Kur Bashkimi Evropian (BE) vendosi masa ndëshkuese ndaj Kosovës në verën e vitit 2023, si pasojë e tensioneve në veriun e banuar me shumicë serbe, ato u përshkruan si të përkohshme, ndërsa kushtet për heqjen e tyre qenë të qarta.
Zyrtarët në Kosovë ngulmojnë se kërkesat e BE-së për largimin e masave që e dëmtuan vendin në vlera milionëshe janë plotësuar: situata në veri është shtensionuar, prania e Policisë afër objekteve komunale në veri është zvogëluar, serbët kanë marrë pjesë në zgjedhjet e mbajtura sivjet, dhe kalimi paqësor i pushtetit në komunat me shumicë serbe është realizuar.
Por, ditëve të fundit u raportua në mediat e Kosovës, bazuar në burime brenda BE-së, se vende si Franca dhe Italia, të mbështetura nga Spanja, Hungaria dhe Sllovakia, nuk kanë vullnet për heqjen e sanksioneve.
Rikard Jozwiak, redaktor për Evropën i Radios Evropa e Lirë (REL), në Pragë, thotë se është e vërtetë që për çështjen e moslargimit të të gjitha masave kundër Kosovës është diskutuar në Bruksel këtë javë, dhe që Franca e Italia janë mbështetëse të idesë që të largohen vetëm 50 për qind e tyre.
Sipas tij, Parisi insiston në këtë qëndrim meqë kërkon që Beogradi t’i hapë kapitujt për anëtarësim në BE, dhe është i zemëruar pse të tjerët po e bllokojnë procesin.
“Ekziston edhe një argument i përgjithshëm se Brukseli nuk mund t’ia japë këtë ‘dhuratë’ [kryeministrit në detyrë të Kosovës, Albin] Kurti para zgjedhjeve të 28 dhjetorit. Nëse ky është një argument i vlefshëm apo jo, është vënë në pikëpyetje nga të tjerët, pasi partia kryesore e opozitës [Partia Demokratike e Kosovës] i dërgoi një letër [shefes së BE-së, Ursula] Von der Leyen së voni, duke kërkuar heqjen e plotë [të masave] menjëherë. Pra, nuk perceptohet si dhuratë për Kurtin nga askush, përveç një numri të vogël shtetesh të BE-së”, thotë Jozwiak.
Një zëdhënëse e Bashkimit Evropian i tha REL-it se blloku evropian synon vazhdimin e heqjes së masave, proces që ka nisur pjesërisht në maj të këtij viti.
Sipas saj, Brukseli është i gatshëm të punojë me autoritetet e Kosovës, sapo të zgjidhen ato, dhe blloku pret nga Kosova të rikthehet në rrugën e reformave të nevojshme që lidhen me BE-në.
Por, për Qeverinë në detyrë të Kosovës, zgjedhjet e parakohshme parlamentare nuk kanë asnjë lidhje me masat.
“Çdo zvarritje tjetër vetëm sa e thellon absurditetin e masave, dhe e cenon kredibilitetin e BE-së. Qëndrimi ynë është që masat duhet të hiqen menjëherë dhe plotësisht”, thotë Klisman Kadiu, këshilltar për media i zëvendëskryeministrit në detyrë, Besnik Bislimi, në disa përgjigje me shkrim për REL-in.
Edhe presidentja e Kosovës, Vjosa Osmani, u shpreh, në një takim këtë javë me raportuesin për Kosovën në Parlamentin Evropian, Riho Terras, se vazhdimi i masave ndëshkuese mbetet “i pashpjegueshëm, i padrejtë dhe i paarsyeshëm”.
Terras, po ashtu, tha se masat duhet hequr menjëherë.
A mund të bënte Kosova më shumë?
Duke e përshkruar vazhdimin e masave të BE-së si absurditet total, Besar Gërgi nga Grupi për Studime Juridike dhe Politike (GLPS) thotë se Kosova ka humbur shumë kohë këtë vit, në mungesë të institucioneve të reja, dhe se do të mund të punonte më shumë për heqjen e masave.
Gërgi beson që formimi i institucioneve të reja është parakusht për heqjen e masave, ndërsa komunikimi me palët që hezitojnë duhet të jetë prioritet. Sipas tij, politika, sidomos në ditët e sotme, nuk bëhet në bazë të konsideratave morale, por bëhet vetëm për interesa politike.
