Lajmidites.com

Tag: banka

  • “Tirana Bank”, Banka e Vitit, The Banker dhe Euromoney e vlerësojnë si bankën më të mirë për vitin 2025

    “Tirana Bank”, Banka e Vitit, The Banker dhe Euromoney e vlerësojnë si bankën më të mirë për vitin 2025

    Tirana Bank ka arritur një tjetër sukses të rëndësishëm ndërkombëtar.

    Institucioni është shpallur ‘Bank of the Year in Albania 2025’ nga revista prestigjioze The Banker, pjesë e grupit Financial Times, një nga autoritetet më të njohura në vlerësimin e sektorit bankar global. Ky çmim vjen vetëm pak kohë pasi Tirana Bank u shpall ‘Banka më e Mirë në Shqipëri 2025’ nga Euromoney, duke e bërë këtë një vit të jashtëzakonshëm për bankën.
    Ceremonia e ndarjes së çmimeve u zhvillua në Londër, ku përfaqësues të lartë të Tirana Bank morën zyrtarisht trofeun. Kjo arritje konsiderohet një nga vlerësimet më të rëndësishme që një bankë mund të marrë në nivel ndërkombëtar.
    “Të vlerësohesh nga The Banker është një moment shumë i rëndësishëm, pasi vjen nga një prej autoriteteve më të njohura në sektorin bankar global. Ky çmim na vendos në një nivel krejt tjetër vëmendjeje dhe demonstron që progresi ynë është i matshëm dhe i dallueshëm edhe në arenën ndërkombëtare”, shprehet Dritan Mustafa, Drejtor i Përgjithshëm Ekzekutiv i Tirana Bank.
    The Banker vlerësoi Tirana Bank për performancën e qëndrueshme financiare, transformimin e avancuar digjital, modernizimin e platformave të bankingut dhe përmirësimin e përvojës së klientit. Vlerësim mori edhe ndikimi i institucionit në mbështetjen e biznesit dhe zhvillimit ekonomik në vend.
    “Fakti që këtë vit jemi vlerësuar si ‘Banka e Vitit në Shqipëri’ nga The Banker dhe njëkohësisht ‘Banka më e Mirë në Shqipëri’ nga Euromoney, është një tregues i qartë i transformimit që kemi ndërmarrë dhe i profesionalizmit të stafit tonë. Kjo njohje jo vetëm i shton peshë reputacionit tonë, por edhe na motivon të vazhdojmë të rrisim standardet me të cilat operojmë.”, shtoi ai.
    Me këtë arritje, Tirana Bank forcon më tej pozicionin e saj si një nga institucionet kryesore financiare në Shqipëri dhe synon të vazhdojë rrugëtimin e saj të transformimit dhe rritjes së qëndrueshme.
     

    Top Channel

  • Tirana Bank shpallet “Banka e Vitit në Shqipëri” nga The Banker (Financial Times)

    Tirana Bank shpallet “Banka e Vitit në Shqipëri” nga The Banker (Financial Times)

    Tirana Bank është vlerësuar me titullin prestigjioz “Banka e Vitit 2025 në Shqipëri” nga The Banker, një nga publikimet më të rëndësishme të sektorit financiar global dhe pjesë e grupit Financial Times. Me një histori të gjatë që nga viti 1926, The Banker njihet për analizat e tij në tregun financiar, metodologjinë rigoroze të vlerësimit dhe reputacionin ndërkombëtar në mbi 160 tregje bankare.
    Ky çmim i rëndësishëm vendos në fokus punën e konsoliduar të Tirana Bank gjatë viteve të fundit, një periudhë e karakterizuar nga rritja e qëndrueshme, konsolidimi i performancës financiare, transformimi digjital dhe orientimi drejt përvojës së klientit. Në ceremoninë zyrtare të mbajtur në Londër, përfaqësues të bankës morën trofeun si një dëshmi e qartë e standardeve të arritura.

