Lajmidites.com

Tag: dhjetor

  • Gjyqi për shpërthimin në kanalin Ibër-Lepenc në Kosovë do të nisë më 24 dhjetor, 3 persona të pandehur!

    Gjyqi për shpërthimin në kanalin Ibër-Lepenc në Kosovë do të nisë më 24 dhjetor, 3 persona të pandehur!

    Gjykimi ndaj tre të akuzuarve për shpërthimin në kanalin e Ibër-Lepencit është caktuar që të nisë më 24 dhjetor.
    Seanca fillestare ndaj vëllezërve Dragisha dhe Jovan Viqentijeviq dhe Igor Dimoviq do të mbahet në orën 09:30 të 24 dhjetorit, tha për Radion Evropa e Lirë zëdhënësja e Gjykatës Themelore në Prishtinë, Mirlinda Gashi.
    Më 9 dhjetor, Prokuroria Speciale e Kosovës njoftoi për ngritjen e aktakuzës ndaj tre të pandehurve për shpërthimin që ndodhi më 29 nëntor 2024 në fshatin Varragë.

    Prokuroria i ngarkon të pandehurit me veprat penale të “rrezikimit të rendit kushtetues me shkatërrimin apo dëmtimin e instalimeve dhe pajisjeve publike, “kryerjes së veprës terroriste”, “armëmbajtjes pa leje” dhe “spiunazhit”.
    Aktakuza thotë se vëllezërit Viqentijeviq, së bashku me persona ende të panjohur, “pas një marrëveshje paraprake, kanë vendosur eksploziv [rreth 20 kilogramë të llojit Trinitrotoluene ‘TNT’] në brendësi të kanalit”.
    Sipas Prokurorisë, vëllezërit Viqentijeviq e kishin aktivizuar lëndën shpërthyese përmes një çante që e kishin lidhur me litar në një shtyllë betoni, “ku si pasojë është dëmtuar rëndë struktura e betonit të kanalit Ibër-Lepenc, është shkaktuar ndërprerje e furnizimit me ujë të pijshëm, është rrezikuar prodhimi i energjisë elektrike”.
    Ndërmarrjes Ibër-Lepenc, sipas aktakuzës, i është shkaktuar një dëm prej afër 400 mijë eurosh. Jovan Viqentijeviq, po ashtu, akuzohet për spiunazh. Sipas Prokurorisë Speciale, deri në momentin e arrestimit ai ishte i rekrutuar nga Shërbimi Informativ Ushtarak i Serbisë dhe mbante gradën e togerit.
    Prokuroria tha se ai e kishte ndihmuar këtë shërbim “duke mbledhur informacione dhe dokumente të klasifikuara me qëllim që të njëjtat t’i përdorë gjatë aktivitetit të tij të kundërligjshëm në territorin e Kosovës”.
    Në hetimet këtë rast, Kosova ka bashkëpunuar me partnerë evropianë dhe ata amerikanë. Lidhur me shpërthimin, autoritetet kishin arrestuar dhjetëra persona të dyshuar dhe kishin sekuestruar armë dhe eksplozivë.
    Por, deri më tani dihej se për këtë rast ishin dërguar në paraburgim vëllezërit Dragisha dhe Jovan Viçentijeviq. Ndërmarrja Hidroekonomike Ibër-Lepenc, furnizon me ujë disa qytete të Kosovës dhe Korporata Energjetike e Kosovës për ftohjen e termoelektranave të saj. Kjo ndërmarrje është në pronësi të plotë të Qeverisë së Kosovës.
    Menjëherë pas shpërthimit, autoritetet në Kosovë fajësuan Serbinë se qëndron pas kësaj ngjarjeje, por akuzat u mohuan nga Beogradi. Më 10 dhjetor, kryeministri në detyrë i Kosovës, Albin Kurti, tha se të dhënat e inteligjencës tregojnë se tre serbët e akuzuar për shpërthimin në Ibër-Lepenc kanë qenë të lidhur ngushtë me strukturat shtetërore të Serbisë.
    “Tashmë është në rrugë të mbarë hetimi i këtij rasti, ku janë siguruar prova se pikërisht tre serbët e akuzuar ishin në vendin e ngjarjes natën kritike, për ç’gjë falënderoj institucionet përkatëse të Republikës së Kosovës dhe FBI-në nga Shtetet e Bashkuara të Amerikës për punën profesionale të kryer në këtë rast”, tha Kurti përmes një postimi në Facebook.
    Sipas tij, gjykimi në këtë rast “do ta dëshmojë se të akuzuarit ishin pjesë e strukturave ilegale të Serbisë, të lidhur ngushtë me mikun e [presidentit të Serbisë Aleksandar] Vuçiqit, terroristin Millan Radoiçiq, dhe strukturat tjera shtetërore të Serbisë që planifikuan dhe urdhëruan sulmin terrorist”.
    Kurti iu referua ish-nënkryetarit të Listës Serbe, partisë më të madhe të serbëve në vend, Millan Radoiçiq, të cilin autoritetet kosovare e kërkojnë me fletarrestim për vepra të ndryshme penale, përfshirë për një sulm vdekjeprurës kundër Policisë së Kosovës në veri të vendit më 2023.
    Radoiçiqit e mori përgjegjësinë për atë sulm ku u vra një rreshter kosovar. Gjatë përleshjeve që pasuan u vranë edhe tre sulmues serbë. /REL/
     