“Qeveria e re duhet të punojë aktivisht me aleatët, gjatë këtij viti nuk ka pasur shumë komunikim fatkeqësisht, fokusi ka qenë në krijimin e numrave, dhe kjo ka krijuar ngecje në politikën e jashtme të Kosovës. Prandaj, nëse flasim për një Qeveri funksionale, ky është minimumi jetik”, thotë ai për REL-in, duke përmendur edhe nevojën e miratimit të marrëveshjeve me BE-në, siç është Plani i Rritjes, në momentin e parë të mundshëm.
Sipas tij, koha është humbur edhe duke mos u marrë me aspektin teknik të integrimit evropian. Kosova ka aplikuar për anëtarësim në BE më 2022, por kërkesa e saj nuk është shqyrtuar kurrë, duke e lënë vendin të vetmin në Ballkanin Perëndimor pa statusin e kandidatit për anëtarësim në bllok.
Gërgi beson se, përveç mungesës së komunikimit, në rritjen e shkallës së hezitimit te disa vende ka ndikuar edhe votimi në Komisionin Qendror të Zgjedhjeve kundër pjesëmarrjes së Listës Serbe, partisë më të madhe të serbëve në Kosovë, në garën parlamentare.
Sa është dëmtuar Kosova nga masat?
Sipas një analize të Institutit për Studime të Avancuara – GAP, masat e BE-së i kanë kushtuar Kosovës rreth 613.4 milionë euro në projekte të pezulluara ose të shtyra për afat të pacaktuar. Për shkak të kalimit të afateve, 7.1 milionë euro janë humbur tërësisht.
Sektorët më të prekur përfshijnë mjedisin, me 350 milionë euro, energjinë me 114 milionë euro, digjitalizimin me rreth 57 milionë euro, dhe kulturën me 15 milionë euro.
Prej këtyre fondeve, rreth 218 milionë euro kanë qenë për projekte në kuadër të Instrumentit para-anëtarësimit (IPA II dhe IPA III), dhe rreth 395 milionë euro për projekte në kuadër të Kornizës për Investime të Bashkimit Evropian për rajonin e Ballkanit Perëndimor (WBIF)./rel
Tag: masave
-
Analiza e REL: Çfarë duhet të bëjë Kosova më tepër për t’iu hequr masat e BE-së?
-
Osmani këmbëngul për heqjen e masave nga Brukseli, përsërit kërkesën në takimin me raportuesin për Kosovën në PE
Presidentja e Kosovës, Vjosa Osmani, është takuar me raportuesin për Kosovën në Parlamentin Evropian, Riho Terras, nga i cili kërkoi mbështetje për heqjen sa më të shpejtë të masave të vendosura nga Bashkimi Evropian ndaj Kosovës. Takimi u bë i ditur përmes një komunikate për media nga Zyra e Presidencës.
“Në këtë kontekst, Presidentja Osmani kërkoi mbështetjen e z. Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë”, tha Osmani. Sipas saj, pavarësisht bashkëpunimit konstruktiv, “vazhdimi i masave të BE-së ndaj Kosovës mbetet i pashpjegueshëm, i padrejtë dhe i paarsyeshëm”. Ajo vlerësoi se heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave. Në njoftim thuhet se Osmani shtroi nevojën që kërkesa e Kosovës për anëtarësim në BE të procedohet sa më parë dhe që anëtarësimi të bëhet në bazë të meritave.
Po ashtu, u diskutuan edhe zhvillimet e fundit politike në vend. “Me këtë rast, Presidentja Osmani theksoi se zgjedhjet lokale u zhvilluan në mënyrë plotësisht të lirë, të qetë dhe demokratike, dhe se transferimi i pushtetit u bë në mënyrë paqësore”. Gjatë takimit, presidentja prezantoi një sërë të dhënash nga institucionet ndërkombëtare, që pozicionojnë Kosovën në majat e performancës në shumë fusha kyçe. Ajo gjithashtu nënvizoi se Kosova ka bërë hapa të rëndësishëm në forcimin e shtetit ligjor, promovimin e të drejtave të njeriut dhe avancimin e gruas në politika dhe ekonomi. -
Presidentja Osmani kritikon vendimet e BE-së ndaj Kosovës: Të pashpjegueshme dhe të padrejta
Presidentja e Kosovës, Vjosa Osmani, tha se vazhdimi i masave ndëshkuese që Bashkimi Evropian ka vendosur ndaj vendit mbetet “i pashpjegueshëm, i padrejtë dhe i paarsyeshëm”.
