Përfundon murali në Parkun e Artit, homazh për gratë e Arkivit Filmik Shqiptar

Një mural kushtuar grave që kanë punuar ndër vite në Arkivin Qendror Shtetëror të Filmit është realizuar në Parkun e Artit në Tiranë. Vepra artistike, e përfunduar nga Ministria e Turizmit, Kulturës dhe Sportit në bashkëpunim me Arkivin Qendror Shtetëror të Filmit, sjell një homazh për gratë që kanë kontribuar në ruajtjen dhe pasurimin e trashëgimisë filmike shqiptare. Përmes kësaj vepre, nderohen të gjitha gratë që kanë punuar dhe vijojnë të punojnë në arkivin filmik, i cilësuar si një prej pasurive të rëndësishme të kujtesës audiovizive kombëtare. Murali është realizuar nga artistët Franko Dine dhe Klevis Kita, ndërsa projekti synon të sjellë në vëmendje kontributin e grave në ruajtjen e historisë së kinematografisë shqiptare./atsh/KultPlus.com