Klodian Braho do të jetë drejtuesi i ri i SPAK për tre vitet e ardhshme. Braho do ta marrë detyrën me 19 dhjetor, një ditë pas përfundimit të mandatit të Altin Dumanit në krye të Prokurorisë së Posaçme.
Ai ka patur një rrugëtim të gjatë në sistemin e drejtësisë, duke mbajtur pozicione të rëndësishme në hetimin e rasteve të korrupsionit.
Braho ka një karrierë të gjatë në hetime të nivelit të lartë dhe ka ndjekur çështje që lidhen me zyrtarë të rëndësishëm dhe subjekte të dyshuara për krim të organizuar.
Gjatë karrierës së tij, Braho ka qenë pjesë e hetimeve për ish-kryeprokurorin Adriatik Llalla dhe ka firmosur arrestimin e ish-ministrit Lefter Koka për aferën e inceneratorëve.
Ai gjithashtu çoi në pranga ish-drejtuesin e Prokurorisë së Vlorës, Aurel Zarka, për korrupsion dhe ndikim të paligjshëm në çështjen “Toyota Auris”, si dhe gjyqtarin e Fierit, Roland Hysi, i dyshuar se kërkoi favore seksuale për një vendim gjyqësor.
Braho ka shërbyer në Prokurorinë e Rrethit Gjyqësor Vlorë dhe më pas në Tiranë si prokuror pranë Prokurorisë së Krimeve të Rënda.
Ai është njohur për profesionalizmin dhe përkushtimin në hetime të ndërlikuara, duke çuar në gjykim edhe persona me pozita të larta politike.
Nga 19 dhjetori 2019, Klodian Braho është pjesë e SPAK. Ndër dosjet që ka ndjekur përmendet ajo e Toyota Yaris, 5 D si dhe ka kryesuar hetimet për ish-zv/kryeministrin Arben Ahmetaj.
Tag: klodian
-
Prokurori i “jakave të bardha”, kush është Klodian Braho, kreu i ri i SPAK
-
BIRN/ Të gjithë sytë nga SPAK: Procesi i përzgjedhjes së Klodian Brahos
Prokurori Adnan Xholi u duk i lehtësuar në fund të prezantimit të tij përpara anëtarëve të Këshillit të Lartë të Prokurorisë të enjten, edhe pse gara për kreun e SPAK nuk e nxorri atë fitues.
“Shyqyr që erdhi dita të mbyllej kjo procedurë, se u bë si legjendë urbane,” tha Xholi.
Prej mëngjesit të së enjtes, të gjithë i kthyen sytë nga Këshilli i Lartë i Prokurorisë për të mësuar se kush do të ishte drejtuesi i ri i Prokurorisë së Posaçme – një institucion me vetëm gjashtë vite jetë, por që ka trazuar ujërat e estabilishmentit shqiptar.
Prania e madhe e korpusit diplomatik dhe e gazetarëve flisnin për rëndësinë e ngjarjes.
Ende pa filluar prezantimet e kandidatëve, në sallën e mbledhjeve të KLP-së u akomoduan ambasadori i Bashkimit Europian, Silvio Gonzato, e ngarkuara me punë e Shteteve të Bashkuara të Amerikës, Nancy Vanhorn; ambasadori i Mbretërisë së Bashkuar, Nick Abbott dhe ai i Holandës, Reinout Vos.
Në sallë ishin gjithashtu përfaqësues të zyrave diplomatike të Italisë, Francës, Austrisë, Hungarisë, Slovenisë dhe Rumanisë. Dhjetra gazetarë dhe operatorë u kujdesën gjithashtu për më shumë se gjashtë orë që të raportonin çdo detaj nga ecuria e procesit, platformat e kandidatëve apo pyetje-përgjigjet me anëtarët e KLP-së.
Katër kandidatët në garë nisën prezantimet sipas rendit alfabetik; fillimisht Adnan Xholi dhe më pas Doloreza Musabelliu, Elvin Gokaj dhe Klodian Braho. Pasi prezantuar në mënyrë të detajuar përvojën e tyre dhe platformën për drejtimin e SPAK, ata iu përgjigjën pyetjeve të disa prej anëtarëve të KLP-së.
