Shpërthim në një pikë karburanti në Tiranë, shembet një godinë një katëshe! Dëmtohen tre punonjës

Një shpërthim ka ndodhur mëngjesin e kësaj të mërkure, 9 shtator, në zonën e Brrylit te një pikë karburanti.  Burime bëjnë me dije për median se ka shpërthyer një depozitë e pikës së karburantit, për pasojë është shembur një godinë një katëshe. Bombola e gazit ku furnizohen makinat ka shpërthyer, ndërsa në momentin e ngjarjes ka qenë edhe një automjet duke u furnizuar me gaz. Nga shpërthimi kanë mbetur të dëmtuat tre punonjës të karburantit, të cilët po marrin ndihmë mjekësore. Policia dhe forcat zjarrfikëse ndodhen në vendin e ngjarjes.