Zana Shuteriqi: Tish Daija, kompozitori që bëri historinë e baletit shqiptar dhe nxitës i modernizimit të këngës…

Kompozitori Tish Daija me veprën “Halili dhe Hajrija” u bë krijuesi i baletit të parë shqiptar. Kompozoi në të gjitha format e gjinitë muzikore dhe është një nga kontribuesit më të shquar në pasurimin e artit muzikor. Prof. dr. Zana Shuteriqi muzikologe, historiane muzike dhe pedagoge në Universitetin e Arteve në Tiranë thotë se Tish Daija është kompozitori që bëri historinë e baletit shqiptar, si dhe një nxitës i modernizimit të këngës shqiptare. Në intervistën për gazetën “SOT” prof. dr. Zana Shuteriqi thekson se ai ka një vend të veçantë mes kompozitorëve pas Luftës së Dytë Botërore, sepse solli baletin e parë shqiptar, “Halili dhe Hajria”. Për muzikologun e mirënjohur Zana Shuteriqi, nëpërmjet këtij baleti u hodhën dy baza shumë të rëndësishme, themelimi i baletit...