    Vlerësimi nga The Banker vjen pak muaj pas shpalljes së bankës si “Banka më e Mirë në Shqipëri 2025” nga Euromoney, duke e bërë këtë vit një prej kapitujve më të rëndësishëm në historinë e institucionit: dy prej emrave më të besueshëm në industrinë financiare ndërkombëtare konfirmojnë të njëjtën gjë, Tirana Bank po shkëlqen!
    “Të vlerësohesh si ‘Banka e Vitit në Shqipëri’ nga The Banker është një arritje jashtëzakonisht e rëndësishme për ne. Ky çmim, së bashku me vlerësimin e marrë nga Euromoney, tregon qartë se puna jonë po perceptohet dhe vlerësohet si brenda vendit ashtu edhe ndërkombëtarisht. Jemi krenarë për gjithçka që kemi ndërtuar dhe të vendosur të vazhdojmë me të njëjtin ritëm ambicioz.”, u shpreh z. Dritan Mustafa, Drejtor i Përgjithshëm Ekzekutiv i Tirana Bank.

    Sipas metodologjisë së Financial Times, çmimet “Banka e Vitit” vlerësojnë institucionet bankare në disa kritere themelore: rritjen dhe stabilitetin financiar, transformimin teknologjik, cilësinë e përvojës së klientit dhe kontributin real në ekonominë e vendit. Tirana Bank u dallua në mënyrë të veçantë në secilin prej këtyre dimensioneve, falë rezultateve të matshme dhe kulturës institucionale të përqendruar tek performanca dhe inovacioni.

    Ky vlerësim ndërkombëtar i shton peshë reputacionit të bankës dhe e pozicionon edhe më fuqishëm si një institucion dinamik dhe me rol të rëndësishëm në zhvillimin e sektorit financiar në Shqipëri.

  • A ja vlen t’i mbash paratë në banka digjitale? Norma më të larta interesi për depozitat se ato fiziket…

    A ja vlen t’i mbash paratë në banka digjitale? Norma më të larta interesi për depozitat se ato fiziket…

    Digjitalizimi po transformon ofrimin e shërbimeve bankare, duke sjellë shfaqjen e modeleve të reja të biznesit të bankave digjitale, të cilat bëjnë biznes vetëm në hapësirën online, pa zhvilluar rrjete degësh fizike. Edhe Shqipëria do ketë tashmë një bankë të tillë. Por çfarë janë këto banka dhe a janë shumë të përhapura në vendet e tjera? Në Eurozonë ekzistojnë rreth 60 banka digjitale. Shtatë nga këto banka janë degë të bankave tradicionale.
    Ato zotërojnë dhe ofrojnë një sërë produktesh identike me bankat fizike si llogari dhe karta bankare, kredi, depozita e të tjera. Njëlloj si bankat e tjera, edhe ato digjitale duhet të jenë të pajisura me licencë për të operuar. Bankat që funksionojnë plotësisht online kanë zakonisht fitim më të ulët se ato tradicionale, për shkak të kostos më të lartë të depozitave dhe shpenzimeve fikse. Ato ofrojnë zakonisht norma më të larta interesi, pasi mundohen ta zgjerojnë tregun e tyre me një bazë klientësh që janë më të ndjeshëm ndaj çmimeve sesa ajo e bankave tradicionale. Kostot relativisht të larta IT dhe shpenzimet e konsiderueshme të marketingut kufizojnë aftësinë e bankave digjitale për të arritur një nivel të ngjashëm fitimprurshmërie me atë të bankave fizike. Këto banka mbeten lojtarë relativisht të vegjël me oferta të kufizuara produktesh.
    Rritja e mëtejshme e tyre mund të jetë e mirë për konsumatorët, pasi shtohet konkurrenca ndërmjet aktorëve të tregut bankar dhe mund t’i shtynte bankat ekzistuese drejt përmirësimit të ofertës së tyre të shërbimit. Megjithatë, kjo mund të kthehet gjithashtu në kërcënim për stabilitetin financiar nëse modelet e biznesit të bankave tradicionale ndërpriten dhe bankat ekzistuese humbasin me shpejtësi ekskluzivitetin e depozitave që ofron financim të qëndrueshëm, i cili nga ana tjetër mbështet huadhënien e tyre për ekonominë reale.