  • Magjia e festave zbarkon në Gjinar, më 13 dhjetor mbahet “Gjinar Village Market”

    Magjia e festave zbarkon në Gjinar, më 13 dhjetor mbahet “Gjinar Village Market”

    Të shtunën, më 13 dhjetor, Gjinari do të shndërrohet në një destinacion përrallor dimëror. Nën sloganin “Gjithçka që ju duhet, në një vend”, eventi “Gjinar Village Market” premton të bëjë bashkë natyrën, traditën, muzikën e mirë dhe atmosferën e ngrohtë të fundvitit.
    Ky organizim masiv vjen nga Bashkia e Elbasanit në kuadër të festave të fundvitit për t’i dhënë gjallëri, jo vetëm qytetit, por edhe zonave turistike.

    Një bashkëpunim i shkëlqyer gjithashtu me Teatrin “Skampa”, Qendrën Kulturore të Fëmijëve dhe Këshillin Rinor, të cilët janë angazhuar maksimalisht për t’i dhënë jetë kësaj feste, premton një ditë fantastike.

    Një agjendë e pasur për të gjitha moshat.

    Dita do të nisë në orën 10:00 me një performancë festive nga Banda e Qytetit, për t’u pasuar nga diskutime të rëndësishme mbi potencialin e turizmit malor. Një moment I veçantë do të jetë dekorimi i fshatit, ku banorët dhe vizitorët do të bashkohen për të zbukuruar ambientin me elemente natyrore.
    Për fëmijët dhe familjet, organizatorët kanë menduar gjithçka. “Tavolina e Workshopeve” do të jetë zona kreative ku do të krijohen kartolina dëshirash dhe kurora festive. Atmosfera do të gjallërohet më tej në orën 12:00 me animatorë, “Face Painting”, Babagjyshin dhe Elfët, si dhe me performancën emocionuese të Korit të Fëmijëve, zërat e të cilëve do të sjellin gëzimin e festave.
    Muzikë rreth zjarrit dhe të ftuar specialë.
    Kulmi i eventit pritet të jetë “Camp Fire Session” në orën 13:00. Rreth zjarrit bubulak, vizitorët do të shijojnë muzikë live në një atmosferë reflektuese. Skena do të ndizet nga performancat e artistëve Franceska Kasa dhe Noel Hoxholli, ndërsa e ftuara speciale që do të dhurojë emocione të forta për të pranishmit këngëtarja e mirënjohur, Eneda Tarifa.
    Bizneset lokale dhe aventura.
    Festa nuk do të ishte e plotë pa shijen e produkteve lokale. Pjesë e “Village Market” janë emra të njohur të biznesit si “Tona” me produktet e tyre cilësore dhe “Furrë Buke Pastiçeri Baku”, uji “Bukaniku”, Kantina Ilir, të cilët do të kujdesen për ushqimin tradicional.
    Për ata që kërkojnë më shumë adrenalinë, “Ferma e Kuajve Santo” ofron shëtitje me kuaj në natyrën e mrekullueshme të Gjinarit, ndërkohë që nuk do të mungojnë as mjetet off-road dhe motorët për ture panoramike.
    Ejani të shtunën në Gjinar për të zbuluar aventurën dhe për të festuar së bashku në “Gjinar Village Market”!

