Lajmidites.com

Tag: makinën

  • E frikshme në Florida, avioni përplaset me makinën në autostradë, lëndohet shoferja

    E frikshme në Florida, avioni përplaset me makinën në autostradë, lëndohet shoferja

    Një ngjarje e frikshme është regjistruar në Florida, ku një avion u rrëzua papritur mbi një makinë në autostradë, duke lënë një person të plagosur dhe duke shkaktuar panik mes drejtuesve të tjerë.

    Pamjet tronditëse e publikuara në internet tregojnë momentin kur avioni Beechcraft 55 humbet lartësinë duke rënë sipër një makine të tipit ‘Toyota Camry’.
    Sipas autoriteteve, piloti raportoi se pak para aksidentit avioni kishte probleme me motorin, çka e detyroi të tentonte një ulje emergjente. Ngjarja ndodhi rreth orës 17:45 të së hënës.
    Shoferja e makinës, një 57-vjeçare, u dërgua me urgjencë në spital dhe për fat të mirë është jashtë rrezikut për jetën. Piloti 27-vjeçar nga Orlando dhe pasagjeri i tij po aq i ri, nga Temple Terrace, i shpëtuan përplasjes pa asnjë dëmtim.
    Të dy qëndruan në vendin e ngjarjes ndërsa patrulla e autostradës nisi hetimet për aksidentin e pazakontë.
    “Pamë thjesht një avion të binte nga qielli. Kaloi shumë pak centimetra mbi makinën time”, tha një dëshmitar.
    Fotot dhe pamjet nga vendi i ngjarjes tregojnë makinën e dëmtuar rëndë dhe avionin, i cili ka humbur rrotën dhe pjesën e përparme gjatë goditjes.
    Autoriteti Federal i Aviacionit (FAA) ka nisur një hetim të plotë për uljen emergjente, ndërsa edhe Patrulla e Autostradës së Floridës po zhvillon ekspertizën e saj.
    Incidenti ndodhi vetëm disa orë pasi një avion tjetër i vogël kreu një ulje emergjente në një kryqëzim rrugor në DeLand, duke plagosur dy perso

    Top Channel

  • “Nuk do të jetë një Lamborghini”; Yamal nuk mendon të imitojë CR7 kur të blejë makinë

    “Nuk do të jetë një Lamborghini”; Yamal nuk mendon të imitojë CR7 kur të blejë makinë

    6 Dhjetor 2025

    9:12

    Alfred Lleshi

    Lamine Yamal, që ka mbushur 18 vjeç më 13 korrik, ende nuk ka patentë dhe për këtë arsye nuk ka marrë ende makinën që iu dha gjithë skuadrës së Barcelonës në qershor. Në një intervistë për “CBS News” zbuloi idetë e tij për makinën e parë, pasi iu bë një pyetje me tendencë, duke qenë se futbollistët e elitës shpesh blejnë makina mbi 300 mijë euro.
    Yamal e mohoi kategorikisht këtë qasje: “Dua ta ndjej lirinë e drejtimit të makinës vetë. Makina ime do të jetë ajo që duan edhe miqtë e mi, që ta shijojnë. Nuk do të jetë Lamborghini; më mjafton një Audi, Mercedes ose Cupra”. Është interesante që thotë se zgjedhja e tij do të ndikohet nga mendimi i shokëve, ndërsa përfshin edhe Cupra, sponsorin e Barcelonës.
    Nëse mban fjalën, Lamine nuk do të ndjekë shembullin e Cristiano Ronaldos apo Zlatan Ibrahimovic, të apasionuar pas makinave luksoze. Ibrahimovic ka modele të rralla të Ferrarit, ndërsa Ronaldo zotëron rreth 50 makina, mes tyre një Bugatti Centodieci me vlerë rreth 10 milionë euro. Megjithatë, edhe shijet e Yamalit mund të ndryshojnë me kohën.

  • Kush e vr*u Mëhallën? Policia ka videon, por s’gjen dot autorin. I treti në pranga kyç gojën

    Kush e vr*u Mëhallën? Policia ka videon, por s’gjen dot autorin. I treti në pranga kyç gojën

    Personi i maskuar me kapuç në kokë që del nga vendi i shoferit, qëlloi me armë drejt Mondi Mëhallës sapo 43-vjeçari kishte hipur në makinën Range Rover, pranë karburantit të tij “Xhaxhi Oil”, më 30 nëntor në Elbasan.  Vrasësi del nga vendi i shoferit dhe pasi kryen misionin, hipën sërish në timon e largohet me makinën Audi i zi, ndryshe nga skemat e mirëfillta të atentateve me më shumë se 2 bashkëpunëtorë në terren, kur ekzekutori del nga vendi i pasagjerit, e të tjerët e presin në automjet për tu larguar më shpejtësi.
    Agresori afrohet te xhami i shoferit me pistoletë në dorë, në një distancë minimale dhe qëllon të paktën 6 herë. Mëhalla, i goditur tashmë nga 2 plumba në kokë, tenton të lëviz me makinën indietro për vetëm 1 metër. Vrasësi gjakftohtë kthehet në makinë, dhe mes për mes karburantit lëviz në drejtim të rrugës së Librazhdit, dhe në fshatin Mirakë shkrumbon makinën bashkë me pistoletën e krimit.