  • Ministri i Financave/ Familjet në Kosovë kanë të kursyera 4.69 miliardë euro

    Ministri i Financave/ Familjet në Kosovë kanë të kursyera 4.69 miliardë euro

    Ministri në detyrë i Financave, Hekuran Murati, ka publikuar të dhëna nga Banka Qendrore e Kosovës sipas të cilave depozitat dhe kursimet e familjeve të Kosovës në banka kanë arritur nivel rekord.
    Ndërsa ekonomia e Kosovës përballet me çmime të larta dhe pasiguri politike, kursimet e qytetarëve në banka kanë arritur shifra rekord.
    Sipas ministrit në detyrë të Financave, Hekuran Murati, depozitat e familjeve në fund të tetorit kanë kapur vlerën e 4.69 miliardë eurove, duke reflektuar një rritje të ndjeshme në pesë vitet e fundit.
    Sipas Muratit, krahasuar me të njëjtin muaj pesë vite më parë, kjo paraqet rritje prej 2.12 miliardë eurosh, apo 82.5 për qind.
    Ai thekson se në periudhën 2020–2025, ritmi i rritjes së kursimeve ka qenë më shumë se dyfish më i lartë se në pesëvjeçarin e qeverive të mëparshme, kur rritja kishte qenë vetëm 40.8 për qind.
    “Depozitat dhe kursimet e familjeve kosovare në banka në fund të muajit tetor kanë arritur 4.69 miliardë euro, sipas të dhënave zyrtare nga BQK. Kjo përbën një rritje prej 2.12 miliardë euro, apo 82.5%, krahasuar me muajin tetor para 5 viteve kur depozitat dhe kursimet e familjeve në Kosovë ishin 2.57 miliardë euro.
    Sa për krahasim, në periudhën 5 vjeçare para Qeverisë Kurti, depozitat dhe kurismet e familjeve kishin shënuar rritje prej vetëm 745 milionë eurove, apo 40.8%. Pra në periudhën 2020-2025, rritja e parave në banka (depozita/kursime) për familjet në Kosovë ka qenë më se 2-fish më e shpejtë sesa rritja e parave në banka përgjatë 5-vjeçarit të qeverisjeve të kaluara (82.5% vs 40.8%).”
    Deklaratat e tij pasojnë komente të ngjashme nga zëvendësministrja në detyrë e Punëve të Jashtme dhe Diasporës, Liza Gashi, e cila tha së fundmi se qytetarët e Kosovës “kurrë nuk kanë pasur më shumë para” sesa sot.
    Ajo theksoi se pavarësisht rritjes së çmimeve, të dhënat tregojnë për përmirësim të mirëqenies financiare.
    “Fakt është që qytetari i Kosovës ka më shumë para se para 10 viteve. Sot kemi edhe qytetarë që po kthehen nga diaspora, për shkak të përparimit dhe kushteve më të mira”.
    Sipas të dhënave zyrtare të Bankës Qendrore të Kosovës, përveç rritjes së kursimeve, edhe niveli i kredive ka arritur në shifra të larta.
    Deri në fund të tetorit 2025, shuma totale e kredive të dhëna nga bankat ka arritur në 6.45 miliardë euro, prej të cilave rreth 2.7 miliardë euro janë kredi të marra nga familjet.
    Kjo tregon se ndërkohë që një pjesë e madhe e qytetarëve po kursejnë më shumë, shumë të tjerë po shfrytëzojnë kreditë për banim, biznese apo konsum, duke e mbajtur sektorin bankar ndër më aktivët në rajon.