Pyetjet ishin të larmishme, duke prekur nga çështjet organizative në SPAK deri te aspekte personale të kandidatëve. Përgjigjet në të kundërt ishin pothuajse të ngjashme dhe nuk diferencuan asnjë prej kandidatëve.
Procedura e votimit u krye ndryshe nga herët e tjera dhe të gjithë anëtarët e Këshillit të Lartë të Prokurorisë plotësuan në një fletë votimi emrin e kandidatit të preferuar.
Kryetarja e KLP-së, Mirela Bogdani shpjegoi se kjo mënyrë parashikohet në rregullore dhe se votimi do të ishte i hapur. Në fund, ajo lexoi vullnetin e secilit prej anëtarëve, duke nxjerrë edhe rezultatin; Klodian Braho u shpall fitues me 7 vota, Adnan Xholi mori 3 vota dhe Elvin Gokaj 1 votë. E vetmja kandidate grua në garë, Doloreza Musabelliu nuk arriti të merrte asnjë votë.
Pas zgjedhjes së kreut të ri të SPAK, Zyra e Bashkimit Evropian në Tiranë shpërndau në Facebook një mesazh në mbështetje të procesit të zgjedhjes së kreut të SPAK.
Në postim shkruhet se Gonzato dhe ambasadorët e shteteve anëtare të BE-së ishin të pranishëm në Këshillin e Lartë të Prokurorisë për të shprehur mbështetjen e plotë për Këshillin në përmbushjen e këtij detyrimi të rëndësishëm dhe interesimin e tyre për përzgjedhjen e drejtuesit të ri të SPAK.“Duke pasur parasysh rolin themelor të SPAK-ut në luftën kundër krimit të organizuar dhe korrupsionit, një shtyllë thelbësore e procesit të anëtarësimit në BE”, citohet në postim. “Dje theksova se drejtuesi i ri i Prokurorisë së Posaçme duhet të tregojë integritet, pavarësi, qëndrueshmëri dhe përkushtim ndaj standardeve më të larta evropiane. Sot, dëshiroj ta përgëzoj z. Klodian Braho për emërimin e tij dhe pres të punojmë ngushtë me të dhe ekipin e tij në muajt dhe vitet në vijim,” tha ambasadori Gonzato.
-
Zgjedhja e kreut të ri të SPAK/ Ambasadori i Gjermanisë në Tiranë uron Klodian Brahon
Pas reagimit të Ambasadës së SHBA-së dhe kryeministrit Rama, edhe Ambasada Gjermane në Tiranë ka postuar një deklaratë në lidhje me zgjedhjen e kreut të ri të SPAK, ku ambasadori gjerman i shpreh urime Klodian Brahos.
Ambasadori Bergner thotë se mirënjohja i shkon edhe Këshillit të Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës.
“Lufta e vendosur kundër korrupsionit dhe krimit të organizuar ka një rëndësi të jashtëzakonshme nga këndvështrimi i Gjermanisë për procesin e anëtarësimit të Shqipërisë në BE, të cilin ne e mbështesim. Për punën e rëndësishme të SPAK-ut mbeten thelbësore integriteti, pavarësia dhe respektimi i standardeve më të larta të shtetit të së drejtës.”
“I uroj shumë sukses Klodian Brahos dhe të gjithë punonjëseve e punonjësve të SPAK-ut në detyrën e tyre ambicioze, si dhe një bashkëpunim të frytshëm me institucionet shqiptare dhe ato ndërkombëtare. Mirënjohja ime sot shkon edhe për Këshillin e Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës”, thuhet në reagimin e Ambasadorit të Gjermanisë në Shqipëri, Karl Bergner.
-
Zgjedhja e Klodian Brahos në krye të SPAK/ Avokati: Drejtues i duhur, është një figurë dominante me eksperiencë të pasur
Avokati Arbër Hoxha, i ftuar në “Tirana Live” në ABC News, vlerësoi emërimin e Klodian Brahos në krye të SPAK, duke e cilësuar atë si një zgjedhje të pritshme dhe të mbështetur gjerësisht. Sipas Hoxhës, Braho ka qenë “krahu i djathtë i Altin Dumanit” dhe një profesionist me karrierë të gjatë në sistemin e drejtësisë, i cili e ka provuar veten në çdo detyrë.