    Hetuesit ende nuk e dinë se kush është ekzekutori në këtë video, edhe pse deri më tani 3 persona të dyshuar, janë në pranga. Nuk dihet nëse ekzekutori është mes tyre. Por të paktën njëri, i arrestuari i akuzuar për vrasje me paramendim në bashkëpunim, ish-ortaku i Mëhallës, Xhino Ago, nuk ka pranuar të ketë lidhje me vrasjen. Prej vitit 2022, të dy kanë pasur marrëdhënie biznesi në dhënien me qira dhe makinave, taksive dhe te karburanti.

    Roja i karburantit, Kujtim Pisha, akuzohet për moskallëzim krimi, dhe as prej tij nuk është marrë asnjë detaj që mund të ndihmojë hetuesit të zbulojnë ekzekutorin dhe motivin e vrasjes së Mondi Mëhallës. I treti në pranga, edh Nevzat Spaho, 29-vjeçar nga Prrenjasi nuk po i ndihmon hetuesit, pasi ka refuzuar të dëshmojë. Dy të arrestuarit e parë, ish-ortaku dhe roja, do të dalin para gjykatës së Elbasanit më 5 dhjetor për t’u njohur me masën e sigurisë. Policia vijon të ketë në kërkim 2 persona, Marselo Arani, 32 vjeç, dhe Armando Kola, 35 vjeç. Mondi Mëhalla, i njohur edhe si Edmond Hyka, mund të jetë vrarë për shkaqe biznesi, por nuk përjashtohet mundësia e eliminimin për prishje të pazareve të drogës. /Report Tv/

  • Kamerat kapin lëvizjet e Marselo Aranit, një ditë para krimit mori makinën nga ku u qëllua Mëhalla

    Kamerat kapin lëvizjet e Marselo Aranit, një ditë para krimit mori makinën nga ku u qëllua Mëhalla

    Ky është i shpalluri në kërkim Marselo Arani, i dyshuar për vrasjen e biznesmenit Mandi Mehalla në Elbasan, mbrëmjen e së dielës.
    Në këto pamje të siguruara nga gazetari i AbcNews Ervin Leka, ai shihet teksa merr makinën tip Audi, e cila u përdor në ngjarje. Sipas kamerave të sigurisë, Arani shfaqet në datën 29 nëntor rreth orës 18:15. Ndërkohë, vrasja u krye një ditë më pas, më 30 nëntor.

    32-vjeçari Arani, gjatë kohës së krimit, ishte nën masën e sigurisë “arrest shtëpie” për një tjetër vepër penale.
    Për vrasjen e Mandi Mëhallës, u arrestua Xhino Ago, 32 vjeç, ish-ortak në biznes me viktimën, si i dyshuar për vrasje me paramendim në bashkëpunim dhe armëmbajtje pa leje. Në pranga ra edhe Kujtim Pisha, 52 vjeç, roja i karburantit “Xhaxhi Oil” ku ndodhi ngjarja.
    Përveç Marselo Arani, në kërkim për këtë ngjarje u shpall edhe Armando Kola, 35-vjeç.
    Makina e krimit në pronësi të ish-ortakut Xhino Ago, të cilën ia ka dhënë hua për ta përdorur i shpalluri në kërkim Marselo Arani, u gjet e shkrumbuar në aksin Elbasan Librazhd./abcnews/

  • Atentati në Elbasan, pranga rojes së karburantit dhe ish-ortakut të biznesmenit

