Merz kushtëzon buxhetin e ri të BE-së me financimin e Ukrainës: Të gjitha shtetet anëtare të kontribuojnë

Kancelari gjerman, Friedrich Merz, ka lidhur marrëveshjen për buxhetin e ardhshëm shtatëvjeçar të Bashkimit Evropian me sigurimin e mbështetjes së re financiare për Ukrainën. Ai kërkon që të gjitha vendet anëtare të kontribuojnë në përballimin e nevojave ekonomike të Kievit. Këtë qëndrim ai e shprehu në letrën që i ka dërguar presidentit të Këshillit Evropian, António Costa, dhe që është siguruar nga Euronews. Sipas kancelarit, një angazhim i përbashkët financiar nga të gjitha shtetet anëtare është kusht për avancimin e diskutimeve mbi çështjet e tjera të buxhetit evropian. Ukraina përballet me një mungesë financimi prej rreth 70 miliardë eurosh për buxhetin e vitit 2027. Kjo mungesë vjen si pasojë e dëmeve dhe kostove të shkaktuara nga sulmet e vazhdueshme ruse. Bashkimi Evropian ka premtuar të...