Vrasja e Santiago Malkos, GJKKO dënon me 30 vite burgim Leonard Dukën

January 21, 2026 January 21, 2026 Gjykata e Posaçme ka shpallur sot vendimin për vrasjen e ish-policit Santiago Malko, ngjarje e ndodhur më 27 gusht 2019. Vizion Plus mëson se trupa gjykuese vendosi që i pandehuri Leonard Duka të dënohet me 30 vite burg. Ndërkohë, Erlis Duka, vëllai i Leonard Dukës, u shpall i pafajshëm për vrasjen Malkos, edhe për të gjitha episodet e tjera për armëmbajtje, ndërsa u vendos heqje e masës se sigurimit, duke u liruar totalisht nga akuzat. Po ashtu, GJKKO dënoi me 25 vite burg Fatmir Hysenin, i njohur me nofkën ‘Doça’, i njëjti dënim dhe për Aleksandër Manxhakun, Oltian Loga dhe Dritan Agaj.