Gjatë një takimi me raportuesin për Kosovën në Parlamentin Evropian, Riho Terras, Osmani kërkoi mbështetjen e tij për heqjen e këtyre masave që blloku evropian i ka vendosur më 2023.
“Presidentja Osmani kërkoi mbështetjen e zotit Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë. Sipas presidentes Osmani, heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave”, u tha në njoftimin e Presidencës së Kosovës.
BE-ja i vendosi disa masa ndëshkuese Kosovës më 2023 për shkak të rritjes së tensioneve në veriun e vendit, të banuar me shumicë serbe.
Në maj të këtij viti, shefja e diplomacisë së BE-së, Kaja Kallas, gjatë një vizite në Kosovë tha se blloku ka nisur heqjen graduale të këtyre masave.
Ajo nuk tregoi se cilat masa janë hequr apo mund të hiqen, por Radio Evropa e Lirë atëbotë mësoi nga burimet në Bruksel se masat që janë hequr kanë të bëjnë me Marrëveshjen e Stabilizim Asocimit (MSA), paktit të parë kontraktual mes Kosovës dhe BE-së, dhe Kornizën e Investimeve për Ballkanin Perëndimor.
Gjatë takimit me raportuesin për Kosovën në PE, presidentja Osmani po ashtu ka theksuar se është e nevojshme që kërkesa e vendit për anëtarësim në BE “të procedohet sa më parë dhe që anëtarësimi të bëhet në bazë të meritave”.
Nga shtetet e Ballkanit Perëndimor, vetëm Kosova është prapa në rrugën evropiane, pasi është vendi i vetëm që nuk ka as statusin e vendit kandidat.Kosova ka dorëzuar aplikimin për anëtarësim në BE në dhjetor të vitit 2022.
Megjithatë, ky aplikim ende nuk ka kaluar as në fazën e parë formale, atë të shqyrtimit nga Këshilli i BE-së dhe më pas dërgimit për opinion në Komisionin Evropian. -
Presidentja Osmani në BE: Koha për të hequr masat ndaj Kosovës
Kosova E Martë, 9 Dhjetor 2025 12:23
Presidentja e Republikës së Kosovës, Vjosa Osmani, priti sot në takim raportuesin për Kosovën në Parlamentin Evropian, Riho Terras.
Gjatë takimit u diskutua për zhvillimet e fundit politike në vend. Presidentja Osmani theksoi se zgjedhjet lokale u zhvilluan në mënyrë plotësisht të lirë, të qetë dhe demokratike, ndërsa transferimi i pushtetit u krye paqësisht.Ajo nënvizoi se, pavarësisht bashkëpunimit konstruktiv me institucionet evropiane, vazhdimi i masave të BE-së ndaj Kosovës mbetet i pashpjegueshëm, i padrejtë dhe i paarsyeshëm.
Në këtë kontekst, Presidentja Osmani kërkoi mbështetjen e Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, ndërkohë që Kosova ka përmbushur të gjitha kërkesat e partnerëve evropianë.
Sipas saj, heqja e masave do të përbënte një sinjal të fuqishëm për qytetarët dhe një mesazh inkurajues për vazhdimin e reformave.
Më tej, Presidentja Osmani theksoi nevojën për procedimin sa më të shpejtë të kërkesës së Kosovës për anëtarësim në BE dhe për një proces që të bazohet plotësisht në merita.
Gjatë takimit, ajo prezantoi një sërë të dhënash nga institucione ndërkombëtare, të cilat e rendisin Kosovën në krye të performancës në shumë fusha kyçe. -
Osmani: Vazhdimi i masave të BE-së ndaj Kosovës, i pashpjegueshëm dhe i padrejtë
Presidentja e Kosovës, Vjosa Osmani, tha se vazhdimi i masave ndëshkuese që Bashkimi Evropian ka vendosur ndaj vendit mbetet “i pashpjegueshëm, i padrejtë dhe i paarsyeshëm”.
Gjatë një takimi me raportuesin për Kosovën në Parlamentin Evropian, Riho Terras, Osmani kërkoi mbështetjen e tij për heqjen e këtyre masave që blloku evropian i ka vendosur më 2023.