    Atentati në Elbasan, pranga rojes së karburantit dhe ish-ortakut të biznesmenit

    Dy persona janë arrestuar lidhur me atentatin e së dielës, 30 nëntor, në Elbasan, ku u ekzekutua me tre plumba biznesmeni Edmond Mëhalla.
    Sipas gazetarit të Klan News, Besar Bajraktaraj, bëhet fjalë për rojen e karburantit (në pronësi të viktimës) i akuzuar për “veprime që pengojnë zbulimin e së vërtetës” dhe ish-ortakun e biznesmenit të ndjerë, shtetasi me inicialet N.GJ, si bashkëpunëtor në vrasje.
    Në kërkim është shpallur një person tjetër.
    Ndërkohë, gazetari Fatos Salliu raporton se shtetasi N.GJ. është shoqëruar dje në komisariat, 1 dhjetor.
    “Ditët e fundit ishte parë duke qarkulluar me makinën që përdorën autorët në ekzekutimin e Mondi Mëhallës në Elbasan”, thotë Salliu.
    Kujtojmë se ngjarja ndodhi mbrëmjen e 30 nëntorit teksa biznesmeni udhëtonte me automjetin e tij.
    Tv Klan mëson se nga verifikimi i pamjeve filmike, vrasësi ka qenë në ruajtje të biznesmenit dhe sapo ai ka hipur në makinën e tij tip Range Rover, është afruar, ka dalë nga makina dhe ka hapur zjarr duke e lënë të vdekur në vend. 43-vjeçari mori dy plumba në kokë dhe një në trup, ndërsa vrasësi u largua në drejtim të Librazhdit.
    Mëngjesin e djeshëm, policia gjeti makinën e shkrumbuar të autorëve në fshatin Mirakë, si dhe armën e krimit. Viktima, ishte pronar i karburantit “Xhaxhi Oil” dhe një rrjeti taksish në qytetin e Elbasanit. Mësohet se ai ka qenë i proceduar për armëmbajtje pa leje dhe shpërndarje të lëndëve narkotike.
    Shkak i vrasjes dyshohet të jetë një konflikt i kohëve të fundit.

  • Vrasja e Mondi Mëhallës në Elbasan, arrestohet ish-ortaku i tij në biznes dhe roja i karburantit

    Vrasja e Mondi Mëhallës në Elbasan, arrestohet ish-ortaku i tij në biznes dhe roja i karburantit

    Dy persona janë arrestuar për vrasjen e biznesmenit Mondi Mëhalla mbrëmjen e së dielës në Elbasan. Në pranga është vënë ish-ortaku i Mëhallës me akuzën për vrasje si dhe roja i karburantit “Xhaxhi Oil”, ku ndodhi ngjarja, për veprime që pengojnë zbulimin e së vërtetës.
    N. Gjini, i cili u shoqërua një ditë më parë pasi ishte parë ditët e fundit duke qarkulluar me makinën që përdorën autorët në ekzekutimin e 43-vjeçarit, ende është pa fletë arresti. Ndërkohë, në kërkim është shpallur edhe një person tjetër, i dyshuar si bashkëpunëtor.

    N. Gjini, me origjinë nga Lezha, ishte parë ditëve të fundit të qarkullonte në rrugën e Kombit me makinën që përdorën autorët në vrasje. Policia e Lezhës ushtroi kontrolle në banesën e tij në Lezhë. Automjeti i përdorur nga autorët ishte në pronësi të subjektit të viktimës, që jepte makina më qira.

    Ngjarja e rëndë u shënua mbrëmjen e së dielës kur biznesmeni Mondi Mëhalla sapo kishte dalë nga një zyrë në karburantin në pronësi të tij “Xhaxhi Oil” dhe hyrë në makinën tip “Range Rover”. Ai u qëllua tre herë me plumba pistolete, dy prej të cilëve e kapën në kokë duke i shkaktuar vdekjen e menjëhershme.

  • EMRI/ Ekzekutimi i biznesmenit në Elbasan – Shoqërohet një person i dyshuar, ka përdorur makinën…

    EMRI/ Ekzekutimi i biznesmenit në Elbasan – Shoqërohet një person i dyshuar, ka përdorur makinën…

    Një person është shoqëruar nga Policia e Elbasanit, si i dyshuar në vrasjen e ndodhur mbrëmjen e së dielës të biznesmenit Mondi Mëhalla.

    Sipas informacioneve, mësohet se në polici është shoqëruar shtetasi Naldo Gjoni, që sipas uniformave blu, dyshimet ndaj tij janë ngritur pasi ka përdorur ditët e fundit makinën “Audi” që u përdor në vrasjen e biznesmenit Mondi Mëhalla.

    Personi është fiksuar në rrugën e Kombit duke bërë pagesën te trau. Policia po ushtron kontroll në shtëpinë e tij.