     

  • Fantacalcio: Tre sulmues të rekomanduar për Javën e 15-të të Serie A

    Fantacalcio: Tre sulmues të rekomanduar për Javën e 15-të të Serie A

    Bota E Enjte, 11 Dhjetor 2025 11:29
    Javën e 15-të të Serie A do ta hapë sfida mes Leçes dhe Pisës të premten, më 12 dhjetor (ora 20:45), dhe do të mbyllet të hënën, më 15 dhjetor, në orën 20:45, me ndeshjen Roma-Komo. Me afrimin e kohës për të vendosur formacionet e fantacalcio-s, dhe pasi janë shqyrtuar portierët, mbrojtësit dhe mesfushorët e rekomanduar, tani është momenti për të hedhur dritë mbi tre sulmuesit që nuk duhen humbur për raundin e ardhshëm të Fantakampionatit të Gazetës.
    David Neres po udhëheq Napolin në ngjitjen e tij pas humbjes ndaj Bolonjës, duke regjistruar tre gola dhe një asist në tre ndeshjet e fundit. Trajneri Conte e ka aktivizuar pas sulmuesve, dhe braziliani po kënaq si atë, ashtu edhe fantatrajnerët që kanë besuar te numri 7. Në këtë kampionat, ai ka shënuar deri tani tre gola dhe ka dhënë tre asiste, me një fantamedia prej 7.2 dhe një vlerësim prej 51 kreditesh. Këtë fundjavë, ai do të përballet me Udinezen, e cila mund të vuajë shpejtësinë e tij mes linjave.

    Federico Bonazzoli po bëhet gjithnjë e më shumë një siguri për Kremonezen dhe për fantacalcio-n. Kundër Leçes, ai shënoi edhe një penallti, pavarësisht pranisë në fushë të “totemit” Vardy, duke arritur golin e tij të pestë në kampionat. Në 11 ndeshjet ku ka marrë vlerësim, ai ka dhënë gjithashtu një asist dhe, pavarësisht konkurrencës së vazhdueshme me Sanabrian, arrin gjithmonë të gjejë hapësirë dhe të bëhet i rrezikshëm. Deri tani, ai ka një fantamedia prej 7.8 me një vlerësim prej 40 kreditesh.

    Sulmuesi i Veronës, Mosquera, është tashmë pika referuese ofensive e verdhebluve në çift me Xhovanen. Në tre ndeshjet e fundit, ai ka dhënë dy asiste dhe i mungon vetëm goli i parë sezonal. Për shkak të një fillimi sezoni me luhatje, ai ka marrë vlerësim vetëm në shtatë nga 14 ndeshje, duke regjistruar një fantamedia prej 6.4 me një vlerësim prej 24 kreditesh. Në raundin e pesëmbëdhjetë, ai do të përballet me një Fiorentinë në krizë, e cila mund të vuajë fizikalitetin e tij.

  • SHTYPI I DITËS – Çfarë shkruajnë gazetat shqiptare për ditën e sotme, e enjte, 11 dhjetor 2025…

    SHTYPI I DITËS – Çfarë shkruajnë gazetat shqiptare për ditën e sotme, e enjte, 11 dhjetor 2025…

    Faqet e para të gazetave të përditshme shqiptare, në versionin e tyre print (të shtypur) që mund ta gjeni pranë kioskës së shtypit, ofrojnë këto tituj kryesorë për lexuesit e tyre, për ditën e sotme, e enjte, 11 dhjetor 2025:

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

    Post navigation

  • Kush do ta zëvendësojë Altin Dumanin? Nesër ‘sytë’ nga KLP, zbardhen detajet e seancës së votimit

    Kush do ta zëvendësojë Altin Dumanin? Nesër ‘sytë’ nga KLP, zbardhen detajet e seancës së votimit