  • Bankat digjitale zbarkojnë në Shqipëri, ja çfarë ndryshon për qytetarët

    Bankat digjitale zbarkojnë në Shqipëri, ja çfarë ndryshon për qytetarët

    Digjitalizimi po transformon ofrimin e shërbimeve bankare, duke sjellë shfaqjen e modeleve të reja të biznesit të bankave digjitale, të cilat bëjnë biznes vetëm në hapësirën online, pa zhvilluar rrjete degësh fizike. Edhe Shqipëria do ketë tashmë një bankë të tillë.
    Por çfarë janë këto banka dhe a janë shumë të përhapura në vendet e tjera?
    Në Eurozonë ekzistojnë rreth 60 banka digjitale. Shtatë nga këto banka janë degë të bankave tradicionale. Ato zotërojnë dhe ofrojnë një sërë produktesh identike me bankat fizike si llogari dhe karta bankare, kredi, depozita e të tjera. Njëlloj si bankat e tjera, edhe ato digjitale duhet të jenë të pajisura me licencë për të operuar.
    Bankat që funksionojnë plotësisht online kanë zakonisht fitim më të ulët se ato tradicionale, për shkak të kostos më të lartë të depozitave dhe shpenzimeve fikse. Ato ofrojnë zakonisht norma më të larta interesi, pasi mundohen ta zgjerojnë tregun e tyre me një bazë klientësh që janë më të ndjeshëm ndaj çmimeve sesa ajo e bankave tradicionale.
    Kostot relativisht të larta IT dhe shpenzimet e konsiderueshme të marketingut kufizojnë aftësinë e bankave digjitale për të arritur një nivel të ngjashëm fitimprurshmërie me atë të bankave fizike.
    Këto banka mbeten lojtarë relativisht të vegjël me oferta të kufizuara produktesh. Rritja e mëtejshme e tyre mund të jetë e mirë për konsumatorët, pasi shtohet konkurrenca ndërmjet aktorëve të tregut bankar dhe mund t’i shtynte bankat ekzistuese drejt përmirësimit të ofertës së tyre të shërbimit.
    Megjithatë, kjo mund të kthehet gjithashtu në kërcënim për stabilitetin financiar nëse modelet e biznesit të bankave tradicionale ndërpriten dhe bankat ekzistuese humbasin me shpejtësi ekskluzivitetin e depozitave që ofron financim të qëndrueshëm, i cili nga ana tjetër mbështet huadhënien e tyre për ekonominë reale.

  • Licencohet banka e parë tërësisht digjitale në Shqipëri, BSH jep miratimin paraprak

    Licencohet banka e parë tërësisht digjitale në Shqipëri, BSH jep miratimin paraprak

    Në mbledhjen e datës 3 dhjetor 2025, Këshilli Mbikëqyrës i Bankës së Shqipërisë mori në shqyrtim dhe vendosi të japë miratimin paraprak për licencimin e bankës “JET Bank” (Faza I), për të ushtruar veprimtari bankare dhe financiare në Republikën e Shqipërisë.

    JET Bank synon të jetë banka e parë në Shqipëri që operon në mënyrë tërësisht digjitale, duke kombinuar një teknologji të avancuar me një model të thjeshtë, të sigurt dhe të përqendruar te klienti. Misioni i saj është të prezantojë një model të ri shërbimi financiar, të ndryshëm nga modelet tradicionale bankare.
    Gjatë mbledhjes, Këshilli Mbikëqyrës u njoh dhe me informacione të tjera lidhur me veprimtarinë e përditshme funksionale dhe operacionale të Bankës së Shqipërisë.

    Top Channel

  • Meloni kërkon të ‘rrëmbejë’ arin 300 mld $ të popullit/ BQE – Qeverisë: ‘Pronësia’ është e bankës italiane, rishikoni dispozitën

    Meloni kërkon të ‘rrëmbejë’ arin 300 mld $ të popullit/ BQE – Qeverisë: ‘Pronësia’ është e bankës italiane, rishikoni dispozitën

    Banka Qendrore Evropiane i ka kërkuar Italisë të rishqyrtojë një amendament parlamentar, që pohon se rezervat e arit të bankës qendrore kombëtare i përkasin popullit italian, sipas një dokumenti të publikuar të mërkurën.

    Banka e Italisë, një institucion publik i pavarur nga qeveria, zotëron rezervat e treta më të mëdha kombëtare të arit në botë, pas SHBA-së dhe Gjermanisë. 2,452 ton metrikë ari të saj vlejnë 300 miliardë dollarë, afërsisht 13% e prodhimit kombëtar të Italisë.

    “Autoritetet italiane ftohen të rishqyrtojnë dispozitën e projektligjit, gjithashtu me qëllim ruajtjen e performancës së pavarur të Bankës së Italisë”, tha BQE, duke shtuar se nuk ishte e qartë se cili ishte qëllimi konkret i dispozitës së projektligjit.

    Vërejtjet mund ta nxisin koalicionin qeverisës të heqë dorë nga pretendimi i tij mbi pronësinë e popullit mbi rezervat e arit, i cili u paraqit si një amendament në buxhetin e vitit të ardhshëm.

    BQE tha se kishte lëshuar opinionin e saj, pasi kishte marrë dy kërkesa për koment nga Thesari i Italisë, më 28 nëntor dhe 1 dhjetor.