  • Krimi godet sërish/ Policia numëron viktimat, gëzhojat dhe makinat e djegura

    Krimi godet sërish/ Policia numëron viktimat, gëzhojat dhe makinat e djegura

    Krimi godet sërish/ Policia numëron viktimat, gëzhojat dhe makinat e djegura
    Në Shqipëri nuk ka më vrasje mafioze”. Ishte 11 nëntor kur ministrja e Brendshme Albana Koçiu bënte me pompozitet këtë deklaratë në Komisionin e Sigurisë në Kuvend. Por “siguria” e ministres zgjati më pak se mbledhja ku ajo bënte pjesë pasi në hyrje të aeroportit të Rinasit, një nga zonat më të ruajtura në vend, breshëritë e panumërta të 4 personave të maskuar i morën jetën Gilmando Danit.
    Miku i tij Muçi Shaljani që ndodhej me të në makinë ndërroi jetë pak ditë më pas në spital. Autorët dogjën makinën në një fshat të Fushë Krujës dhe nga ajo ditë nuk dihet më për ta.
    Nuk zgjati shumë dhe më 25 nëntor ishte radha e Lushnjës të tronditej nga breshëritë e plumbave. Shënjestra ishte Julian Sulo, i njohur edhe si “Juli i Pashakos”. Ai mundi të shpëtojë me një plagë të lehtë. Autorët dogjën makinën bashkë me armët dhe u zhdukën pa lënë gjurmë. Një tjetër atentat i tipit mafioz.
    Gjatë këtyre ditëve nuk kanë munguar ngjarjet e rënda. Një sulm me armë ndaj një biznesi në Kukës. Më herët (15 nëntor) një shpërthim me tritol tronditi Kamzën. Shënjestra ishte biznesi i dy vëllezërve që sipas policisë iu ishte vënë një gjobë 500 mijë euro nga një grup kriminal. Në pranga u vu edhe ish-polici Jeton Lami, njeriu që shoqëroi për herë të fundit Ervis Martinajn. Ai u lirua pak ditë më pas pasi sipas gjykatës nuk kishte prova për ta lënë në qeli.
    fundit ishte pikërisht mëngjesin e kësaj të diele të 30 nëntorit në Vlorë. Një shpërthim tritoli ndaj një banese tronditi qytetin. Shënjestër ishte familja e Gentjan Zotos, i cili ndodhet në burg pasi është dënuar me 35 vite heqje lirie për një atentat të ndodhur në vitin 2019 në Lungomare të Vlorës ku shënjestër ishte Inez Hajrulla. Të dhënat janë për përplasje mes grupeve kriminale.
    Por vulën do t’ia vinte Elbasani. Rreth orës 20.35 u ekzekutua në një atentat tipik mafioz biznesmeni Mondi Mëhalla alias Edmond Hyka. 43-vjeçari jetonte në Kodrën e Diellit në Tiranë, por bizneset e tij të karburanteve ishin kryesisht në Elbasan. Ai është pronar i disa karburanteve dhe një kompanie të shërbimit taksi.
    Sapo doli nga zyra dhe hyri në makinën e tij “Range Rover” iu afruan dy persona që hapën zjarr me pistoletë. Për shkak të 2 plumbave në kokë dhe 3 në trup Mëhalla nuk mundi të mbijetojë.
    ImageMondi MëhallaAutorët u larguan me një Audi të zi drejt Librazhdit ku edhe kanë humbur gjurmët. E kaluara e viktimës flet për arrestime për çështje droge dhe armëmbajtje pa leje.
    Policia e Albana Koçiut lëshoi edhe këtë herë deklaratën standarde se “një grup hetimor ndodhet në vendngjarje dhe po punon për identifikimin e autorëve”. Megjithatë ministrja e Brendshme është e justifikuar pasi shefi i saj i la detyrë në ditën e emërimit “të mos merrej me policinë”. Rëndësi ka që askush në ministrinë e Brerndshme nuk pi më cigare në ambiente të mbyllura. ©LAPSI.al

  • Ekzekutimi i Mond Mëhallës, pamjet e çastit kur një person futet me forcë në makinën e policisë

    Ekzekutimi i Mond Mëhallës, pamjet e çastit kur një person futet me forcë në makinën e policisë

    Një ngjarje e rëndë ka tronditur vendin pasditen e kësaj të diele.
    Pas disa të shtënave me armë zjarri në Elbasan, ka mbetur i vdekur biznesmeni Edmond Hyka alias Mondi Mëhalla.
    Në pamjet shihet momenti kur një person futet me forcë në makinën e policisë. Ende nuk dihet nëse personi në fjalë ishte autor apo i dyshuar.

    gijotina.com/

  • Dogji makinën e kryebashkiakes, kapet autori

    Dogji makinën e kryebashkiakes, kapet autori

    Rajoni E Premte, 28 Nëntor 2025 18:39
    Policia e Bosnjë dhe Hercegovinës arrestoi autorin që i vuri zjarrin makinës zyrtare të kryetares së bashkisë së Mostarit, Marija Kordić. Makina u dogj të mërkurën në mbrëmje përpara shtëpisë së familjes së saj.
    Raportet e medias thonë se policia përcaktoi nga kamerat e sigurisë se dy persona morën pjesë në djegien e automjetit. Njëri ishte duke kryer rolin e vëzhguesit dhe më pas tjetri ia vuri flakën.
    Kordić theksoi se kohët e fundit ka qenë dëshmitare e krijimit të organizuar të narrativave të urrejtjes dhe sulmeve ndaj punës së saj. “Vetëm sepse ne mbrojmë interesat e qytetit të Mostarit”, tha ajo.