Shkon në 7 numri i viktimave nga orteku në Himalaje, vijojnë kërkimet për një person të zhdukur

Numri i të vdekurve nga një ortek në shtetin verior Uttarakhand të Indisë u rrit në shtatë të premten, pasi ekipet e shpëtimit nxorën një trup tjetër të pajetë, ndërsa një person mbetet ende i zhdukur, raportuan mediat lokale. Një ekip i përbashkët nga Forca Shtetërore e Reagimit ndaj Fatkeqësive dhe Instituti Nehru i Alpinizmit nxori trupin pranë Kedarkhadak në distriktin Uttarkashi, sipas mediave vendase. Dy viktimat e gjetura të enjten u identifikuan si Rintu Mandal, 40 vjeç, dhe Uday Ghosh, 30 vjeç, të dy nga distrikti Bankura i Bengalit Perëndimor. Ekipet e shpëtimit kanë luftuar me 3 deri në 3.7 metra borë të akumuluar, terren të paqëndrueshëm dhe kushte të pafavorshme moti. Trupat e gjetur u transportuan në një kamp bazë përpara se të...