Sulmohet me raketa tregu në Jemen, 30 të vdekur dhe 8 të plagosur

Dhjetëra njerëz janë vrarë dhe të tjerë janë plagosur në një sulm në një treg në Guvernatoratin Taiz të goditur nga konflikti në Jemenin jugperëndimor, sipas raportimeve nga burime të shumta të premten. Rebelët Huthi të mbështetur nga Irani dhe qeveria e njohur ndërkombëtarisht e Jemenit kanë fajësuar njëri-tjetrin për sulmin. Sipas Ministrisë së Shëndetësisë të kontrolluar nga Huthitë në Sanaa, 30 persona u vranë dhe tetë të tjerë u plagosën kur avionët luftarakë të Forcave Ajrore Saudite kryen disa sulme ajrore në treg në distriktin Al-Waziyah. Arabia Saudite, e cila udhëheq një koalicion ushtarak që lufton kundër Huthëve, fillimisht nuk iu përgjigj akuzave. Autoritetet që përfaqësojnë qeverinë e njohur ndërkombëtarisht të Jemenit, e cila mbështetet nga Riadi, thanë se nuk kishte pasur sulme ajrore...