Shiste kokainë dhe kanabis në lokalin ku punonte si kamerier, arrestohet 18-vjeçari në Elbasan

Tre persona janë arrestuar në Elbasan në kuadër të operacionit antidrogë të koduar “Roli”, pasi dyshohet se përgatisnin dhe shisnin doza kokaine dhe Cannabis Sativa. Sipas policisë, një 18-vjeçar e kryente veprimtarinë në lokalin ku punonte si kamerier dhe në banesë, në bashkëpunim me vëllanë e tij dhe personin që kishte marrë me qira lokalin në fshatin Mjekës. Gjatë kontrolleve, policia sekuestroi dhjetëra doza lëndësh narkotike, 6 grirëse, 3 peshore elektronike, 2 celularë dhe një shkop metalik. Njoftimi i policisë: Përgatiste dhe shiste doza Kokaine dhe Cannabisi, në lokalin ku ishte i punësuar si kamerier, dhe në banesë, bashkë me vëllanë, arrestohet 18-vjeçari. Gjithashtu në pranga, vëllai i 18-vjeçarit dhe shtetasi që kishte marrë me qira lokalin e përshtatur për këtë veprimtari kriminale. Sekuestrohen dhjetëra...