    foto ilustrim: Altin dumani-spak

    TIRANË- Këshilli i Lartë i Prokurorisë (KLP) do të mblidhet nesër, 11 dhjetor, për të zgjedhur Drejtuesit të Prokurorisë së Posaçme kundër Korrupsionit dhe Krimit të Organizuar, SPAK.
    Mbledhja do të nisë në orën 09:00, ndërsa i gjithë procesi do të transmetohet drejtpërdrejt nga RTSH. Këshilli ka sqaruar në njoftimin për mediat se gazetarët do të akomodohen në sallën e mbledhjes, ndërsa kameramanët do të kenë mundësi të filmojnë vetëm pamjet hyrëse, përpara fillimit të seancës.
    “Mirëmbrëma. Doja të sqaroja dhe një herë në lidhje me seancën e nesërme. Për të evituar çdo keqkuptim. Siç njoftuam më herët, linja direkte do të transmetohet nga RTSH. Kolegët kameramanë do të akomodohen në holl, ndërsa gazetarët në sallë. Ju faleminderit dhe ju mirëpresim nesër.”, thuhet në njoftimin e KLP-së.
    Nesër, 4 kandidatët e SPAK: Adnan Xholi, Doloreza Musabelliu, Elvin Gokaj dhe Klodian Braho, do të intervistohen sipas rendit alfabetik, për 45 minuta secili prej tyre. Kandidatët do të prezantojnë platformën e tyre dhe pasi të dëgjohen dhe të pyeten, do të votohen.

    KLP miratoi 4 kandidatën në mbledhjen e 20 tetorit, duke vlerësuar se i plotësojnë kushtet për të drejtuar SPAK. Emrat e tyre u kualifikuan për të vijuar më tej garën, që është ajo e intervistimit, e vendosur tashmë më datë 11 dhjetor. Po në këtë ditë pritet që Këshilli i Lartë i Prokurorisë të zgjedhë me votim kreun e ri të SPAK, i cili do të marrë zyrtarisht detyrën më 19 dhjetor.
    Mandati 3-vjeçar i Altin Dumanit në krye të SPAK përfundon në 18 dhjetor 2025, pasi këtë detyrë e mori më 16 dhjetor 2022. Pas lënies së këtij posti ai do të ushtrojë detyrën si prokuror i posaçëm i kësaj strukture deri në përfundimit të mandatit 9 vjeçar. Caktimi i kreut të ri të SPAK, ka vënë në lëvizje dy nga ambasadat kryesore në vend: SHBA dhe BE.
    Sipas nenit 20 të rregullores së KLP-së, kandidati që merr më shumë vota zgjidhet kreu i SPAK-ut. Në rast se dy a më shumë kandidatë marrin numër të barabartë votash, KLP kryen një votim të dytë mes kandidatëve me numër të barabartë votash./ZËRI

  • Nesër zgjidhet kreu i ri i SPAK, Gonzato dhe ambasada britanike: KLP do sigurojë që të jetë person me integritet!

    Nesër zgjidhet kreu i ri i SPAK, Gonzato dhe ambasada britanike: KLP do sigurojë që të jetë person me integritet!

    Altin Dumani dhe prokurorët kandidatë

    TIRANË- Nesër, 11 dhjetor, Këshilli i Lartë i Prokurorisë do të zgjedhë kreun e ri të Prokurorisë së Posaçme (SPAK), që do të zëvendësojë Altin Dumanin. Ambasadori i BE-së në Tiranë, Silvio Gonzato do të jetë nesër i pranishëm në mbledhjen e KLP-së, ndërsa gjatë sot zhvilloi një takim me anëtarët e Këshillit të Lartë Gjyqësor dhe Këshillit të Lartë të Prokurorisë.
    Përmes një reagimi në rrjetet sociale, prezenca e BE-së ka ndarë detaje nga mbedhja e sotme. Gonzato shprehu besimin se anëtarët e KLP-së do të tregojnë nivelin më të lartë të përgjegjshmërisë dhe do të sigurojnë që Prokuroria e Posaçme të drejtohet nga një person me integritet të padiskutueshëm, i pavarur, profesionist dhe i përkushtuar ndaj standardeve më të mira të BE-së.
    “Ambasadori i BE-së, Silvio Gonzato, mori fjalën në takimin e sotëm të përbashkët mes Këshillit të Lartë Gjyqësor dhe Këshillit të Lartë të Prokurorisë, ku u diskutuan mënyrat për të rritur efikasitetin, cilësinë dhe integritetin në sistemin e drejtësisë. Ai theksoi dy çështje që mbeten kryesore për gjyqësorin: vlerësimet realisht transparente dhe përcaktimi i qartë i përgjegjësive dhe standardeve për sigurinë në gjykata.
    Në prag të zgjedhjes së nesërme të kreut të ri të SPAK, ku Ambasadori Gonzato do të jetë i pranishëm së bashku me ambasadorët e vendeve anëtare të BE-së, ai shprehu besimin se anëtarët e KLP-së do të tregojnë nivelin më të lartë të përgjegjshmërisë dhe do të sigurojnë që Prokuroria e Posaçme të drejtohet nga një person me integritet të padiskutueshëm, i pavarur, profesionist dhe i përkushtuar ndaj standardeve më të mira të BE-së”, shkruhet në postimin e BE-së.