    PAVARËSIA E BANKËS QENDRORE

    Politikanët e të gjitha partive kanë kërkuar prej vitesh të sqarojnë pronësinë e arit, me disa që synojnë një shitje të mundshme për të ulur borxhin publik ose për të financuar uljen e taksave dhe shpenzimet. Të gjitha propozimet e tilla kanë hasur në rezistencë nga autoritetet e Bashkimit Evropian.

    “Gjatë kryerjes së detyrës së mbajtjes dhe menaxhimit të rezervave të arit, as BQE-ja, as një bankë qendrore kombëtare, përfshirë Bankën e Italisë, dhe asnjë anëtar i organeve të tyre vendimmarrëse, nuk duhet të kërkojë ose të marrë udhëzime nga asnjë qeveri e një shteti anëtar”, tha BQE-ja të mërkurën.

    Ai paralajmëroi se një transferim i arit ose i rezervave të huaja nga bilanci i Bankës së Italisë do të anashkalonte ndalimin e bankave qendrore për të financuar sektorin publik.

    Banka e Italisë thotë në faqen e saj të internetit se ari mund të përdoret si kolateral për kreditë ose, si mjet i fundit, të shitet për të blerë monedhën kombëtare për të mbështetur vlerën e saj.

    Partia e Melonit e kishte zbutur tashmë propozimin e saj duke hequr një referencë për shtetin, për të shmangur kritikat e BQE-së. Amendamenti fillestar thoshte: “Rezervat e arit, të menaxhuara dhe të mbajtura nga Banka e Italisë, i përkasin shtetit, në emër të popullit italian.”

    BQE tha gjithashtu se autoritetet italiane duhet të konsultohen me Bankën e Italisë, nëse duan të vazhdojnë me planet për të sqaruar pronësinë ligjore të rezervave të arit.

    Opinioni vjen mes shqetësimit në rritje në kryeqytetet evropiane mbi politikat e ndjekura nga Presidenti i SHBA-së Donald Trump, të cilat kanë ngritur pikëpyetje në lidhje me pavarësinë e Rezervës Federale.

    Burime i kanë thënë Reuters se disa zyrtarë të bankës qendrore madje kanë konsideruar bashkimin e rezervave të dollarit dhe arit jashtë SHBA-së nëse Rezerva Federale, ndoshta nën ndikimin e Trump, do të mbyllte linjën e saj të likuiditetit emergjent për BQE-në – një mbështetje financiare në të cilën bankat janë mbështetur që nga kriza financiare./ Reuters.

  • “Superleku” vijon triumfin, valutat e mbyllin vjeshtën edhe më të dobëta. Euro në pikiatë

    “Superleku” vijon triumfin, valutat e mbyllin vjeshtën edhe më të dobëta. Euro në pikiatë

    Euro vijoi tatëpjetën edhe në vjeshtë. Valuta europiane e mbylli muajin e shkuar në nivelin e 96.68 lekëve. Ky është niveli i ulët jo vetëm për këtë vit, po që nga viti 2008 kur euro hyri në Shqipëri.
    Dritan Vakaj, kreu i Shoqatës së Këmbimit Valutor, shprehet për A2CNN: “Deri diku kjo do të ishte e pritshme. Për aq kohë sa ne po përdorim më shumë euron se lekun, sigurisht që do të vinte një ditë që do të ndodhte “vdekja e saj”.
    Të dhënat nga Banka e Shqipërisë tregojnë se që nga fillimi i vitit, euro ka humbur plot 1.54 pikë. Ndërkohë, krahasuar me një vit më parë, valuta europiane është tkurrur me 1.67 pikë. Kjo edhe si pasojë e turistëve që ende vijojnë të vijnë në Shqipëri.
    “Rritja e remitancave nga emigrantët, hyrjet masive të turistëve të huaj që sjellin valutë, investimet e huaja që përllogariten në euro, si dhe mungesa e kërkesës për të blerë valutë për importe – të gjitha kanë ndikuar në këtë zhvlerësim të qëndrueshëm të euros. E gjithë kjo ndodh ndërsa Banka e Shqipërisë ndërhyn në treg për të blerë valutë dhe për të shmangur një rënie edhe më dramatike”, tha Vakaj.
    Të dhënat nga Banka Qendrore tregojnë se deri në tetor u këmbyen plotë 11.3 miliardë euro, shifër kjo 2 deri në tre herë më e lartë se në vitet 2019, 2020 apo 2021.
    “Efektet negative janë në horizont. Deri tani është duket se kemi përfituar nga inflacioni i importuar. Vazhdoj t’i qëndroj mendimit se “zhvlerësimi i euros do të kthehet shpejt në fatkeqësi”, u shpreh Vakaj.
    Euro po rrudhet shpejt, përballet me një realitet të ri shqiptar, ku fuqia vendase e parasë po fiton besim dhe pavarësi. Por mbetet për t’u parë nëse ky është një fund i përkohshëm, një kapitull i ri i lekut, apo thjesht një episod në ciklin e luhatjeve monetare që i karakterizon tregjet në tranzicion.

