Përfundon pas tre orësh takimi Kurti-Hamza, kreu i PDK-së: Jemi gati t’i japim votat për presidentin

Kosova E Shtunë, 3 Tetor 2026 19:50 Ka përfunduar pas gati tre orësh takimi mes kryeministrit të Kosovës, Albin Kurtit dhe kryetarit të Partisë Demokratike të Kosovës, Bedri Hamzës. Ky i fundit ka ripërsëritur qëndrimin e PDK-së. “Kërkesa e PDK-së është aprovimi i ligjit në të dy leximet. Aprovimi final. Pastaj Partia Demokratike është e gatshme që në të njëjtën ditë, në seancën e radhës për të biseduar, për të gjetur zgjidhjen për presidentin dhe t’i japim votat për presidentin. Bisedat i kemi përfunduar, janë edhe disa ditë ku kemi mundësi me arrit marrëveshje. Nuk e di a do të ndodhë marrëveshja”, ka thënë Hamza.