Ai theksoi se të gjithë kandidatët ishin në nivel dhe se procesi këtë herë u zhvillua pa ndërhyrje apo konfrontime ndërkombëtare, ndërsa mbështetja për Brahon ishte e qartë. Avokati e konsideroi kreun e ri të SPAK si “drejtuesin e duhur”, një figurë dominante që pritet t’i japë drejtim të ri institucionit, ndërsa vuri në dukje se rikthimi i mbështetjes së hapur të SHBA-ve dhe kohezioni mes administratave amerikane janë sinjale pozitive për vijimin e punës. Sipas tij, platforma e Brahos është vetëm “maja e ajsbergut”, pasi puna e SPAK pritet të intensifikohet edhe më tej.
“Kandidatura ishte e qartë dhe e pritshme. Klodian Braho ishte krahu i djathtë i Altin Dumanit. Të gjithë kandidatët ishin në lartësinë e situatës. Braho është një njeri që e ka provuar veten dhe ka pasur një karrierë të gjatë në sistemin e drejtësisë. Prisja që të kishte marrë më shumë vota. Të gjithë kandidatët ishin në lartësinë e situatës dhe kësaj here nuk pati konfrontimin e përfaqësisë së disa shteteve.
Mbështetja ishte e qartë. Braho një drejtues i duhur për SPAK. Është një figurë dominante. Ka një rikthim që Ambasada e Shteteve të Bashkuara janë pranë Prokurorisë së Posaçme, fondet nuk janë ndërprerë dhe ka të njëjtën qasje si administrata Biden ashtu edhe ajo e Trump. Platforma e Braho është vetëm maja e ajsbergut, sepse jam i sigurt që do të bëhen punë edhe më të mira. Do i japë udhë SPAK, që ka filluar të hedhë hapat e veta”, tha Arbër Hoxha.
-
Begaj uron Klodian Brahon, dy fjalë dhe për ish kreun e SPAK: Dumani ka dhënë rezultate konkrete
Presidenti Bajram Begaj uron kreu e ri të SPAK Klodian Braho, ndërsa ka vlerësuar edhe punën e Altin Dumanit.
Në një reagim në platformën X, Begaj shprehet se drejtimi i strukturës së Posaçme kundër korrupsioni është përgjegjësi e lartë dhe mundësi për të forcuar besimin e qytetarëve te drejtësia.
REAGIMI:
Urime Kreut të ri të SPAK, z. Klodian Braho! Drejtimi i Strukturës së Posaçme kundër Korrupsionit është përgjegjësi e lartë dhe njëkohësisht një mundësi për të forcuar besimin e qytetarëve te drejtësia. SPAK nën drejtimin e Z. Altin Dumani, ka dhënë rezultate konkrete në këtë drejtim. Forcimi i luftës kundër korrupsionit dhe krimit të organizuar kërkon vendosmëri, integritet dhe guxim. Suksese në këtë mision të rëndësishëm për vendin! -
“Dumani tregoi integritet dhe guxim në përballje me kriminelët”, ambasada e SHBA: Mezi presim të vazhdojmë partneritetin tonë me Brahon
Ambasada e SHBA në vendin tonë ka reaguar pas zgjedhjes së ri të kreut të SPAK Klodian Braho, i cili do të pasojë në këtë post Altin Dumanin.
Me anë të një postimi në rrjetet sociale ambasada e SHBA përgëzon Altin Dumanin për integritetin dhe guximin në mbajtjen para përgjegjësisë të kriminelëve ka forcuar bashkëpunimin SHBA-Shqipëri për të na bërë të gjithëve më të sigurt nga plaga e krimit transnacional dhe trafikimit të drogës.
Ndërkohë më tej në mesazh thekson se pret me padurim bashkëpunimin me kryeprokurorine sapozgjedhur të SPAK, Klodian Braho.The United States commends Altin Dumani on his exemplary service as SPAK Chief Special Prosecutor. His integrity and courage in holding criminals to account has strengthened U.S.-Albanian cooperation to make us all safer from the scourge of transnational crime and… pic.twitter.com/YMeJdG6TS5
— U.S. Embassy Tirana (@USEmbassyTirana) December 11, 2025
Postimi:
Shtetet e Bashkuara përgëzojnë Altin Dumanin për shërbimin e tij shembullor si Kryeprokuror i Posaçëm i SPAK-ut. Integriteti dhe guximi i tij në mbajtjen para përgjegjësisë të kriminelëve ka forcuar bashkëpunimin SHBA-Shqipëri për të na bërë të gjithëve më të sigurt nga plaga e krimit transnacional dhe trafikimit të drogës. Ne mezi presim të vazhdojmë partneritetin tonë të fortë me Prokurorin e Përgjithshëm të ri Klodian Braho në rolin e tij të ri në krye të SPAK-ut.
