Pritë e përgjakshme në Kenia, militantët e dyshuar të Al-Shabaab vrasin 8 persona pranë kufirit me Somalinë

Të paktën tetë persona, përfshirë pesë punëtorë të ndërtimit të rrugëve dhe dy rezervistë të policisë, u vranë të martën në një pritë të dyshuar të organizuar nga Al-Shabaab në qarkun Mandera, në verilindje të Kenias, pranë kufirit me Somalinë, sipas raportimeve të mediave. Sulmuesit hapën zjarr ndaj një automjeti që shoqëronte punëtorët përgjatë rrugës Arabia-Lafey, në zonën Hagarsu, duke vrarë të tetë personat që ndodheshin në të, përfshirë edhe shoferin. “Është veçanërisht e dhimbshme që individët, të cilët i janë përkushtuar avancimit të infrastrukturës dhe zhvillimit në qarkun tonë, kanë humbur jetën në rrethana kaq tragjike”, tha në një deklaratë guvernatori i Mandera-s, Mohamed Adan Khalif. Khalif bëri thirrje për një hetim urgjent dhe arrestimin e përgjegjësve, duke thënë se banorët meritojnë siguri dhe...