“Presidentja Osmani kërkoi mbështetjen e zotit Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë. Sipas presidentes Osmani, heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave”, u tha në njoftimin e Presidencës së Kosovës.BE-ja i vendosi disa masa ndëshkuese Kosovës më 2023 për shkak të rritjes së tensioneve në veriun e vendit, të banuar me shumicë serbe.
Në maj të këtij viti, shefja e diplomacisë së BE-së, Kaja Kallas, gjatë një vizite në Kosovë tha se blloku ka nisur heqjen graduale të këtyre masave.
Ajo nuk tregoi se cilat masa janë hequr apo mund të hiqen, por Radio Evropa e Lirë atëbotë mësoi nga burimet në Bruksel se masat që janë hequr kanë të bëjnë me Marrëveshjen e Stabilizim Asocimit (MSA), paktit të parë kontraktual mes Kosovës dhe BE-së, dhe Kornizën e Investimeve për Ballkanin Perëndimor.
Gjatë takimit me raportuesin për Kosovën në PE, presidentja Osmani po ashtu ka theksuar se është e nevojshme që kërkesa e vendit për anëtarësim në BE “të procedohet sa më parë dhe që anëtarësimi të bëhet në bazë të meritave”.
Nga shtetet e Ballkanit Perëndimor, vetëm Kosova është prapa në rrugën evropiane, pasi është vendi i vetëm që nuk ka as statusin e vendit kandidat.
Kosova ka dorëzuar aplikimin për anëtarësim në BE në dhjetor të vitit 2022.
Megjithatë, ky aplikim ende nuk ka kaluar as në fazën e parë formale, atë të shqyrtimit nga Këshilli i BE-së dhe më pas dërgimit për opinion në Komisionin Evropian. -
Kreu i PDK i kërkon BE-së heqjen e sanksioneve, përmend edhe Gjykatën Speciale…
Në një letër drejtuar Presidentes së Komisionit Europian, Ursula von der Leyen, kryetari i PDK-së, Bedri Hamza, ka kërkuar heqjen e menjëhershme dhe të pakushtëzuar të masave të BE-së ndaj Kosovës, duke argumentuar se Kosova ka përmbushur çdo standard demokratik dhe ka bërë sakrifica të mëdha për integrimin europian.
Hamza thekson se Kosova ka organizuar tri procese zgjedhore brenda një viti, duke theksuar se ato kanë qenë “demokratike, transparente dhe paqësore”, pavarësisht bllokadës së mëvonshme në formimin e qeverisë.
Sipas tij, kjo tregon “pjekurinë e demokracisë së Kosovës”, ndërsa vazhdimi i masave është bërë “i paarsyeshëm dhe i padrejtë”, transmeton Klankosova.tv.
Në këtë letër, Hamza i kujton BE-së edhe çmimin që Kosova ka paguar në arenën ndërkombëtare, duke përfshirë themelimin e Dhomave të Specializuara.
“Parlamenti i Kosovës themeloi Dhomat e Specializuara, një kërkesë e imponuar vetëm mbi Kosovën, të cilat fatkeqësisht janë shndërruar në një instrument monoetnik”, shkruan ai, duke theksuar se vetëm udhëheqësit e gjeneratës themeluese të shtetit janë gjykuar deri më tani.
Hamza shprehet se Kosova “ka paguar një çmim të lartë për t’u çliruar, për t’u bërë shtet i pavarur dhe për t’u zhvilluar në një republikë demokratike që respekton obligimet ndërkombëtare”.
Ai i kërkon BE-së që ta trajtojë Kosovën si vendet e tjera të rajonit dhe të mos e privojë më nga “mjetet, mundësitë dhe mbështetja e nevojshme për ecjen drejt BE-së dhe NATO-s”.
Hamza përmbyll kërkesën me një thirrje të qartë politike.
“Kërkoj heqjen e menjëhershme dhe të pakushtëzuar të të gjitha masave të BE-së ndaj Kosovës”, duke shtuar se një vendim i tillë do të ishte sinjal i drejtpërdrejtë për qytetarët se përpjekjet e tyre demokratike po njihen dhe po mbështeten. -
Inaugurimi i kryetarëve të rinj në komunat e veriut, Kosova shpreson për heqjen e masave të BE-së ndaj Kosovës
Me inaugurimin e kryetarëve të rinj në komunat e veriut të Kosovës, është përmbushur një kusht i rëndësishëm për heqjen e masave nga Bashkimi Evropian, të cilat u vendosën tri vjet më parë, pas bojkotimit të zgjedhjeve nga serbët dhe emërimit të kryetarëve shqiptarë në zyrat komunale. Analistët politikë shprehen se ky transferim i pushtetit është një hap i rëndësishëm për të krijuar mundësi për heqjen e sanksioneve të BE-së, megjithatë, ndarja e qëndrimit të BE-së për këtë çështje pritet të ndodhë vetëm pas formimit të qeverisë së re në Kosovë.
