Vaksina universale për ftohjen, gripin, Covid-in dhe alergjitë është një hap më afër

Një vaksinë universale për ftohjen, gripin, Covid-in dhe alergjitë është afruar ndjeshëm, besojnë shkencëtarët. Ekspertët në Stanford Medicine në SHBA kanë zhvilluar një vaksinë universale që mund të jepet si sprej nazal dhe mund të mbrojë kundër një game të gjerë virusesh të frymëmarrjes, baktereve dhe shkaktarëve të alergjive. Edhe pse studimi, i botuar në revistën Science, u krye te minjtë, ata thanë se vaksina ofroi mbrojtje të gjerë në mushkëri për disa muaj. Minjtë e vaksinuar u mbrojtën nga Covid dhe koronaviruse të tjera, Staphylococcus aureus (i cili mund të infektojë lëkurën dhe të shkaktojë sepsë), Acinetobacter baumannii (i cili mund të shkaktojë infeksione në gjak, traktin urinar, mushkëri ose plagë) dhe marimangat e pluhurit shtëpiak. Nëse përkthehet te njerëzit, një vaksinë e tillë...