  • FMN rekomandon që Banka e Shqipërisë të tërhiqet nga ndërhyrjet në kursin e këmbimit

    FMN rekomandon që Banka e Shqipërisë të tërhiqet nga ndërhyrjet në kursin e këmbimit

    Fondi Monetar Ndërkombëtar (FMN) vlerëson se Banka e Shqipërisë duhet të pakësojë ndërhyrjet në kursin e këmbimit valutor.

    Sipas deklaratës së fundit të misionit të FMN-së në Shqipëri, kursi i këmbimit duhet të veprojë si amortizator goditjesh me një fleksibilitet më të madh, ndërsa akumulimi i mëtejshëm i rezervave duhet të udhëhiqet nga një analizë kosto-përfitim.

    Analiza e stafit të FMN-së sugjeron se vlerësimi i kursit real të Lekut drejtohet kryesisht nga faktorët themelorë, me flukset spekulative financiare që luajnë vetëm një rol modest.

    Për rrjedhojë, FMN-ja rekomandon që Banka e Shqipërisë duhet të lejojë fleksibilitet më të madh të kursit të këmbimit dhe të mbështetet te normat e interesit për stabilitetin e çmimeve, ndërsa ndërhyrjet në tregun valutor duhet të rezervohen për raste të rralla të goditjeve jo-themelore. Përfitimet nga akumulimi i rezervave duhet të peshohen ndaj kostove oportune në rritje, rreziqeve të normave të interesit dhe humbjeve të mundshme nga rivlerësimi valutor.

    Kursi i këmbimit mes Euros dhe Lekut ka vijuar rënien edhe gjatë këtij viti, por ndërhyrjet e vazhdueshme të Bankës së Shqipërisë e kanë ngadalësuar zhvlerësimin e monedhës europiane. Në muajin tetor, kursi preku një minimum të ri historik, në vlerën e 96.6 lekëve. Megjithatë, ritmet e rënies së kursit Euro-Lek janë ngadalësuar ndjeshëm krahasuar me vitin e kaluar. Aktualisht, rënia vjetore e kursit ka zbritur në 1.6%.

    Sipas informacionit të dhënë nga Guvernatori Sejko në Kuvendin e Shqipërisë, për nëntë muajt e parë të këtij vitit blerjet e valutës nga Banka e Shqipërisë kanë arritur në rreth 800 milionë euro, ndërkohë që gjatë të gjithë vitit 2024 ishin blerë 933 milionë euro. Këto shifra tregojnë qartë për ofertën e lartë të Euros në tregun valutor. Në mungesë të blerjeve të Bankës së Shqipërisë, kursi i këmbimit të monedhës europiane do të ishte në nivele edhe më të ulëta.

    Këto blerje janë argumentuar kryesisht në funksion të objektivit të stabilitetit të çmimeve, në kushtet kur inflacioni vazhdon të jetë poshtë objektivit prej 3%

    Megjithatë, FMN duket se nuk e miraton një praktikë të tillë dhe kërkon që Banka e Shqipërisë të ndjekë objektivat e politikës monetare nëpërmjet instrumentit bazë, normave të interesit.

    Të dhënat e Bankës së Shqipërisë tregojnë se në fund të shtatorit rezerva valutore arriti vlerën rekord prej 7.27 miliardë eurosh. Rezerva valutore është instrument i rëndësishëm për të amortizuar goditje të mundshme, të lidhura si me deficitin e llogarisë korrente, ashtu edhe me nivelin e lartë të Euroizimit të sektorit financiar në vend.