Analisti Arbnor Sadiku thekson se një vendim nga Brukseli mund të merret në fillim të vitit 2026, kur institucionet evropiane të jenë mbledhur, ndërkohë që njohësi Mazllum Baraliu kërkon që veprime konkrete për heqjen e masave të ndërmerren pa vonesë, duke theksuar se ato po dëmtojnë ekonominë e Kosovës dhe bashkëpunimin ndërkombëtar. Zyrtarët e BE-së kanë quajtur këtë hap një mundësi për angazhim konstruktiv në të ardhmen, ndërsa presidentja Vjosa Osmani ka kërkuar urgjencën për heqjen e masave që, sipas saj, po ndikojnë negativisht në interesat e qytetarëve kosovarë.
Në një takim me ambasadorin e Francës në Prishtinë, Osmani theksoi se heqja e masave është një çështje e domosdoshme për stabilizimin dhe zhvillimin e mëtejshëm të Kosovës. Edhe Parlamenti Evropian ka kërkuar heqjen e masave, ndërsa Komisioni Evropian ka sugjeruar që ato të hiqen gradualisht, në varësi të zhvillimeve në veri dhe deeskalimit të situatës. Megjithatë, BE-ja ende nuk ka dhënë një përgjigje të qartë nëse masat do të hiqen pas zhvillimeve të fundit në veri, duke lënë hapësirë për spekulime dhe pritshmëri për veprime të mundshme pas formimit të qeverisë së re në Kosovë. -
Tensione në seancë në GJKKO/ Lala zbulon prapaskenat: Motra e Ballukut u përplas me…
Gjyqtarit Erion Çela pas tërheqjes për vendim në dhomë këshillimi, i janë dashur më pak se një orë për të dhënë verdiktin e masave paraprake, që në fund u konfirmuan, duke mos ndryshuar asnjë prej tyre. Të tre të pandehurit do të qëndrojnë në të njëjtën masë.
Belinda Balluku do të qëndrojë në masën e sigurisë së pezullimit nga detyra, bllokimit të pasaportës dhe ndalimit për të dalë jashtë vendit.
Gentian Gjyli dhe Erald Elezi, kanë mbetur masat në fuqi, arrest shtëpie.
Gjyli refuzoi t’i përgjigjej pyetjeve të gazetares Klodiana Lala nëse i është bindur urdhrave të zv/kryeministres Balluku. Ata nuk kanë dhënë asnjë reagim pas përfundimit të seancës për konfirmimin e masave paraprake të vendosura nga GJKKO.
Në fund masat nuk kanë ndryshuar dhe pritet që të ketë ankimim nëpërmjet apelimit në GJKKO, meqë mbeti sot në fuqi. Me këtë masë, sipas gazetares Klodiana Lala, Balluku nuk shkon dot në zyrë dhe as ushtron dot detyrën.
Do i duhet të presë masën e apelimit në shkallën e dytë dhe shqyrtimin e kërkesës së Kryeministrisë nga Kushtetuesja për kompetencat mes Qeverisë dhe GJKKO për masën e pezullimit të një ministri.
Ka pasur debate gjatë seancës së masës së sigurisë me diskutime të forta juridike. Balluku ka pasur përveç të motrës Pamela Qirko edhe avokatin Ardian Kalija, që kërkuan ndryshimin e masës së sigurisë.
Sipas gazetares, pati diskutime të forta juridike dhe ligjore nga avokatja e Ballukut, njëkohësisht motra e saj, që kundërshtonte provat dhe pretendimet e prokurorit Dritan Prençi. Ajo kërkoi shfuqizimin e masave, si të paligjshme.
Para seancës GJKKO i dha afat palëve që të njiheshin me aktet e dosjes pas kërkesës së bërë, ndërsa seanca rinisi më vonë dhe përfundoi në orët e pasdites. Balluku nuk dha asnjë shpjegim në dy hyrjet dhe daljet nga godina e GJKKO-së, duke mos bërë as komente.