    Ambasada e Britanisë së Madhe në Tiranë kërkon gjithashtu që procesi i zgjedhjes së kreut të ri të SPAK të jetë i drejtë e transparent. Ambasada britanike thekson se ky është një hap i rëndësishëm në përparimin e Shqipërisë për forcimin e shtetit të së drejtës dhe luftën kundër korrupsionit.
    “Zgjedhja e Drejtuesit të SPAK është një hap i rëndësishëm në përparimin e Shqipërisë për forcimin e shtetit të së drejtës dhe luftën kundër korrupsionit. Është e rëndësishme që Këshilli i Lartë i Prokurorisë ta realizojë këtë proces në mënyrë të lirë, të drejtë dhe transparente. Mbretëria e Bashkuar pret me padurim të bashkëpunojë me këdo që do të zgjidhet, për të vazhduar dhe forcuar marrëdhënien tonë të shkëlqyer”, shkruan ambasada britanike.

    Prokurorët Adnand Xholi, Klodian Braho, Doloreza Musabelliu dhe Elvin Gokaj, do të prezantojnë platformën e tyre dhe pasi të dëgjohen dhe të pyeten, do të votohen. KLP miratoi 4 kandidatën në mbledhjen e 20 tetorit, duke vlerësuar se i plotësojnë kushtet për të drejtuar SPAK. Emrat e tyre u kualifikuan për të vijuar më tej garën, që është ajo e intervistimit, e vendosur tashmë më datë 11 dhjetor. Po në këtë ditë pritet që Këshilli i Lartë i Prokurorisë të zgjedhë me votim kreun e ri të SPAK, i cili do të marrë zyrtarisht detyrën më 19 dhjetor.
    Mandati 3-vjeçar i Altin Dumanit në krye të SPAK përfundon në 18 dhjetor 2025, pasi këtë detyrë e mori më 16 dhjetor 2022. Pas lënies së këtij posti ai do të ushtrojë detyrën si prokuror i posaçëm i kësaj strukture deri në përfundimit të mandatit 9 vjeçar. Caktimi i kreut të ri të SPAK, ka vënë në lëvizje dy nga ambasadat kryesore në vend: SHBA dhe BE.
    Sipas nenit 20 të rregullores së KLP-së, kandidati që merr më shumë vota zgjidhet kreu i SPAK-ut. Në rast se dy a më shumë kandidatë marrin numër të barabartë votash, KLP kryen një votim të dytë mes kandidatëve me numër të barabartë votash./ZËRI

  • Gara për drejtimin e SPAK kulmon të enjten: Diplomacia në sallë, gazetarët jashtë dyerve

    Gara për drejtimin e SPAK kulmon të enjten: Diplomacia në sallë, gazetarët jashtë dyerve

    Këshilli i Lartë i Prokurorisë pritet të zgjedhë në mbledhjen e nesërme (11 dhjetor), kreun e ri të Prokurorisë së Posaçme.
    Drejtuesit aktual, Altin Dumani, i mbaron mandati trevjeçar më 16 dhjetor. Në garë janë Klodian Braho, Doloreza Musabelliu, Adnan Xholi dhe Elvin Gokaj.
    Në garë janë 4 kandidatë të kualifikuar në fazat paraprake dhe që do i nënshtrohen garës në KLP, ku në fund do votohet për fituesin, i cili del edhe me një votë më shumë, pra nuk ka votim të cilësuar.
    Në kuadër të mbledhjes së nesërme, KLP ka lëshuar një njoftim zyrtar, ku bën me dije se diskutimi dhe votimi do jenë pa praninë e medias. Shkak është salla e vogël dhe numri i madh i konfirmuar i pjesëmarrjes së përfaqësuesve të trupit diplomatik të akredituar në Tiranë.
    Zgjedhja e kreut të ri të SPAK shoqërohet me interes të lartë të Ambasadave dhe KLP ka kërkuar mirëkuptimin e mediave që nuk do lejohen, përveç sinjalit të RTSH-së.
    “Duke qenë se ditën e nesërme është konfirmuar një numër i madh i përfaqësuesve nga ambasadat, lutemi për mirëkuptimin tuaj për prezencën mediatike në sallë. Siç edhe e dini, salla është relativisht e vogël për t’ju akomoduar të gjjthëve, ndaj ju lutem të ndiqni seancën direkt nga sinjali RTSH-së”, thuhet në njoftimin zyrtar të KLP-së.
    Një ditë më parë, (9 dhjetor), KLP zgjodhi (votimi në foton kryesore) edhe drejtorin e ri të Byrosë Kombëtare të Hetimit, (BKH- e cilësuar edhe si FBI-ja shqiptare), Joni Keta, i cili pason në detyrë Aida Hajnajn.

