKSH, për të shmangur: pagesat e dyfishta, kostot e panevojshme të transportit për pacientët dhe mbivendosjet e shërbimeve.
Auditimi thekson se pavarësisht procedurave në fuqi, problemet vazhdojnë, duke treguar se sistemi aktual nuk siguron kontroll të plotë të qarkullimit të pacientëve dhe të fondeve publike.
KLSH i bën thirrje institucioneve që të ndërhyjnë urgjentisht për të korrigjuar mangësitë, pasi situata prek shërbime jetike për një kategori të ndjeshme pacientësh. -
A njeh kanceri pushim? Pacientët e Onkologjikut mbeten pa trajtim, shtyhen seancat e kimioterapisë
Gazetari Osman Stafa, ka denoncuar ditën e sotme një tjetër situatë në lidhje me Onkologjikun.
Në një postim në rrjete sociale, Stafa thotë se seancat për kimioterapi për pacientët me kancer janë shtyrë për shkak të pushimeve të stafit mjekësor.
Sipas tij një pacient me kancer, i cili duhej të kryente kimioterapinë në intervalin standard prej 21 ditësh, është njoftuar se trajtimi do të shtyhet deri të martën, pra pas 25 ditësh.
Ai pyet pse ndodh kjo, kur protokolli mjekësor e përcakton qartë frekuencën e terapisë.
“A njeh kanceri pushim? Mjekët duhet të bëjnë pushime, por cila prevalon, e drejta për pushim, apo e drejta për trajtim sipas protokollit, me qëllim mposhtjen e kancerit.
A është korrekte që sot, e premte, një pacient me kancer, që duhet të bënte kimioterapi (marrim njëherë në 21 ditë) duhet ta bëj këtë së paku të martën, pas 25 ditëve.
Nëse lejohet, atëherë pse protokolli thotë që kimio duhet të bëhet njëherë në 21 ditë?”,- shkruan Stafa në fb. -
Ku shkuan 200 mln lekë? / Mungesa e ilaçeve tek Onkologjiku, pacientët: Paratë janë dhënë,ne s’po shohim asnjë ndryshim
Edhe pse në fillim të muajit nëntor u rialokua një fond prej 200 milionë lekësh për zgjidhjen e menjëhershme të mungesave me barna onkologjike, situata duket se nuk është e njëjtë dhe pacientët nuk vënë re asnjë ndryshim.
Në shërbimin onkologjik vazhdojnë të mungojnë barna që përdoren gjatë kimioterapive, edhe pas tyre, për pacientët me kancer gjiri. Është rivënë në punë aparatura e mamografisë, e cila nuk funksiononte gjatë muajit tetor, por nuk funksionon ende aparatura e brachyterapisë, e cila mundëson rrezatimin shumë afër tumorit dhe pa dëmtuar indet e shëndetshme.
Burime brenda shërbimit onkologjik thanë se për barnat onkologjike po rilidhen kontratat dhe një pjesë e tyre rifillojnë javën që vjen, ndërkohë që po punohet për shtimin e posteve për kimioterapinë dhe rregullimin e fashave orare për kryerjen e kësaj procedure.
Ndërkohë, për vitin 2026, në projektbuxhet është parashikuar një fond prej 1 miliard lekësh që shkon vetëm për onkologjikun, ku përfshihen edhe barna të reja të cilat do të futen në listën e barnave të rimbushshme. -
Situatë alarmante/ Pacientët e Onkologjikut trajtohen pa poltronë, pa pajisje dhe pa dinjitet
Në Spitalin Onkologjik, gratë që luftojnë kancerin përballen me kushte të papranueshme trajtimi.
Gazetari Osman Stafa nëpërmjet një postimi në rrjetet sociale ka denoncuar publikisht gjendjen, duke e cilësuar si një krizë të sistemit shëndetësor dhe përgjegjësi të shtetit.
Sipas gazetarit, terapia jepet ende me gravitet, një metodë e viteve ’80, e cila sjell rrezik mbidoze, nën-doze, bllokime dhe reaksione alergjike pa asnjë alarm paralajmërues.
Në fotot e shpërndara shihet që pacientet e kimioterapisë trajtohen të ulura në karrige të zakonshme, pa poltronë, pa privatësi dhe pa standarde minimale. Ndërkohë në sallat e trajtimit mungojnë pajisjet bazike: si shiringa elektrike, apo pompa infuzioni.
Postimi i Osman Stafës:
Kjo nuk është kimioterapi. Kjo është mbijetesë.
Në Spitalin OnkologjikNë vitin 2025, gratë që luftojnë kancerin trajtohen kështu: të ulura në karrige të zakonshme, pa poltronë, pa privatësi, pa kushte minimale dinjiteti.
Asnjë shiringë elektrike. Asnjë pompë infuzioni.
Kimioterapia jepet me gravitet, një praktikë e viteve ’80, me rrezik mbidoze, nën-doze, bllokimi, reaksione alergjike pa asnjë alarm. Jetë në rrezik për shkak të varfërisë teknike.
Asnjë port-cat.
Pacientët shpojnë venat çdo herë, me dhimbje, me rrezik ekstravazimi, me indet që digjen e shkatërrohen. Ndërkohë që në çdo vend normal porti vendoset që në fillim të trajtimit, për siguri, dinjitet dhe jetë.
Këto gra nuk po marrin trajtim. Këto gra po durojnë një sistem që është dorëzuar.
Ky është realiteti i Onkologjikut sot. Dhe çdo ditë që heshtet, pacientët trajtohet në kushte të papranueshme për një vend që pretendon të jetë europian.
