Shqipëria e nis me fitore aventurën në Nations League/ Duka: Bravo trajnerit

Shqipëria e ka nisur me fitore aventurën e re në UEFA Nations League, duke mposhtur 2-0 Bjellorusinë në “Air Albania”. Golat e Kristjan Asllanit dhe Ernest Muçit i dhanë kuqezinjve tri pikët në debutimin zyrtar të trajnerit Rolando Maran në stolin e Kombëtares. Pas ndeshjes ka reaguar edhe presidenti i FSHF-së, Armand Duka. Përmes një postimi në Instagram, Duka e ka cilësuar fitoren si startin që kërkonte Kombëtarja. “Fitore 2-0 ndaj Bjellorusisë dhe starti që donim në UEFA Nations League! ⚽️💪🏻 Bravo kuqezinjve, trajnerit Maran, stafit dhe tifozëve për mbështetjen. 👏🏻” Shqipëria do ta vijojë fushatën në Nations League më 29 shtator, në transfertë ndaj San Marinos.