-
Klodian Braho zgjidhet kreu i ri i SPAK, reagon ambasada amerikane
Ambasada e Shteteve të Bashkuara të Amerikës në Tiranë, reagoi sot pas zgjedhjes së drejtuesit të ri të Strukturës së Posaçme Kundër Korrupsionit dhe Krimit të Organizuar (SPAK).
Në njoftim thuhte se presim me kënaqësi të vazhdojmë partneritetin me kryeprokurorin e ri të Posaçëm, Klodian Braho, në rolin e tij të ri në krye të SPAK.
Reagimi i Ambasades amerikane
Shtetet e Bashkuara përgëzojnë Altin Dumanin për shërbimin e tij të pashembullt si Kryeprokuror i SPAK. Integriteti dhe guximi i tij në mbajtjen e kriminelëve përgjegjës kanë forcuar bashkëpunimin mes Shteteve të Bashkuara dhe Shqipërisë, duke na bërë më të sigurt nga kërcënimi i krimit ndërkombëtar dhe trafikut të drogës. Ne presim me kënaqësi të vazhdojmë partneritetin tonë të fortë me Kryeprokurorin e ri të Posaçëm, Klodian Braho, në rolin e tij të ri në krye të SPAK. -
Klodian Braho kreu i ri i SPAK, Rama shpreh mbështetjen: Punë të mbarë! Dumani meriton përgëzime…
Klodian Braho dhe Edi Rama
TIRANË-Kryeministri Edi Rama ka reaguar pas zgjedhjve për kreun e ri të SPAK, ku me 7 vota pro Klodian Braho do të jetë drejtues i Prokurorisë së Posaçme. Rama i ka uruar Brahos punë të mbarë ndërsa thekson edhe rolin e Altin Dumanit, për të cilin shprehet se meriton përgëzime për arritjet. Kreu i qeverisë deklaron se SPAK do të ketë mbështetjen e palëkundur të qeverisë.
Edi Rama: Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet. -
Zgjedhja e Klodian Brahos/ Eksperti flet për dy sfidat e kreut të ri të Prokurorisë së Posaçme(VIDEO)
Klodian Braho është zgjedhur drejtuesi i SPAK. Zoti Braho do të zëvendësojë në këtë pozicion Altin Dumanin, të cilit mandati i mbaron më 18 dhjetor.
Në Dekalog, Dritare TV, eksperti Artan Rexhepi vlerësoi figurën e kreut të ri të SPAK si më të duhurën për të drejtuar strukturën më të rëndësishme që ka Shqipëria, për drejtësinë.
“Braho pati një vetëkontroll për tu vlerësuar gjatë intervistës, para se të zgjidhej drejtues i SPAK. Për të arritur nivelin e Altin Dumanit, Brahos, kjo ja vështirëson betejën, do konkurrojë me një kampion. Një paraardhës që ka lënë record dhe ka mbetur i pathyer për vite.
Braho “është i dënuar” që të mos ulë stekën që la Dumani. Duhet të luajë në nivelin e Altin Dumanit, hetimet mos të ngelin në nivel arrestimet, por të shtrihen deri tek rrjetet që kanë./dritare.net -
“Punë të mbarë drejtuesit të ri të SPAK”/ Rama për zgjedhjen e Klodian Brahos: Do ketë mbështetje të palëkundur për të përmbushur misionin
Kryeministri Edi Rama ka uruar prokurorin Klodian Braho për zgjedhjen e tij në krye të Prokurorisë së Posaçme. Përmes rrjeteve sociale kreu i qeverisë vlerëson edhe arritjet e Altin Dumanit në krye të SPAK, ndërsa thekson se ky institucion do të ketë mbështetjen e palëkundur të qeverisë.
Reagimi i plotë i Edi Ramës:
Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet.