Oltsen Gripshi sjell “Lakuriq”, ekspozita ndërthur pikturën me instalacionin

February 11, 2026 February 11, 2026 Ekspozita personale “Lakuriq” e artistit Oltsen Gripshi fton çdokënd të përjetojë një reflektim të thellë mbi trupin, identitetin dhe zhveshjen simbolike të njeriut përballë vetes dhe shoqërisë. Përmes një gjuhe bashkëkohore vizuale, Gripshi eksploron konceptin e lakuriqësisë si gjendje emocionale, psikologjike dhe ekzistenciale. Punimet e paraqitura ndërthurin elementë të pikturës, instilacionit dhe qasjes konceptuale, duke vendosur në qendër trupin si territor kujtese. Imazhet shfaqen të zhveshura nga konvencionet, nga maskat sociale dhe nga rolet e imponuara, duke krijuar një dialog të drejtpërdrejtë me publikun. Në këtë kontekst, “Lakuriq” shndërrohet në një akt sinqeriteti artistik dhe një ftesë për reflektim mbi brishtësinë njerëzore. Ekspozita thekson marrëdhënien mes brendësisë dhe pamjes së jashtme, duke sugjeruar se zhveshja më e vështirë nuk është ajo fizike, por ajo shpirtërore....