Kush është Alice Huang? Karriera në financë, lidhja me shefin e Nvidia-s dhe dyshimet për spiunazh

Alice Huang, e njohur gjithashtu si Huang Le, ndërtoi karrierën e saj në sektorin financiar në Kinë, përpara se të përfshihej në industrinë e teknologjisë dhe garën globale për prodhimin e çipave të inteligjencës artificiale. Biznesmenia kineze ka marrë vëmendjen e autoriteteve amerikane për shkak të lidhjeve të saj me Jensen Huang, drejtuesin e gjigantit teknologjik Nvidia, si dhe dyshimeve për përfshirje në një operacion të mundshëm spiunazhi në favor të Pekinit. Sipas një investigimi të agjencisë “Reuters”, bazuar në më shumë se 30 dokumente financiare, regjistra kompanish dhe materiale publike, Alice Huang ka mbajtur më parë pozicione të rëndësishme në një kompani investimesh në Shangai. Më pas, ajo u bë aksionerja kryesore e kompanisë singaporiane Megaspeed International, e cila ofron shërbime të informatikës në...