Muzeu i Oksfordit nis kthimin e mbetjeve mortore te komuniteti autokton Naga

Universiteti i Oksfordit ka kthyer në Indi mbetjet mortore të 39 pjesëtarëve të komunitetit Naga, të marra gjatë periudhës së sundimit kolonial britanik. Një delegacion prej rreth 30 përfaqësuesish nga Nagalandi, shtet malor në verilindje të Indisë, udhëtoi drejt Oksfordit për të marrë pjesë në ceremoninë e dorëzimit, të mbajtur të hënën në Muzeun Pitt Rivers të Universitetit të Oksfordit. Mbetjet, shumica prej të cilave janë kafka, do të dërgohen në Indi, ku udhëheqësit e komunitetit Naga kanë planifikuar t’u japin një prehje dinjitoze. Sipas planit, ato do të varrosen nën një memorial të përbashkët në një park në Nagaland. Drejtoresha e muzeut, Laura Van Broekhoven, e cilësoi këtë kthim si një moment historik, që do të mbetet pjesë e rrëfimeve të brezave të ardhshëm....