  • Shtyhet gjyqi për Berishën, mungonte gjyqtarja e çështjes

    Shtyhet gjyqi për Berishën, mungonte gjyqtarja e çështjes

    Kronikë E Mërkurë, 10 Dhjetor 2025 13:29
    Seanca gjyqësore ndaj ish-kryeministrit Sali Berisha, dhëndrit të tij Jamambër Malltezi, Fatmir Bektashi, Xhimi Begeja dhe Andia Pustina është shtyrë më 22 dhjetor, ora 11:00.
    Shkak i shtyrjes është bërë mungesa e gjyqtares së çështjes Rudina Palloi.

    Sipas tij, gjyqtarja nuk u paraqit në seancë për arsye shëndetësore.

    Që nga dhjetori i vitit 2023, Sali Berisha është marrë i pandehur nga SPAK për korrupsion në dosjen e aferës “Partizani”, pasi akuzohet se me një sërë veprimesh të paligjshme i hapi rrugë privatizimit të ish-kompleksit sportiv Partizani ku përfitues është dhe dhëndri i tij Jamarbër Malltezi, i pandehur gjithashtu.

  • Moti për muajin dhjetor, si pritet të jenë kushtet atmosferike?/ Ja çfarë paralajmëron meteorologia

    Moti për muajin dhjetor, si pritet të jenë kushtet atmosferike?/ Ja çfarë paralajmëron meteorologia

    Meteorologia Tanja Porja tha se pjesa më e madhe e dhjetorit do të karakterizohet nga kushte të qëndrueshme atmosferike, temperatura mbi mesataren e sezonit dhe mungesë reshjesh deri në datat 17–18 dhjetor. Sipas saj, tabloja sinoptike mbetet pothuaj e pandryshuar, me alternime dielli dhe vranësirash të lehta, ndërsa temperaturat luhaten vetëm me 1–2 gradë nga dita në ditë.
    Porja theksoi se deri në 20-ditëshin e parë të muajit, moti do të jetë “krejt komod”, me vlera termike më të larta se normaliteti. Në Tiranë, termometri vijon të shënojë 19–21°C në mesditë, rreth 3–4 gradë më shumë se mesatarja e zakonshme e dhjetorit, që duhet të jetë rreth 16–17°C.
    Për reshjet, meteorologia tha se nuk ka asnjë sinjal deri në mesin e muajit, ndërsa pas datës 17–18 pritet një ndryshim gradual. Aktivizimi i vërtetë i atmosferës mund të ndodhë në 10-ditëshin e fundit të dhjetorit, periudhë që përkon edhe me festat e fundvitit. Ajo la të hapur mundësinë për reshje shiu dhe dëbore rreth datave 20–24, megjithëse theksoi se është ende herët për një parashikim të saktë për natën e Krishtlindjes dhe ndërrimin e viteve.

  • SHTYPI I DITËS – Çfarë shkruajnë gazetat shqiptare për ditën e sotme, e merkurë, 10 dhjetor 2025…

    SHTYPI I DITËS – Çfarë shkruajnë gazetat shqiptare për ditën e sotme, e merkurë, 10 dhjetor 2025…

    Faqet e para të gazetave të përditshme shqiptare, në versionin e tyre print (të shtypur) që mund ta gjeni pranë kioskës së shtypit, ofrojnë këto tituj kryesorë për lexuesit e tyre, për ditën e sotme, e merkurë, 10 dhjetor 2025:

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

    Post navigation