Kjo nuk është historia e tyre. Kjo është përgjegjësia e shtetit. -
Dëmtimi i shtyllës kurrizore rrit shanset për diabet dhe sëmundje të zemrës
Nuk ka rëndësi se sa në formë jeni apo në çfarë moshe ndodh, por një dëmtim i shtyllës kurrizore mund të ndryshojë jetën për të mbijetuarit që përballen me një rrezik më të lartë se të tjerët, nga një “numër” problemesh shëndetësore potencialisht fatale më vonë.
I botuar në JAMA Network Open, një revistë e Shoqatës Mjekësore Amerikane, studimi tregoi se pacientët me dëmtim traumatik të palcës kurrizore (TSCI), paraqiten te mjekët vite më vonë me gjendje në dukje të palidhura, por ndonjëherë vdekjeprurëse, të tilla si diabeti, goditja në tru dhe hipertensioni, si dhe shqetësime më të parashikueshme si depresioni.
“INFK ishte e lidhur me rritjen e rrezikut afatgjatë të morbiditetit shumësistemor dhe vdekshmërisë së lartë — madje edhe tek pacientët që më parë ishin të shëndetshëm”, sipas studiuesve në Mass General Brigham, një kombinim i Spitalit të Përgjithshëm të Massachusetts dhe Spitalit Brigham and Women’s në SHBA.
Problemet e menjëhershme që lidhen me TSCI-në, të tilla si vështirësia në frymëmarrje, luhatjet e presionit të gjakut dhe rrahjet e zemrës, janë studiuar prej kohësh, sipas studiuesve.
Ata shpjeguan se donin të mësonin më shumë rreth asaj se si dëmtime të tilla të shtyllës kurrizore, mund t’i bëjnë pacientët më të prirur të vuajnë nga sëmundje që zakonisht shoqërohen me dietë të dobët dhe mungesë ushtrimesh.
Ekipi shqyrtoi të dhënat e pacientëve nga Mass General Brigham dhe nga Universiteti i Kalifornisë, për të krahasuar rezultatet për pothuajse 3,000 pacientë me dëmtime të shtyllës kurrizore dhe të tjerë.
“Pacientët me një histori të TSCI kishin rrezik dukshëm më të lartë për tension të lartë të gjakut, kolesterol të lartë, goditje në tru dhe diabet, së bashku me gjendje të tjera neurologjike dhe psikiatrike”, thanë studiuesit, duke paralajmëruar se lëndime të tilla ishin “të shoqëruara me një rrezik në rritje të vdekjes, madje edhe tek pacientët që më parë ishin të shëndetshëm”.
“Udhëtimi nuk mbaron kur pacientët me dëmtime traumatike të palcës kurrizore, largohen nga spitali ose qendra e rehabilitimit”, tha Saef Izzy, një neurolog në Departamentin e Neurologjisë në Mass General Brigham.
“Duhet të zbatohen programe për të identifikuar pacientët në rrezik, në mënyrë që të mund ta menaxhojmë më mirë kujdesin e tyre kronik dhe të adresojmë problemet shëndetësore që i vënë pacientët në rrezik më të lartë vdekjeje”, shtoi Izzy./ DPA News.
-
“15 mln euro ekstra për pacientët e Onkologjikut”/ Rama: Lufta me kancerin dhe Shëndetësia në projekt-buxhetin 2026
15 milionë ekstra nga projekt-buxheti i vitit 2026 do të shkojnë për pacientët e Onkologjikut. Lajmin e ka dhënë kryeministri Edi Rama në një video-mesazh në ‘Facebook’.
“Si fundjavë, mu duk e udhës të ndaj mej u projektin buxhetin 2026 me mbi 1 mld eurot për shëndetësinë dhe mirëqenien sociale, afro 4% e PBB. Po ndalem te lufta me kancerin dhe nevoja për barnat e shtrenjta që kërkon kjo luftë. Për herë të parë hapim linjë financimi vetëm për këtë nevojë jetike, duke futur 15 mln euro ekstra në shërbim të pacientëve të onkologjikut.
Për herë të parë, shërbimi i rikonstruksionit të gjirit për gratë dhe vajzat që kalojnë kancerin do jepet i plotë për të gjitha dhe falas, ndërkohë që Ministrja e Shëndetësisë e shpallur së fundmi ndër 100 gratë më influnete në mjekësinë botërore për çështjen e kancerit, do udhëheqë projektim kombëtar të ngritjes së institut kombëtar të tumoreve për Shqipërinë 2030, që do i bashkohet rrjet ndërkombëtar të instituteve që luftojnë me kancerin”, tha Rama.Top Channel
-
Ilaçet e shtrenjta për kancerin/ Rama: 15 mln euro ekstra për pacientët
Kryeministri Edi Rama ka deklaruar se do të hapet një linjë financimi nga buxheti i shtetit për pacientët me kancer.
Edi Rama: Po ndalem tek lufta me kancerin dhe nevoja për barna të shtrenjta që kërkon kjo luftë.
Për herë të parë do të hapim një linjë financimi vetëm për këtë nevojë jetike, duke futur 15 mn euro ekstra në shërbim të pacientëve të Onkologjikut.
Për herë të parë shërbimi i rikonstruksioni i gjirit për gratë dhe vajzat që kalojnë kancerin do të jepet i plotë për të gjitha dhe falas.
Ndërkohë ministrja e Shëndetësisë do të udhëheqë projektin e ngritjes Institutit Kombëtar të Tumoreve për Shqipërinë 2030.