Aktualisht pritet zbardhja e vendimit të gjyqtarit Çela, ku do shpjegohet përse janë vendosur këto masa, cilat ishin pretendimet e palëve dhe provat bazë të SPAK-ut për të dhënë masat shtrënguese ndaj zv/kryeministres.
Sipas procedurës konfirmimi i masave duhet të bëhej brenda tre ditësh. Kurse Balluku, sipas gazetares Lala, nuk del dot jashtë vendit pa lejen e SPAK, pasi do i duhet të kalojë në Pikën Kufitare dhe të regjistrohet në hyrje-dalje dhe ka ndalesë nga ana e SPAK-GJKKO.
Përfundimisht GJKKO ka vlerësuar të ligjshme kërkesat dhe masat shtrënguese të kërkuara nga SPAK edhe gjatë seancës së sotme të konfirmimit dhe dëgjimit të palëve.
Këto masa nuk prekin funksionet e Ballukut si deputete, pra si e zgjedhur, por vetëm si zv/kryeministre dhe ministre. Pas kësaj mase Balluku duhet të japë dorëheqjen vetë, ose ta shkarkojë kryeministri Rama, për të zgjedhur një emër tjetër si zv/kryeministre pasi është pozicion kushtetues dhe qeveria nuk mund të lihet pa zëvendës. -
Masat ndaj Ballukut, GJKKO: Nuk u pezullua si deputete, por si ministre dhe si zëvendëskryeministre
Gjykata kundër krimit dhe korrupsionit, GJKKO, ka bërë një arsyetim të thelluar për vendosjen e masave shtrënguese ndaj zëvendëskryeministres Belinda Balluku.
Sipas Gazetës Tema, Gjykata pretendon se nuk ka ndalim ligjor që në zbatim të nenit 242 të Kodit të Procedurës Penale, për të cilin kërkohet masa ndaluese — ajo e pezullimit nga detyra e zv.kryeministres dhe ministres së Infrastrukturës dhe Energjisë.
Gjykata çmon të theksojë se caktimi i këtyre masave të sigurimit personal nuk e pengojnë të pandehurën Belinda Balluku që të ushtrojë funksionet e saj si deputete e zgjedhur në Kuvendin e Shqipërisë. -
BE ka filluar heqjen graduale të masave kundër Kosovës
Bashkimi Evropian ka konfirmuar se ka filluar procesin e heqjes graduale të masave kundër Kosovës, të cilat u futën në maj 2025, paralelisht me përpjekjet për të çtensionuar situatën në veri.
Një zëdhënës i BE-së tha se Komisioni Evropian ka riregjistruar katër projekte të asistencës teknike për investime të mundshme në të ardhmen brenda Mekanizmit për Reforma dhe Rritje, raporton Front online.
“Paralelisht me përpjekjet për uljen e tensioneve në veri të Kosovës, Komisioni ka ndërmarrë disa hapa drejt heqjes graduale të masave të futura në maj 2025. Konkretisht, Komisioni riparaqiti katër projekte asistence teknike për investime të mundshme në të ardhmen brenda Mekanizmit për Reforma dhe Rritje. Këto projekte u miratuan më pas nga Komiteti i Kornizës së Investimeve për Ballkanin Perëndimor”, deklaroi BE-ja.
Gjithashtu, aktivitetet e nënkomitetit të Marrëveshjes së Stabilizim-Asociimit, të cilat ishin pezulluar gjatë periudhës së masave, u rifilluan.
Sipas BE-së, hapat e mëtejshëm mbeten të kushtëzuar nga një ulje e qëndrueshme e tensioneve në veri të Kosovës.
“Hapat e mëtejshëm mbeten të kushtëzuar nga një ulje e qëndrueshme e tensioneve në veri. Komisioni synon të vazhdojë heqjen e këtyre masave, me kusht që të sigurohet një transferim i rregullt i qeverisjes vendore në veri pas raundit të dytë të zgjedhjeve vendore dhe të ruhet ulja e tensioneve”, thuhet në reagimin e BE-së.
Lidhur me dialogun Beograd-Prishtinë, Bashkimi Evropian informon se Përfaqësuesja e Lartë Kaja Kalas do të thërrasë një takim të nivelit të lartë sapo të krijohen kushtet e nevojshme.