    Por, nga ana tjetër, rritja e rezervës valutore ka sjellë kosto të konsiderueshme në bilancin e Bankës së Shqipërisë, si rezultat i forcimit të kursit të këmbimit të monedhës vendase. Për vitin 2024, humbjet neto nga kursi i këmbimit kishin vlerën e 13.5 miliardë lekëve. Megjithatë, humbjet në këtë zë pësuan një reduktim të ndjeshëm me 63% krahasuar me një vit më parë. /Monitor

  • ‘Kursi i këmbimit duhet lënë i lirë’, FMN rekomandim për Bankën e Shqipërisë: Mos ndërhyni në valuta

    ‘Kursi i këmbimit duhet lënë i lirë’, FMN rekomandim për Bankën e Shqipërisë: Mos ndërhyni në valuta

    Fondi Monetar Ndërkombëtar (FMN) vlerëson se Banka e Shqipërisë duhet të pakësojë ndërhyrjet në kursin e këmbimit valutor.
    Sipas deklaratës së fundit të misionit të FMN-së në Shqipëri, kursi i këmbimit duhet të veprojë si amortizator goditjesh me një fleksibilitet më të madh, ndërsa akumulimi i mëtejshëm i rezervave duhet të udhëhiqet nga një analizë kosto-përfitim.
    Analiza e stafit të FMN-së sugjeron se vlerësimi i kursit real të Lekut drejtohet kryesisht nga faktorët themelorë, me flukset spekulative financiare që luajnë vetëm një rol modest.
    Për rrjedhojë, FMN-ja rekomandon që Banka e Shqipërisë duhet të lejojë fleksibilitet më të madh të kursit të këmbimit dhe të mbështetet te normat e interesit për stabilitetin e çmimeve, ndërsa ndërhyrjet në tregun valutor duhet të rezervohen për raste të rralla të goditjeve jo-themelore. Përfitimet nga akumulimi i rezervave duhet të peshohen ndaj kostove oportune në rritje, rreziqeve të normave të interesit dhe humbjeve të mundshme nga rivlerësimi valutor.
    Kursi i këmbimit mes Euros dhe Lekut ka vijuar rënien edhe gjatë këtij viti, por ndërhyrjet e vazhdueshme të Bankës së Shqipërisë e kanë ngadalësuar zhvlerësimin e monedhës europiane. Në muajin tetor, kursi preku një minimum të ri historik, në vlerën e 96.6 lekëve. Megjithatë, ritmet e rënies së kursit Euro-Lek janë ngadalësuar ndjeshëm krahasuar me vitin e kaluar. Aktualisht, rënia vjetore e kursit ka zbritur në 1.6%.
    Sipas informacionit të dhënë nga Guvernatori Sejko në Kuvendin e Shqipërisë, për nëntë muajt e parë të këtij vitit blerjet e valutës nga Banka e Shqipërisë kanë arritur në rreth 800 milionë euro, ndërkohë që gjatë të gjithë vitit 2024 ishin blerë 933 milionë euro. Këto shifra tregojnë qartë për ofertën e lartë të Euros në tregun valutor. Në mungesë të blerjeve të Bankës së Shqipërisë, kursi i këmbimit të monedhës europiane do të ishte në nivele edhe më të ulëta.
    Këto blerje janë argumentuar kryesisht në funksion të objektivit të stabilitetit të çmimeve, në kushtet kur inflacioni vazhdon të jetë poshtë objektivit prej 3%
    Megjithatë, FMN duket se nuk e miraton një praktikë të tillë dhe kërkon që Banka e Shqipërisë të ndjekë objektivat e politikës monetare nëpërmjet instrumentit bazë, normave të interesit.
    Të dhënat e Bankës së Shqipërisë tregojnë se në fund të shtatorit rezerva valutore arriti vlerën rekord prej 7.27 miliardë eurosh. Rezerva valutore është instrument i rëndësishëm për të amortizuar goditje të mundshme, të lidhura si me deficitin e llogarisë korrente, ashtu edhe me nivelin e lartë të Euroizimit të sektorit financiar në vend.
    Por, nga ana tjetër, rritja e rezervës valutore ka sjellë kosto të konsiderueshme në bilancin e Bankës së Shqipërisë, si rezultat i forcimit të kursit të këmbimit të monedhës vendase. Për vitin 2024, humbjet neto nga kursi i këmbimit kishin vlerën e 13.5 miliardë lekëve. Megjithatë, humbjet në këtë zë pësuan një reduktim të ndjeshëm me 63% krahasuar me një vit më parë.