Pas 13 vitesh mbylljeje, Siria rihap Xhaminë e Madhe Umajade në Aleppo

Siria rihapi të enjten Xhaminë historike të Madhe Umajad në qytetin verior të Alepos, 13 vjet pasi ajo u nxor jashtë funksionit pas dëmtimeve të shumta gjatë luftës civile të vendit. Guvernatori i Alepos, Azzam al-Gharib, mori pjesë në ceremoninë e rihapjes, sipas televizionit shtetëror Alikhbariah. “Sot, jemi të nderuar që rihapim një nga shtëpitë e Zotit, duke restauruar xhaminë e madhe të Alepos pas viteve të vështira në të cilat ajo iu nënshtrua shkatërrimit”, tha al-Gharib. Ai tha se xhamia, që daton që nga epoka e Umajadëve, për shekuj me radhë kishte shërbyer si qendër e të mësuarit dhe e jetës fetare në qytetin historik. Guvernatori kujtoi gjithashtu rolin e xhamisë gjatë kryengritjes siriane që filloi në mars të vitit 2011, duke thënë se...